တောင်ကုတ်ဈီးမီးလောင်နိန်ပုံ မြင်ကွင်း (ဓါတ်ပုံ-ရခိုင်ရိုးမ)
ဖြစ်ပွားပုံမှာ တောင်ကုတ်မြို့ ဂူတာရပ်ကွက် မီးကျောင်းရီ တံတားအနီး မြို့မဈီးရှိက ဆိုင်ခန်းတိ လောင်းလားစွာဖြစ်တေလို့ သိရပါရေ။
“လောင်ရေ အချိန်က ၂နာရီလောက်မှာ လောင်စာပါ၊ ဆိုင်ခန်း ၁၀-ကျော် ပါလားပါရေ၊ မီးလောင်ကျွမ်းနိန်ခါ ချောင်းကမ်းနားက ရီနန့် အချိန်မှီ လိုက်လို့ပါ၊ မီးသတ်ကားကလည်း ရီမရှိရေအတွက် မရောက်နိုင်၊ ပြည်သူတိ အချိန်မှီသတ်နိုင်လို့” လို့ တောင်ကုတ်မြို့ခံတစ်ယောက်က ပြောသည်။
ထို့အပြင်သူက “ မီးသတ်ကား နှစ်စီးလာစွာမှာ တစီးက ရီမရှိ၊ သဲနန့်မီးလောင်ရေဆိုင်ခန်းတိကို လောင်းပလိုက်ရပါရေ” လို့သူက ပြောသည်။
မီးလောင်ရခြင်းအကြောင်းကို အသေးစိပ်မသိရသေးကြောင်းလည်း သိရပါရေ။
မီးလောင်ကျွမ်းရေ အချိန်က မိနစ် ၄၀-လောက် ကြာမြင့်ခပြီးကေ၊ သဲလေးကျင်းနန့် မီးလောင်ရေဆိုင်ခန်းတိကို ပက်နိုင်ခရေအတွက်၊ တခြားဆိုင်ခန်းတိ မကူးနိုင်အောင် ပြည်သူတိက သဲ၊ ရီတိနန့် လောင်းနိုင်ခရေအတွက် မီးငြိမ်သတ်လားကြောင်း သိရပါရေ။
အဂုလောင်ကျွမ်းလားရေ ဆိုင်ခန်းစုစုပေါင်းတန်ဖိုးမှာ သိန်း ၈၀၀-လောက် ရှိကြောင်းလည်း သိရပါရေ။
...........................
ရခိုင်ရိုးမ