မနေ့ညပိုင်း ၁၀ နာရီလောက်မှာ ရခိုင်ပြည်နယ်၊ စစ်တွေမြို့ ရဲစခန်းရှေ့မှာ လူစုလူဝေးနဲ့ ဆူပူခဲ့ရာကနေ ပစ်ခတ်တဲ့အဆင့်အထိ ရောက်သွားခဲ့ရပြီး လူ တချို့ ဒဏ်ရာရခဲ့ပါတယ်။ ဖြစ်ပွားပုံကတော့ လွန်ခဲ့တဲ့တလက ဈေးကောက်နှုန်းကြီးမားမှုကို ဦးဆောင်ပြီး ဆန္ဒပြခဲ့သူတဦးကို ဆန့်ကျင်ဘက်အုပ်စုက ဝိုင်းရိုက်လို့ သေဆုံးသွားတယ်ဆိုတဲ့ သတင်းထွက်ပေါ်ခဲ့ရာကနေ ဆူပူမှု ဖြစ်လာခဲ့ရတာပါ။ အခုလို ဖြစ်ပျက်ရတဲ့ အခြေအနေကို ကိုယ်တိုင် မြင်တွေ့ခဲ့သူ လွှတ်တော်ကိုယ်စားလှယ် ဦးဖေသန်းက ဗွီအိုအေကို အခုလို ပြောပါတယ်။
“၁၀ နာရီကျော်ကျော်လောက်မှာ လူထုက ခဲနဲ့ ပေါက်တော့တာပါပဲ။ တအုပ်စုကို ၁၀၀ လောက်တော့ ရှိမယ်ဗျ။ ဟိုဘက် ၅၀၊ ဒီဘက် ၅၀ လောက်။ ရဲစခန်းကို ခဲနဲ့ ပေါက်ကြတာပေါ့။ ခဲနဲ့ပေါက်တော့ နာရီဝက်လောက် အထိကတော့ ဘာမှမလုပ်ပါဘူး။ ရဲက ဒီအတိုင်းကြည့်နေပါတယ်။ အဲဒါနဲ့တင် နောက် နာရီဝက်ကျော်ကျော်လောက် ကြာတော့ ရဲက သေနတ်နဲ့ မိုးပေါ်ထောင်ပစ်ပါတယ်။ ၁၁ နာရီခွဲလောက်မှာတော့ လူတွေကို တည့်တည့်ပစ်တော့တာပဲ။ အဲဒီမှာ လူ သုံးယောက် ကျနော့်ရှေ့တင်ပဲ ဒဏ်ရာ ရပြီးတော့ ဆိုင်ကယ်တွေနဲ့ တင်ပြီးတော့ ဆေးရုံကို အရေးပေါ်ပြေးသွားကြတယ်ခင်ဗျ။ ဒါပေမဲ့ လူအုပ်စုက ကွဲမသွားဘူး။ နောက်ထပ် ခဲနဲ့ ထပ်ပစ်နေကြတယ်။”
ဈေးကောက်ကိစ္စ ဖြစ်ပွားခဲ့တာက အရင်အခေါ် နာဇီကျေးရွာ၊ စက်ရုံစုကျေးရွာ ဈေးမှာ ဈေးကောက် အဆမတန် မြှင့်ကောက်ခဲ့လို့ ရခိုင် တိုင်းရင်းသားများ တိုးတက်ရေးပါတီရဲ့ စည်းရုံးရေးမှူး ဦးအောင်သန်းဝေ ဦးဆောင်တဲ့ ဈေးသည်တစုက ပြည်ထောင်စု ဝန်ကြီးချုပ်ရုံးရှေ့မှာ ဆန္ဒပြပြီး ဈေးကောက်နှုန်းတွေ လျှော့ပေါ့ပေးဖို့ တောင်းဆိုခဲ့ကြတာပါ။ အဲဒီတောင်းဆိုမှုကြောင့် ရခိုင်ပြည်ထောင်စု ဝန်ကြီးချုပ်က ချက်ချင်းပဲ ဈေးကောက် အပြောင်းအလဲတွေ လုပ်ပေးခဲ့ပါတယ်။
ရဲစခန်းရှေ့ကို ရောက်လာသူတွေက အရိုက်ခံရသူ ဦးအောင်သန်းဝေ သေဆုံးသွားတယ်၊ အလောင်းကို ကားပေါ်တင်သွားတယ်ဆိုတဲ့ သတင်းတွေကြောင့် ရဲစခန်းရှေ့မှာသွားပြီး အလောင်းရှာပေးဖို့၊ တရားခံတွေကို ဖမ်းပေးဖို့ တောင်းဆိုခဲ့ကြတာပါ။ ဒါကြောင့် ကာယကံရှင် ဦးအောင်သန်းဝေ ကိုယ်တိုင်က သူ ဘာမှ မဖြစ်တဲ့အကြောင်း ရဲစခန်းရှေ့ကို ကိုယ်တိုင်လာရောက် ဖြေရှင်းပုံနဲ့ပတ်သက်လို့ အခုလို ပြောပြပါတယ်။
“လူထုက ကျနော့်ကို မတွေ့ရရင် မကျေနပ်တဲ့ သဘောမျိုး ဖြစ်နေတာ။ အဲဒါ လူထုကိုတော့ ကျနော် အကျိုးအကြောင်း ပြောပြလိုက်တာပေါ့။ သူတို့ ဦးအောင်သန်းဝေ အစစ် ဟုတ်မဟုတ်ဆိုတာ သူတို့လည်း သေချာ မသိကြဘူးလေ။ ကျနော့် မှတ်ပုံတင်ကဒ်ပြားတို့၊ ပါတီဝင်ကဒ်ပြားတို့ အကုန်ထုတ်ပြပါတယ်။ တချို့ကတော့ နားလည်ပြီး ပြန်သွားတယ်။ တချို့ကတော့ အဲဒီမှာ အစ်မရယ် မူးယစ်သောက်စားထားတဲ့သူတွေ ပါတာပေါ့။ အဲဒီလူတွေကတော့ ခပ်ရိုင်း     ရိုင်းပေါ့။ အကြမ်းဖက်ချင်တဲ့ ဆန္ဒသဘောထားတွေ တွေ့ရတယ်ခင်ဗျ။ ကျနော်တောင်မှ မနေ့က ဟိုကောင်တွေ သတ်လို့မသေဘဲ ဒီက ကျနော့်တို့လူပါဆိုပြီးမှ ပါလာတဲ့ မသမာတဲ့သူတွေရဲ့ လက်ချက်ကြောင် မသေတာ ကံကောင်းပဲဗျ။ အုပ်ခဲတွေရော ဘာတွေရော ပျံနေတပဲ။ ဒီက ရဲစခန်းမှာ။”
ဦးအောင်သန်းဝေကတော့  ရဲစခန်းအတွင်းမှာပဲ ရခိုင်ပြည်နယ်၊ အမျိုးသားလွှတ်တော် အမတ် ဒေါက်တာအေးမောင်နဲ့အတူ ရှိနေတာပါ။ အခုလို ပစ်ခတ်မှုတွေ စတင်ပုံနဲ့ ပတ်သက်လို့ ရဲစခန်းထဲမှာ ရောက်နေတဲ့ ဒေါက်တာအေးမောင်က ဗွီအိုအေကို အခုလို ပြောပါတယ်။
“ဒီဘက်က ရဲစခန်းဝင်းထဲကို တံခါးဖွင့်ဖို့ လုပ်ကြတာ ရှိတာပေါ့နော်။ အဲဒီမှာ ရဲတွေနဲ့ တော်တော်များများ ပစ်ကြခတ်လိုက်ကြတာတော့ ကျနော်တို့ ကြားပါတယ်။ ကျနော်တို့ကတော့ လုံခြုံတဲ့နေရာမှာ ရှိတာပေါ့နော်။ အဲဒီ အကြာကြီးပေါ့နော်။ ခဲတွေနဲ့ ပစ်၊ ပုလင်းတွေနဲ့ ပစ်တဲ့အသံတွေ ကြားလိုက်ရပါတယ်။ အဲဒီနောက်မှာ အချက်ပေါင်း တော်တော်များများဟာ မိုးကို ထောင်ပစ်တဲ့သဘော ကြားပါတယ်။ အဲဒီနောက်မှာ တံခါးတခု ပွင့်သွားတယ်ဆိုတဲ့ အသံလည်း ကြားပါတယ်။ တံခါးရဲ့ လူဝင်ပေါက်လေး ပွင့်သွားတယ် ဆိုတဲ့အခါမှာ ဒီဘက်ကို ကျော်ဝင်လာမှာစိုးလို့ ထောင်ပစ်တဲ့သဘောလို့လည်း ကျနော်တို့ ကြားတာပေါ့ဗျာ။”
စစ်တွေမြို့နယ်၊ အမှတ် (၁) ရဲစခန်းထဲမှာ ရှိနေတဲ့ ဒေါက်တာအေးမောင်ကို ဗွီအိုအေက ဆက်သွယ် မေးမြန်းခဲ့တာပါ။ ကျမတို့ ဆက်သွယ် မေးမြန်းချိန်ဟာ ည သန်းကောင်ကျော်အချိန် ဖြစ်နေပြီး အဲဒီအချိန်မှာ လက်ရှိဖြစ်နေတဲ့ အခြေအနေကိုလည်း ဒေါက်တာအေးမောင်က အခုလို ပြောပြပါတယ်။
“အခု ကြားနေရတဲ့အသံက ရှေ့ကို မတက်လာဖို့ပေါ့ဗျာ။ နောက် လူတွေ ကွယ်နေပါ ဆိုတာကို ရခိုင်လို ပြောနေကြတာပါ။ ရဲဘက်က တာဝန်ရှိတဲ့ ပုဂ္ဂိုလ်တွေ ထင်ပါတယ်။”
ညပိုင်း ၁၁ နာရီလောက်မှာ လူ သုံးယောက် ဒဏ်ရာရတယ်လို့ သိထားရပေမဲ့ အခု တနင်္လာနေ့ မနက်ဘက် ၁ နာရီဝန်းကျင်မှာတော့ စစ်တွေမြို့ထဲ နောက်ထပ် ပစ်ခတ်မှုတွေ ရှိနေတယ်ဆိုတဲ့အကြောင်း မြို့ခံတဦးက ပြောပါတယ်။
“ကျနော်တို့ ဖြစ်တာက ပထမက ၉ နာရီ ၀န်းကျင်လောက်ကနေ မိုးပေါ်ကို ထောင်ပစ်သံတွေ ကြားတာပေါ့။ အခုကျတော့ ည ၁ နာရီ ၀န်းကျင်လောက်မှာ လူအုပ်ကို လှမ်းပစ်တဲ့အသံတွေ ကြားလာတယ်။ နောက်ပြီးတော့ လမ်းကြားတွေထဲအထိ လိုက်ပစ်တယ်၊ နေရာအနှံ့အပြားကနေ သေနတ်သံတွေ ထွက်တာပေါ့နော်။ စောစောပိုင်းကတော့ ကျနော်တို့ ရဲစခန်းဘက်ကို ခဲနဲ့ ထုတယ် ဆိုတဲ့ အသံတွေ ကြားရတယ်ပေါ့လေ။ အဲဒီနောက်ပိုင်း ရဲစခန်းကနေ မိုးပေါ်ထောင်ပစ်တယ်။ နောက်ပြီးတဲ့အခါကျတော့ အခု နေရာအနှံ့အပြားကနေ လူအုပ်တွေထဲအထိ လိုက်ပစ်တာပေါ့။ ရဲကားတွေကလည်း လမ်းကြားတွေထဲအထိ ရောက်လာတယ်။ အခု ၇ ယောက်လောက် ဆေးရုံတင်ထားရတယ် ဆိုတဲ့ သတင်းတွေတော့ ကြားနေရတယ်။ ကျနော်တို့ သိထားသလောက်ပေါ့။ ကိုယ်တိုင်တော့ မမြင်ရသေးဘူးပေါ့နော်။ ၁ နာရီ ၀န်းကျင်လောက်မှာ ပစ်တဲ့အခါကျတော့ အဆောက်အဦးတွေပါ မှန်တယ်။ ကျနော်တို့ အိမ် အပေါ်ထပ်တွေဘာတွေ မှန်တယ်။ သေနတ်မှန်တယ်။”
လူစုခွဲရာမှာ  မျက်ရည်ယိုဗုံးတွေသုံးပြီး လူစုခွဲခဲ့ကြောင်းနဲ့ ထိခိုက်ဒဏ်ရာ ရသူတွေ ရှိတယ်လို့ ဒေသခံ နောက်တဦးက ပြောပါတယ်။ ဒီသတင်းတွေနဲ့ ပတ်သက်လို့ အာဏာပိုင်တွေဘက်က သီးခြားအတည်ပြုချက်ရဖို့ အခင်းဖြစ်ပွားရာ အမှတ်(၁) ရဲစခန်းကို ဆက်သွယ်ခဲ့ပေမဲ့ ဆက်သွယ်လို့ မရခဲ့ပါဘူး။ လက်ရှိ အနေအထားမှာတော့ ရဲတပ်ရင်း တပ်ဖွဲ့တွေက စစ်တွေမြို့ရဲ့ လမ်းတွေပေါ်မှာ လုံခြုံရေး ကင်းလှည့်နေကြောင်းကိုလည်း သိရပါတယ်။



စစ်တွေလူထုနှင့် ရဲတပ်ဖွဲ့ဝင်များ အဓိကရုဏ်းဖြစ်ပွား

စစ်တွေမြို့နာဇီရွာရပ်ကွက်တွင် မနေ့က RNDP စည်းရုံးရေးမှူး ကိုအောင်သန်းဝင်းနှင့် ကာယဗလမောင် ကိုသိန်းရွှေတို့အဖွဲ့ ပုဂ္ဂိုလ်ရေးပြဿနာဖြစ်ကြရာ ကိုအောင်သန်းဝင်းအား ကိုသိန်းရွှေတို့ဖမ်းဆီးသွားသည်ဟု ကောလဟာလ ဖြစ်ပြီးနောက်တွင် နာဇီရွာရပ်ကွက်သူ/သားများက ကိုအောင်သန်းဝင်းအား ပြန်လွှတ်ပေးရန် ရခိုင်ပြည်နယ် စစ်တွေမြို့ အမှတ်(၁) ရဲစခန်းရှေ့တွင် ဆန္ဒပြတောင်းဆိုကြရာမှ အဓိကရုဏ်းဖြစ်ပြီး ရဲတပ်ဖွဲ့များနှင့် လုံထိန်းများက သေနတ်ဖြင့် ပစ်ခပ်ခဲ့ရာ တစ်ယောက် ခြေထောက်ပြတ်ပြီး ၁၁ယောက်မှာ စိုးရိမ်ရသော အခြေအနေသို့ ရောက်ရှိနေကြောင်းနှင့် ရဲတပ်ဖွဲ့ဝင်တစ်ဦးသေဆုံးသွားကြောင်း သတင်းရရှိသည်။
ယင်းအဓိကရုဏ်းကို သွားရောက် ထိန်းသိမ်းခဲ့သူ RNDP လူငယ်တစ်ဦးမှ "မနေ့က ညနေလောက်မှာ လူတွေက အမှတ်(၁) ရဲစခန်းရှေ့ကိုရောက်လာပြီးတော့ ကိုအောင်သန်းဝင်းကို ထုတ်ပေးဖို့ပြောတယ်၊ ကျွန်တော်တို့လည်း ကိုအောင်သန်းဝင်းကို ခေါ်ပြီးတော့ ပြည်သူတွေရှေ့ကို ထုတ်ပြပါတယ်၊ ဒါပေမယ့် လူတွေက ကိုအောင်သန်းဝင်းမဟုတ်ဘူးလို့ဘဲပြောတယ်၊ ကိုအောင်သန်းဝင်းရဲ့ ဇနီးနဲ့သားသမီးတွေကိုခေါ်ပြပါတယ်၊ ဒါပေမယ့် သူတို့ကလက်မခံဘဲ ရဲစခန်းရှေ့မှာဘဲ ရုန်းရင်းခတ်နေကြတယ်" ဟု ပြောပြသွားသည်။
ညဥ့် ၁၀နာရီတွင် ပြည်သူများမှာ ရဲစခန်းအတွင်းသို့ ကျောက်ခဲများ၊ စူးများ၊ ဓါးများဖြင့် ပစ်ပေါက်ပြီး ရဲစခန်းကို မီးရှို့ရန် လုပ်ကြရာ ရဲတပ်ဖွဲ့ဝင်များက သေနပ် အပေါ်ထောင်ပစ်၍ လူစုခွဲသော်လည်း မရရှိကြောင်းသိရှိရသည်။
"ရဲတွေက သေနပ်အပေါ်ထောင်ပစ်ပြီး လူစုခွဲပါသေးတယ်၊ ကျနော်တို့ RNDPက လူကြီးတွေနဲ့ Olympic အလေးမ လူငယ်အဖွဲ့တို့ လူတွေကို ပြန်ကြဖို့ အဓိကရုဏ်း မဖြစ်ဖို့ ၀ိုင်းထိန်းကြပါတယ်၊ ဒါပေမယ့် လူတွေက ထိန်းလို့မရတော့ဘူး၊ အဲဒီအချိန်မှာ လုံထိန်းတွေရောက်လာပြီး လူတွေကို တစ်ခါတည်း ပစ်ထည့်လိုက်တာပါ"ဟု RNDP လူငယ်က ဆက်လက်ပြောသည်။
ယခုအချိန်တွင် ၀န်ကြီးများဖြစ်သော ဦးကျော်သိန်း၊ ဦးသာလူချေ၊ ဦးလှမောင်သာတို့ ဆေးရုံသို့ရောက်ရှိနေပြီး သေဆုံးသူများနှင့်၊ ဒဏ်ရာရရှိသူများအား ဆေးကုသရန် အခငွေနှင့် အားပေးနှိမ်သိမ့်ပေးနေကြောင်း သတင်းရရှိသည်။
"သိန်းရွှေတို့အဖွဲ့ကလည်း အုပ်စုဖွဲ့၊ ရဲတွေနဲ့ပေါင်းပြီး ပြည်သူတွေကို နိုင်ထက်စီးနင်းလုပ်နေတာကြာပြီ၊ သူတို့ လုပ်လေ့လုပ်ထရှိတော့ ပြည်သူတွေကလည်း သူတို့လုပ်တယ်ဆိုတဲ့အထင်နဲ့ အထင်မှားသွားကြပြီး မလိုအပ်တဲ့ပြဿနာတွေဖြစ်သွားကြတာပါ "ဟု မနေ့ညက သွားရောက်လေ့လာခဲ့သူ ကိုခိုင်လင်းနိုင်က ပြောပြသွားသည်။



 

စစ်တွေ ဆန္ဒပြ လူအုပ်ကြီးကို ရဲက အကြမ်းဘက် နှိမ်နင်း၍ အနည်းဆုံး လူ ၇ ဦးဒဏ်ရာရ

ထွန်းထွန်း
ရခိုင်ပြည်နယ် စစ်တွေမြို့ တွင် ဇွန်လ ၃ရက်နေ့က ညက လာရောက် ဆန္ဒပြသော လူအုပ်ကြီးကို ရဲက အကြမ်းဖက် ဖြိုခွဲသဖြင့် အနည်းဆုံး လူ ၇ ဦး ဒဏ်ရာ ရရှိသွားကြောင်း သိရသည်။
ဆန္ဒပြသူ ၃၀၀ ခန့်သည် အမှတ် (၁) ရဲစခန်းရှေ့တွင် ယမန်နေ့ ညဥ့် ၁၁  နာရီ အချိန်ခန့်တွင်  စုဝေး ဆန္ဒပြစဉ် ရဲတပ်ဖွဲ့များက အကြမ်းဘက်နှိမ်နင်းခဲ့ခြင်း ဖြစ်ကြောင်း စစ်တွေမှ လူငယ် တစ်ဦးက ပြောသည်။
“ ဆန္ဒပြရတဲ့အကြောင်းက စစ်တွေ နာဇီဈေးကို လေလံရထားတဲ့ မွတ်စလင် အမျိုးသား ဦးခင်မောင်လှက ရခိုင် အားမာန်ကရာတေး အဖွဲ့ကိုငှားပြီးတော့ ဈေးခွန်းကို ပိုကောက်ခိုင်းတယ်။ အဲဒါကိုဈေး သည်တွေက မကျေနပ် ရာကနေ လူထုအုံကြွမူ ဖြစ်ပြီး ပြဿနာ ဖြစ်ရာကနေ ရခိုင်လူငယ် တယောက်ကို ဖမ်းဆီး သွားခဲ့တယ်။ အဲဒါ ဘယ်အဖွဲ့က ဖမ်းဆီးသွားတယ်ဆိုတာကို ချက်ချင်း စစ်ဆေးပေးဖို့ အမှတ် (၁) ရဲစခန်းရှေ့မှာသွား ပြီး ဆန္ဒပြ ကြတာ ဖြစ်ပါတယ်။ အခု ရဲက သေနတ်ပစ်ပြီး ဖြိုခွဲတဲ့ အတွက် တော်တော်များများ ဒဏ်ရာ ရရှိ သွားခဲ့ပါတယ်” ဟုပြောသည်။
ရဲက အကြမ်းဘက် ဖြိ်ုခွဲမူကြောင့် လူ ၇ဦးထက်မနည်း ဒဏ်ရာ ရရှိသွားခဲ့ပြီး  တချို့မှာ  ဒဏ်ရာပြင်းထန်ကြောင်း သိရသည်။
“ တစ်ချို့က ခြေထောက်တွေမှာ ပြင်းထန်စွာ ဒဏ်ရာ ရရှိသွားပါတယ်။ ခြေထောက်တွေကို ဖြတ်ပစ်ရမယ့် အထိ ဒဏ်ရာ ရသူတွေလည်း ရှိပါတယ်။ အခု  စစ်တွေပြည်သူ့ဆေးရုံကြီးမှာ ဆေးကုသမှု ခံယူနေကြပါတယ်” ဟု သူက ဆက်ပြောသည်။
ဆန္ဒပြသူများကို  အမှတ် (၁) ရဲစခန်းမှ ရဲအဖွဲ့ဝင်များက ညဥ့် ၁၁ နာရီခန့်တွင် မျက်ရည်ယိုဗုံးများဖြင့်  စတင် ပစ်ခတ်ခဲ့ပြီး နောက်ပိုင်းတွင်  သေနတ်များဖြင့်  အဆက်မပြတ် ပစ်ခတ်ခဲ့ကြောင်း သိရသည်။
အဆိုပါ ကိစ္စနှင့် ပတ်သက်ပြီး စစ်တွေပြည်သူ့ ဆေးရုံကြီးကို မေးမြန်းရာ တာဝန်ကျ ပုဂ္ဂိုလ်တဦးက“ ကျွန်တော် ဆေးရုံကို ခုမှရောက်တယ်။ အဲဒီကိစ္စကို မသိဘူး” ဟု ပြောသည်။
စစ်တွေ ဈေးကြီးမှ အမျိုးသမီးတဦးကို မေးကြည့်ရာ  “ဒီကိစ္စ ဖြစ်တာတော့ ဟုတ်ပါတယ်။ ဒါပေမဲ့ အသေးစိတ်ကို ကျွန်မမသိ ဘူး။ ဒီနေ့အခြေအနေတော့ အေးဆေးသွားပြီးလို့ မြင်တယ်” ဟုပြောသည်။

စစ်တွေ ပစ်ခတ်မှု နောက်ဆက်တွဲ သတင်း

မင်းဆက်ခိုင်
ယမန်နေ့ည စစ်တွေတွင် ဆန္ဒပြတောင်းဆိုသည့် လူအုပ်ကို သေနတ်ပစ် ဖြိုခွင်းခဲ့သည့်နောက် ယနေ့တွင် စစ်တွေမြို့၌ စစ်တပ်များကိုပါ အားဖြည့် ချထားလိုက်သည်။
“အမှတ်(၁) ရဲစခန်းမှာလည်း လုံခြုံရေးတွေအပြည့်ပါ။ စစ်တွေဆေးရုံးကြီးကိုဆိုရင် အပြင် လူတွေကို ပေးမဝင်ဘူးရှင့်။ လုံခြုံရေးတွေချထားတယ်။  မနေ့ ပစ်ခတ်ခဲ့တဲ့အတွက် မြို့လူထုကြားမှာ မကျေနပ်မှုတွေ တိုးပွားနေကြပါတယ်။ အခြေနေက မအေးသေးပါဘူး။” ဟု စစ်တွေမှ အမျိုးသမီး တဦးက  ပြောသည်။
ဆန္ဒပြတောင်းဆိုသည့် လူအုပ်ကို ရဲက ပစ်ခတ်ခဲ့မှုကြောင့် လူ၁၀ဦးခန့်မှာ စစ်တွေ ဆေးရုံကြီးတွင် ဆေးကုသနေရပြီး ထိုအထဲတွင် ဒဏ်ရာ ပြင်းထန်သည့် လူနာများ
လည်းပါဝင်ကြောင်း ဆေးရုံသတင်းရပ်ကွက်အရ သိရသည်။
ယခုအချိန်ထိ မြို့နေရာအနံ့အပြားတွင် စစ်သားနှင့် ရဲသားများကို လုံခြုံရေးချထားကြောင်း သိရသည်။
ယမန့်က ပစ်ခတ်မှုနှင့် ပတ်သက်၍ ရခိုင်ပြည်နယ် ဝန်ကြီးချုပ်၊ ရဲမင်းကြီး၊ ရတပပါတီမှ ဦးလှစောအပါဝင် တခြားတဝန်ရှိသူများနှင့် အာဏာပိုင်များသည် ယနေ့ နံနက် ၁၁နာရီခန့်တွင် စတင် ဆွေးနွေးနေကြကြောင်း သိရသည်။
နောက်ဆက်တွဲများ ဆက်လက် ဖော်ပြပါမည်။