ရခိုင်အကြောင်းတစ်စေ့တစ်စောင်း

( တရုတ်နိုင်ငံက ဂလိုဘယ်တိုင်းမ် အင်္ဂလိပ် သတင်းစာဟာ တရုတ် ကွန်မြူနစ်ပါတီက ထုတ်ဝေတဲ့ သတင်းစာ ဖြစ်ပြီး ပါတီ အာဘော် သတင်းစာလို့ ဆိုကြပါတယ်။ ပြီးခဲ့တဲ့ နို ၁၈ ရက်နေ့ထုတ် သတင်းစာမှာ US Asia Pacific Strategy Bring Steep Price ခေါင်းစဉ်နဲ့ အယ်ဒီတာ အာဘော်တစ်ခု ဖော်ပြထားပါတယ်။ အဲဒီ အာဘော်ဟာ မြန်မာနိုင်ငံ အပါအ၀င် အာရှ ဒေသတွင်း နိုင်ငံတွေကို သတိ ပေးထားတာလို့ ယူဆနိုင်ပါတယ်။ ထူးခြား သတိပြုသင့်တဲ့ ဆောင်းပါး ဖြစ်လို့ ဘာသာပြန်ဆို ဖြန့်ဝေပေး လိုက်ပါတယ်။ )
နိုဝင်ဘာ ၁၉ ရက်နေ့ကျရင် အင်ဒိုနီးရှားနိုင်ငံ ဘာလီမြို့မှာ အရှေ့အာရှ ထိပ်သီး အစည်းအဝေးကို ကျင်းပတော့မယ်။ အမေရိကန်က သူတို့ အာရှ- ပစိဖိတ်ဒေသကို ပြန်လာပြီ ဆိုတာကို အချက်ပြနိုင်ဖို့ အတွက် ဒီထိပ်သီး ညီလာခံကို တောင်တရုတ် ပင်လယ်အရေး ဆွေးနွေးတဲ့ ဖိုရမ်အဖြစ် ပြောင်းဖို့ လုပ်နေတယ်။ တရုတ် ဘက်ကတော့ ဒါမျိုး လုပ်တာကို ပြင်းပြင်း ထန်ထန် ဆန့်ကျင်တယ်လို့ ပြောထားပြီးပြီ။
အမေရိကန်- သြစတေးလျ၊ အမေရိကန်- ဖိလစ်ပိုင် စစ်ရေး ပူးပေါင်း ဆောင်ရွက်မှု တိုးမြှင့်တာရယ်၊ အခု ကိစ္စရယ်ဟာ အမေရိကန်တွေရဲ့ အာရှ- ပစိဖိတ် မဟာဗျူဟာရဲ့ အစိတ်အပိုင်း တစ်ခုမျှသာ ဖြစ်တယ်။ ဒီလုပ်ရပ်တွေကို တရုတ်နိုင်ငံကို ပြင်းပြင်း ထန်ထန် ဖိအားပေးရာ ရောက်ခဲ့ပြီး အခုတော့ တရုတ်ဘက်က တုန့်ပြန် ဆောင်ရွက်ဖို့ လိုလာနေပြီ။
အမေရိကန်ဟာ အာရှမှ တရုတ်ကို ပစ်မှတ်ထားပြီး Soft Power သံတမန် နည်းလမ်းတွေကို သုံးလာနေတယ်။ ဒါကို တားဖို့ ဆိုတာ လက်တွေ့ မကျဘူး။ ဒီလိုပဲ အာရှ နိုင်ငံတစ်နိုင်ငံပြီး တစ်နိုင်ငံက တရုတ်ရန်က ကာကွယ်ဖို့ ဆိုပြီး အမေရိကန်နဲ့ သွားပြီး မဟာမိတ် ဖွဲ့နေတာကိုလည်း တရုတ်ဘက်က ဘယ်လိုမှ လက်ပိုက် ကြည့်မနေနိုင်ဘူး။ အဲဒီလို သဘောထား ကွဲမှုတွေ၊ ပဋိပက္ခတွေ ဖြစ်လာတဲ့ အခါကျရင် ဒါကို ကိုင်တွယ်ဖို့ ဘယ်သူဆီမှာ အင်အားနဲ့ နည်းလမ်းတွေ ပိုရှိသလဲ၊ ဒါဟာ ပြောင်ဆော်တဲ့ အဆင့်ကို ရောက်သွားမှာလား ဆိုတာကို စဉ်းစား ရတော့မယ်။ ဒါဟာ တကယ် စိုးရိမ့်ရမယ့် အချက်ပဲ။
သိသာ ထင်ရှားလာတဲ့ အချက်ကတော့ အမေရိကန်ဟာ အာရှ- ပစိဖိတ်ဒေသမှာ ပိုပြီး လှုပ်ရှား လာနေတယ်၊ တရုတ်ရဲ့ အိမ်နီးနားချင်းတွေကို တရုတ်အပေါ် စိန်ခေါ်မှုတွေ လုပ်လာအောင် အားပေးနေတယ် ဆိုတဲ့ အချက်ပဲ။ ဒါဟာ Soft Power ကို အသုံးချ နည်းသစ်တစ်ခုပဲ။
အာရှမှာ တရုတ် ဆန့်ကျင်ရေး မဟာမိတ် အဖွဲ့တစ်ခု တည်ထောင်မယ် ဆိုရင်တော့ အမေရိကန်ဟာ သူ့မဟာမိတ်တွေကို စီးပွားရေး အခွင့်အလမ်းတွေ ပိုရလာအောင် လုပ်ပေးဖို့ လိုလိမ့်မယ်။ အဲဒီ နိုင်ငံတွေကို အမေရိကန်နဲ့ ပေါင်းတာက ပိုပြီး အကျိုးရှိတယ်လို့ ယုံအောင် သက်သေ ပြရလိမ့်မယ်။ ရေပိုင်နက် အငြင်းပွားမှုနဲ့ ပတ်သက်ပြီး ထောက်ခံကြောင်း ပါးစပ်က ပြောရုံ၊ လုံခြုံရေး အကာအကွယ် ပေးမယ်လို့ သဘောတူချက် လက်မှတ် ထိုးရုံနဲ့တော့ လုံလောက်မှာ မဟုတ်ဘူး။
အဲဒီလို စီးပွားရေးအရ အကျိုးအမြတ် ရှိအောင် လုပ်ပေးဖို့ ဆိုတာလည်း လက်ရှိ အမေရိကန် စီးပွားရေး တုန့်ဆိုင်းနေပုံမျိုးနဲ့ မဖြစ်နိုင်ဘူး။ နောက်ပြီး တရုတ်ကို ထိန်းချုပ်မယ် ဆိုတဲ့ မဟာဗျူဟာက အမေရိကန် စီးပွားရေး နလံထူဖို့ အတွက် တရုတ် ဈေးကွက်ကို အသုံးချရမယ် ဆိုတဲ့ လက်တွေ့ကျတဲ့ အမြင်နဲ့ ဘယ်လိုမှ သဟဇာတ မဖြစ်ဘူး။
မဟာဗျူဟာ သဘောအရ ပြောရင် အာရှ- ပစိဖိတ်ဒေသမှာ အမေရိကန်- တရုတ် အားပြိုင်မှုဟာ မကောင်းဘူး။ ဒါပေမယ့် တကယ်ပြိုင်ရင် တရုတ်ဘက်က အလေးသာပါတယ်။ တရုတ်နိုင်ငံနဲ့ ထိစပ်နေတဲ့ အိမ်နီးနားချင်း ဒေသတွေမှာ အမေရိကန်က အသာ စီးရနေတယ်လို့ ပြောဖို့ အတော် ခက်တယ်။ တရုတ်နဲ့ အိမ်နီးချင်း နိုင်ငံတွေကြား စီးပွားရေး ပူးပေါင်း ဆောင်ရွက်မှု အလား အလာတွေက အရမ်း ကောင်းနေတယ်။ တရုတ်ဟာ အဲဒီ စီးပွားရေး အလားအလာ ကောင်းတွေကို အသုံးချပြီး နိုင်ငံရေး အကျိုးစီးပွားကို ကာကွယ်တတ်ဖို့ အတွက် လေ့လာ သင်ယူရတော့မယ်။ အမေရိကန်ရဲ့ နယ်ရုပ်အဖြစ် အသုံးချခံမယ့် ဘယ်နိုင်ငံမဆို တရုတ်နိုင်ငံထံက ရလာမယ့် စီးပွားရေး အခွင့်အလမ်းတွေ၊ အကျိုး ကျေးဇူးတွေ အားလုံး ဆုံးရှုံး ရလိမ့်မယ် ဆိုတာကို ထင်ရှားအောင် လုပ်ရမယ်။။ ဒီလိုသာ လုပ်လိုက်ရင် အမေရိကန်ရဲ့ အကာအကွယ် ဆိုတာက သိပ်ပြီး ဆွဲဆောင်မှု ရှိတော့မှာ မဟုတ်ဘူး။
ရေပိုင်နက် အငြင်းပွားမှုက အရှေ့အာရှ ဒေသရေးရာတွေမှာ သေးငယ်တဲ့ အစိတ်အပိုင်း တစ်ခုသာ ဖြစ်တယ်။ အမေရိကန်နဲ့ နိုင်ငံတစ်ချို့က သူတို့ရဲ့ ပုဂ္ဂလိက အကျိုး စီးပွားတွေကို ကာကွယ်ဖို့ အတွက် ဒါကို အသုံးချနေတာပါ။ တရုတ်ဘက်က အဲဒီ ဒေသမှာ စီးပွားရေး တိုးတက်အောင် တိုးချဲ့ လုပ်ဆောင်ခဲ့မယ် ဆိုရင် နိုင်ငံတွေဟာ ရေပိုင်နယ် အငြင်းပွားမှုတွေကို ပူးပေါင်း ဆောင်ရွက်တဲ့ နည်းလမ်းနဲ့ ဖြေရှင်းမလား၊ အမေရိကန် အလိုကျလုပ်ဖို့ ဆုံးဖြတ်တဲ့ အတွက် ပေးဆပ်ရမယ့်ဟာ တွေကို ပေးဆပ်နိုင်မလား ဆိုတာ ရွေးချယ်ရတော့မှာ ဖြစ်ပါတယ်။
အရှေ့အာရှ ဒေသက ကိစ္စတွေဟာ ပတ်သက်နေတဲ့ နိုင်ငံတွေ အတွင်းမှာပဲ ညှိနှိုင်း ဖြေရှင်းရမှာ ဖြစ်ပါတယ်။ တစ်ခြား အင်အားကြီး နိုင်ငံတစ်ခုက ၀င်ပါဖို့မလိုဘူး။ အမေရိကန်က ဒီဒေသကို စိုးမိုးနိုင်ဖို့အတွက် သုံးတာထက် တရုတ်က အမေရိကန်က စိုးမိုး မသွားအောင် တားဆီးဖို့ လိုတဲ့ အရင်းအမြစ်တွေ၊ နည်းလမ်းတွေ ပိုရှိတယ်။ တရုတ်ဘက်ကသာ စိတ်ရှည်ရှည် ထားပြီး လုပ်ဆောင် သွားမယ် ဆိုရင် တရုတ်ဆီက စီးပွားရေး အမြတ်ကို ချူယူမယ်၊ အမေရိကန်ကို လုံခြုံရေး အတွက် အားကိုးမယ် ဆိုတဲ့ နိုင်ငံတွေအတွက် အနာဂတ် မရှိနိုင်ပါဘူး။