You Are Here:
Home -
ပင်မစာမျက်နှာ
,
ပီးစာ
,
အမျိုးသားရီး
-
ငါနန့်မဆိုင် ဆိုသူများ သို့
ငါနန့်မဆိုင် ဆိုသူများ သို့
Posted by Unknown on 5:26 AM //
နွားထီးချေတစ်ကောင် ၊ ၀က်တောင်းချေတစ်ကောင် ၊ ကြက်ဖချေတစ်ကောင် ၊ ကြွက်မချေတစ်ကောင် ရို့ရေ အိမ်တစ်အိမ်မှာ အတူတူနိန်ကတ်လို့ သူငယ်ချင်းအဖြိုက် ခင်ခင်မင်မင်နီကတ်ပါရေ တစ်ရက်နိန်ခါ အိမ်ရှင်က အိမ်မှာ ကြွက်တိသောင်းဂျန်းရေ ဆိုပြီးကေ ဈီးကိုလားရေခါ (ကြွက်ခုပ်)ကြွက်ထောင်ချောက်တစ်ခုဝယ်ခစွာကို ကြွက်မချေမြင်လားခပါရေ၊ ထိုအခါ ကြွက်မချေက အလွန်စိုးရိမ်ကြောက်ရွံ့ပြီးကေ သူ့ သူငယ်ချင်းဖြိုက်တေ ကြက်ဖချေပါးသို့ လားပြီးကေ အဝေ သူငယ်ချင်းကြက်ဖ ငါ့ရို့အိမ်ရှင်မှာ ငါ့ကိုသတ်ဖို့လို့ (ကြွက်ခုပ်)ကြွက်ထောင်ချောက်တစ်ခု ဈီးက၀ယ်ခရေဝေ ငါဇာနိန်သီဖို့လေ့ မသိ ၊ငါ ဇာပိုင်လုပ်ရဖိုလဲ့လို့ အကြံတောင်းရေခါ သူ့ သူငယ်ချင်း ကြက်ဖချေက ကြွက်ခုပ်ဝယ်ခစွာ ငါနန့်ကမဆိုင် မင်းနန့်ရာဆိုင်ရေလို့ ကြက်ဖချေက ပြောလိုက်ပါရေ၊ ထိုအခါ ကြွက်မချေက စိတ်ညစ်ပြီးကေ သူငယ်ချင်းဖြိုက်တေ ၀က်တောင်းချေပါးကို လားပြီးကေ အကြံတောင်းပါရေ ၊ထိုအခါ ၀က်တောင်းချေကလေ့ အဝေ ကြွက်မချေ ငါ့ရို့အိမ်ရှင်မှာ (ကြွက်ခုပ်)၊ ကြွက်ထောင်ချောက်ဝယ်စွာ ငါနန့်ကမဆိုင် မင်းနန့်ရာဆိုင်ရေ ပြောလိုက်ပါရေ၊ ကြွက်မချေလေ့ စိတ်အားငယ်ပြီးကေ သူ့သူငယ်ချင်းဖြိုက်တေ နွားထီးချေပါးသို့ လားပြီးကေ နောက်ဆုံးအကြံတောင်းကြည့်ဖို့ဗျာလ် ဆိုပြီးကေ နွားထီးချေကို ကြက်ဖချေ နန့် ၀က်တောင်းချေပိုင် အကြံတောင်းမိပါရေ၊ ထိုအခါ နွားထီးချေလည်း (ကြွက်ခုပ်) ၀ယ်စွာ ငါနန့်ကမဆိုင် မင်းနန့်ရာ ဆိုင်ရေဆိုပြီးကေ ပြောလွတ်လိုက်ပါရေ၊ ကြွက်မချေလည်း သူငယ်ချင်းချင်း တစ်အိမ်တည်းမှာ အတူတူနိန်ကတ်လို့ပင် တစ်ကောင်ဒုက္ခရောက်ဖို့စွာကို တစ်ကောင်လေ့မကူညီ ငါနန့်မဆိုင်ဂျေး ပြောကတ်တေ ။ ထိုအခါ ကြွက်မချေက ငါလေ့ ဇာတတ်နိုင်ဖို့လဲ ငါ့ကိုငါ စားသတိ လားသတိ နိန်သတိ ထားလီရဖို့ဗျာလ် ဆိုပြီးကေ ယင်းနိန့်ကပင် ကြွက်မချေရေ အထူးသတိထားပြီးကေ နိန်ပါရေ ၊တစ်ရက်နိန်ခါ (ဖေါင်း)ဆိုရေ အသံကြားလိုက်ရလို့ အိမ်ရှင်က အေလောက်ကေ ကြွက်ခုပ်မှာ ကြွက်ကျနိန်ဗျာလ် ဆိုပြီးကေ ကမန်းကတန်းလားကြည့်ရေခါ မြွီတစ်ကောင် ပဒုန်းဖျားက ကြွက်ခုပ်မှာ ညှပ်နိန်စွာကို အိမ်ရှင်က သတိမထားဘဲ အနားကို ကပ်လို့ ကြည့်လိုက်တေခါ မြွီက အိမ်ရှင်ကို တောက်ပလိုက်ပါရေ ၊ထိုအခါ အိမ်ရှင် မြွီဆိပ်တက်နိန်လို့ ဆီးသမားခေါ်ဖို့ အိမ်နားပတ်ဝန်းကျင်က လူတိကို အိမ်ရှင်မက အကူအညီတောင်းလိုက်ပါရေ ၊အိမ်နားကလူတိလေ့ ဆီးသမားကိုလားခေါ်ပီးကတ်ပါရေ ၊ယင်အတွက်နန့် အိမ်ရှင်မက ကျေးဇူးဆပ်တေ အနေနန့် အိမ်မှာဟိန်ရေ ကြက်ဖချေကို သတ်ပြီးကေ ဆီးသမားခေါ်ပီးရေ အိမ်နားပတ်ဝန်းကျင်ကလူတိကို ထမင်းချက်ကျွေးလိုက်ပါရေ၊နောက်တစ်ရက်နိန်ခါ အိမ်ရှင်က မြွီဆိပ်တက်ပြီးကေ သီလားခပါရေ၊ ထိုအခါ အိမ်ရှင်မက ရပ်ဝီးရပ်နီး ဆွေမျိုးတိကို (မသာ) အသုဘချဖို့အတွက် အကြောင်းကြားလိုက်ပါရေ၊ မသာပို့သဂြိုလ်ဖို့ ရောက်လာကတ်တေ ဆွေမျိုးမိတ်ဆွေတိကို အိမ်မှာဟိန်ရေ ၀က်တောင်းချေကို သတ်ပြီးကေ ထမင်းကျွေးလိုက်ရပါရေ ၊ နောက်ခုနစ်ရက်မြောက်ရေခါ အိမ်ရှင်မက သီလားခရေ အိမ်ရှင်အတွက် သပိတ်ဖြည့် အလှူအတန်းတစ်ခုလုပ်ဖို့ဆိုပြီးကေ အိမ်မှာဟိန်ရေ နွားထီးချေကို သတ်ဗျာလ် သပိတ်ဖြည့် ဆွမ်းကျွေးအလှူလုပ်လိုက်ပါရေ၊ထိုအခါ ကြွက်မချေက အော် ငါ့သူငယ်ချင်းတိ တစ်ကောင်လေ့ မဟိန်ကတ်ဗျာလ် အားလုံးသီးလားခကတ်တေမလားဂူး၊ အိမ်ကိုကြွက်ခုပ်ရောက်ခါကပင် အန္တရာယ်ဖြစ်ဖို့စွာကို ငါမြင်လို့ တိုင်ပင်အကြံဥာဏ်တောင်းရေခါ သူရို့က ငါနန့်မဆိုင် ငါနန့်မဆိုင်ဆိုပြီးကေ ခေါင်းရှောင်လားခလို့ အေအဖြိုက်ဆိုးမျိုးကို ရောက်လားခကတ်ရပါရေ ၊အို ရခိုင်သူ/သားရို့ အမျိုးသားရေးနန့် ပက်သက်လို့သော်၎င်း ရခိုင်ပြည်အရေးနှင့် ပက်သက်လို့သော်၎င်း ငါနန့်မဆိုင် ငါနန့်မဆိုင် ဆိုပြီးကေ ခေါင်းမေ၇ှာင်လားကတ်ပါကေ့ ရောက်ရေနိန်ရာ ရောက်ရေအရပ်မှာ မိမိအသိစိတ်ဖြင့် ကိုယ့်မှာဟိန်ရေ ဥာဏ်စွမ်းရှိသလောက် ကိုယ်စွမ်းရှိသလောက် နိုင်သလောက်ရာ စွမ်းသလောက်ရာ ရခိုင်ပြည်အရေးး ရခိုင်အမျိုးသားရေးကို တာဝန်ကိုယ်စီ ယူခကတ်ဖို့ဆိုကေ ဒေကနိန့် ရခိုင်ပြည် နှင့် ရခိုင်သားတိ အဂုပိုင် အောက်ကျလားဖို့ လုံးဝမမြင်ပါ၊ ရခိုင်တစ်ယောက် ဒုက္ခရောက်နိန်စွာကိုမြင်ကေ ငါနန့်မဆိုင်၊ ရခိုင်မိသားစုတစ်စု အခက်အခဲဖြိုက်နိန်စွာကိုမြင်ကေ ငါရို့နန့်က အမျိုးမတော် ၊ရခိုင်ရွာတစ်ရွာ ဒုက္ခရောက်နိန်စွာကြားကေ ငါရို့ရွာနန့်က အ၀ီးကြီးရာ ငါရို့နန့်မဆိုင် ၊ရခိုင်ပြည်က မြို့တစ်မြို့ ဒုက္ခရောက်နိန်ရေလို့ ကြားကေ ငါ့ရို့နိန်ရေ မြို့ကမဟုတ် ငါ့ရို့နန့် မဆိုင် ၊ဆိုပြီးကေ မျက်နှာလွှဲ ဂေါင်းရှောင်ပြီး ဥပေက္ခာပြုမထားကတ်ပါကေ့၊ ၊(ရခိုင်ဆိုရေ စာလုံးနောက်က ကောင်းကောင်း ဆိုးဆိုး ထွက်လာသမျှအဓိပ်ပါယ်သည် ရခိုင်တစ်မျိုးသားလုံးနန့် သက်ဆိုင်ရေ) လို့ ခံယူထားကတ်စီချင်ပါရေ ၊ နောက်လာနောက်သား ရခိုင်များအတွက် ကျွန်တော်ရို့ရေ ဒေနိန်ကစလို့ ဇာပင်လုပ်လုပ် အမျိုးသားရေးအသိချေတစ်ခု ကပ်ပြီးကေ လုပ်ကတ်ဖို့စွာကို တိုက်တွန်း
