ရခိုင်အကြောင်းတစ်စေ့တစ်စောင်း

ရန်ကုန်မြို့  ဗြိတသျသံရုံးရှေ့မှာ ရခိုင်သားတိ ဘီဘီစီသငတ်းဋ္ဌာနကို ဆန္ဒပြစော်မှာ လူပေါင်း( ၃၀ ) လောက်ရာ ရောက်စော် တွိရပါရေ ။ ဆန္ဒပြဖို့  ဦးဆောင်သူ မလာခလို့  ဆန္ဒပြရေအစီအစဉ်တိ မဖြိုက်ခလို့ လေး သတင်းတိမှာ ဖေါ်ပြထားစော်တိ တွိရပါယင့်။ ဇါဘင်ဖြိုက်စီ ရခိုင်သားတိက ဘီဘီစီသတင်းဋ္ဌါနကို ဆန္ဒပြချင်ကတ်တေ စိတ်ဆန္ဒဟိရေဆိုစော်ကို ကမ္ဘာကို တင်ပြနိုင်ခကတ်ပါဗျန် ။ ယင်းပိုင်ဆိုနိုင်ကေလေး လက်ဟိမျက်မှောက်ကာလမှာ ရခိုင်သားတိ အင်တာနတ်သုံးနီနိုင်စော်နင့် ပါတ်သက်လို့  ကောင်းကောင်းပင် နည်းနီသိရေအတွက်နင့် ဒေလောက်ရာ လူတိ သိလားရစော်လား ဆိုပနာ သုံးသပ်မိပါရေ ။ ။ မြို့ ပြတိမှာ နီကတ်တေ လူတိကရာ ကွန်ပြူတာက်ို သုံးစွဲရရေအတွက် သုံးစွဲရေလူတိကလေး တဆင့်စကား တဆင့်မပြောကတ်စော်တိမှာလေး ဒေပိုင်ပြသနာတိ ဖြိုက်လားကတ်တေလို့  ထင်ရပါယင့် ။ ယေဇူးနင့် အင်တာနတ်ဆိုင်တိမှာ ကြည့်လိုက်တေအခါ အသက်( ၄၀ ) လောက် ဟိရေလူကဘင် ကွန်ပြူတာဆိုင်နင့် မပတ်သက်စော်တိ ဖြိုက်နီကတ်ပါရေ ယေ ။ကုမဏ္ပီနင့် အစိုးရ၀န်ထမ်းတိမှအပ အသက်(၄၀) နီးကပါးတိမှာ ကွန်ပြူတာကို နားမလည်စော်နင့် တက္ကသိုလ်ကျောင်းသားတိကရာ အင်တာနတ်အသုံးများရေလို့  သိရပါရေဒေ။ ၂၁-ရာစုခေတ်မှာ တိုးတက်နီကတ်တေအခါ ကမ္ဘာကြီးမှာ ဇါဖြိုက်နီလေဆိုစော်ကို အခုအချိန်မှာ မျိုးဆက်သစ် ရခိုင်သားတိက ကောင်းကောင်းကြီး သိဖို့  လိုနီပါရေ ဒေ။ တချိန်တည်းမှာပင် ရခိုင်ပြည်ကို ကယ်တင်ဖို့  ကမ္ဘာကြီးမှာ ရခိုင်လူမျိုးတိ ဇါပိုင်လုပ်နီကတ်လေဆိုစော်ကိုေ လး သိထားဖို့  လိုပါရေ ယေ ။ကွန်ပြူတာကိုလေး နားမလည်- ရေဒီိယိုကိုလေး နားမထောင်ရေ မျိုးဆက်သစ် ရခိုင်သားတိရာဖြိုက်နီခကေ တနိခါ ရခိုင်လူမျိုးတိ ပျောက်လားဖို့  အခြီအနီတိ ဖြိုက်နီပါဗျန်ဒေ။ ယင်းချင့်ကို ကယ်တင်နိုင်ဖို့  အတွက် ကွန်ပြူတာဆိုင်မှာ အင်တာနတ်သုံးရေ လူငယ်တိုင်းက တယောက်ကို တယောက်က အသိပီးဖို့  လိုပါရေ ။ ဒေနိအချိန်ခါ အင်တာနတ်နင့် လူ့ အခွင့်အရီးချိုးဖေါက်ခံနီရရေ ကိုယ့်နိုင်ငံကို ဒီမိုကရေစီနင့် လူ့ အခွင့်အရီးရအောင်လူငယ်တိမှာ အင်တာနတ်ကို အသုံးပြုခလို့  ဖြိုက်လားစော်ပါရာ ။ ယေဇူးနင့် ရခိုင်သား ၀ပ်ဆိုက်တိ ၊ ဘလော့တိကို လူတိုင်းကြည့်ကတ်ဖို့  သတင်းတိ ပီးကတ်စီချင်ပါရေ ။