ရခိုင်အကြောင်းတစ်စေ့တစ်စောင်း

အေ အဖြစ်အပျက်ချေစွာ ၀ထုတစ်ပုတ်မဟုတ်ပါ၊ အမှန်တဂယ် ဖြစ်ချက်ခရေ ရခိုင်ပြည်နယ်ထဲက ရွာကြီးတစ်ရွာမှာ ဖြစ်ပျက်ခရေ အဖြစ်အပျက်ချေ တစ်ခုကို ဒေနိန့်ရခိုင်သားတိဖြစ်ပျက်နိန်စွာနန့် ယှဉ်ထိုးပြီးကေ စိုင်းဇါးလို့ ရအောင်လို့ ဖော်ပြပီးလိုက်ပါယင့်။ ဒေချင့်ကို ယင်းရွာသားတိကလွဲပြီးကေ တစ်ခြားလူတိ ရခိုင်ပြည်က လူတိ အားလုံးသူ သိတောင် တင်ပြလိုက်ပါယင့်။ ယင်းရွာသားတိ ယေ အဂုတိုင်အောင် ယင်းစကားကို အဖြစ်အပျက်နဲ့ကြုံလာတိုင်းမှာ ပြောလေ့ပြောထရှိပါရေ။ .... ရခိုင်မှာ မွေးလီ သချီး လို့တော့ခါ ကြားဖူးပါရေ ယကေလေ့ ယင်းမွေးလီ သချီးဆိုရေ စကားပုံဖြစ်ပေါ်လာစွာကိုတော့ခါ ဇာပိုင်ဖြစ်လာလေ ဆိုစွာကိုမသိပါ ၊ အခုပြောပြဖို့ မွေးလီ တို့ချီဆိုစွာကို အဖြစ်မှန်နဲ့ လူနာမည်အရင်းပါ တင်ပီးလိုက်ပါယင့်။ ...

ရွာတစ်ရွာရှိပါသည်။ ယင်းရွာသားတိယေ ပညားရေးဘက်မှာလည်း ခေတ်အဆက်ဆက် ပညာတတ်တိ ထွန်းကားခရေရွာတစ်ရွာ ပညရေးကိုဦးစားပီးပြီးကေ ဂနိန့်တိုင်သင်ယူနိန်ရေ ရွာတစ်ရွာလို့ မှတ်ယူလို့ရပါရေ။ ..ဖြစ်ပျက်ပုံက ဒေပိုင်ပါ။ ..

ရွာမှာ မောင်ထွန်းဝင်း အဖ လို့ နာမည် ဟိရေ လူတစ်ယောက်ဟိပါရေ ..
ယင်းမောင်ထွန်းဝင်းအဖ စွာ .. စကားကလည်း ကောင်းမပီ ပါ ပြောကေ ခြီ(ခြေထောက်ကို)ချီ လို့ရာ အသံထွက်ပါရေ။ မောင်ထွန်းဝင်း အဖ မောင်ထွန်းဝင်းအမိနှင့် အိမ်ထောင်ကျပြီးရေခါ သားတစ်ယောက် သမီးတစ်ယောက်မွီးပါရေလာတ်။ ... သားချေ နာမည်က မောင်ထွန်းဝင်း လို့ နာမည်ပီးပြီးကေ၊ သမီးသည် နာမည်ကို မညှာလို့ နာမည်ပီးပါရေ။ ယေခါ မောင်ထွန်းဝင်း အဖ ဆိုပြီးကေ ရွာသားတိက ခေါ်ဂတ်ပါရေ။ မောင်ထွန်းဝင်းအဖ ယေ ဆောင်းတွင်းကိုရောက်လာရေခါ ဆင်းကဆင်းရဲ ခြုံစရာ ပုဆိုးကလဲ အသစ်မ၀ယ်နိုင် ယေခါ ပုဆိုးတစ်ထည်တည်းကို သားဖ သုံးယောက်ခြုံပြီးကေ အိပ်ရပါရေလာတ်။ ယေခါ ဆောင်တွင်း ချမ်းကလည်း ကကောင်းချမ်းရေဆိုခါ ခန္ဓာကိုခွေပြီးကေ အိပ်ရေအခါ သားချေ သမီးချေ ကိုလည်း ပုဆိုးလုံဇီချင်ရေ ဆန္ဒနန့် ပုဆိုးနနဲ့လိပ်ပနာ ထားရေလာတ်။ သားဖသုံးယောက်အိမ်နိန်ယင်းနန့် တရီးနိုးလာရေခါ သားချေ သမီးချေကို ခြီထောက်ကိုစမ်းကြည့်ရေခါ ။ ခြီထောက်တစ်ချောင်း စမ်းတွီပါရေလာတ်။ ... ယေခါ မောင်ထွန်းဝင်းအဖ ဖမ်းမိထားရေ ခြီတစ်ချောင်းကို တွီရေအခါ သားချေ သမီးချေ ကိုမိန်းပါရေလာတ် ၊ ဒေချီ အတူ့ချီလေ (စကားမပီသံနန့်) မောင်ထွန်းဝင်း ချီလာ၊ မညှာချီလာ တိုပြီးကေ ယေခါ သားချေ သမီးချေ တိက တစ်ခုလည် မခြေပါလာတ်။ ယေခါ မီးခွက်ထွန်းပြီးသေချာ ကြည့်ရေအခါ မောင်ထွန်းဝင်းအဖ ယေ ကိုယ့်ခြီထောက်ကို ကိုယ်ကိုင်ထားစွာကိုတွီပါရေလာတ်။ ယေတွက်နန့် မောင်ထွန်းဝင်း အဖ ပြောလိုက်စွာက။ ယော မွေးလီ တို့ချီ ။ .. ဆိုပြီးကေ ပြောလိုက်ပါရေလာတ်။ .. သူ့ခြီထောက်ကို သူကိုင်ထားပြီးကေ သားချေ သမီးချေ ခြီထောက်ထင်နိန်ရေ မောင်ထွန်းဝင်း အဖ ပိုင် အဖရခိုင်ပြည်ကြိးမှာလည်း .. ယင်းပိုင်လူတိ ဟိနိန်ပါရေ။ ကိုယ်ကိုင်ထားစွာ ခြီထောက် သူများခြီထောက်ထင်ပြီးကေ ပြောနိန်ရေ မောင်ထွန်းဝင်းအဖ ပိုင် မဖြစ်စီ ဖို့ .. မွေးလီ တို့ချီ မဖြစ်စီ ဖို့ .. အကြံပြုယင်း ဒေပုံပြင် ဒေ အကြောင်းအရာကို ရွီးပီးလိုက်စွာပါ။ ကိုယ့်ခြီထောက် ကိုယ်ကိုင်ပြီး နောက်ဆုံးကျမှ မွေးလီ တို့ချီမဖြစ်စီပါကေ့ အော် ရခိုင်ပြည်သားတိ။ .....

ရေးသားသူ
နှင်းပြည့်စုံခိုင်