နောက်....ဆရာတော်၊သမားတော်တိရေ တရားဓမ္မဟောရေခါ ဗမာပိုင်ရွီးထားစွာကို ရခိုင်ပိုင်ဟောကတ်စွာ တိ တွိရရေ။
ဧမှာပြောစရာဖြစ်လာစွာက ရခိုင်က ဗမာတေးခြင်းကို ဗမာပိုင်ဆိုစွာက ကိစ္စမဟိ။ဗမာအရွီးအသားကို ရခိုင် ပိုင် ပြောရေခါမှာ ဘာသာစကားနှစ်ခုလုံးပျက်ကျလားရေ အဖြစ်ပါယာ။
ရခိုင်ဓမ္မကထိက ကိုယ်တော်တစ်ပါး တရားဟောစွာနာမိရေ။တရားနာစွာမဟုတ်ဘဲ ဘာသာစကားနာ စွာ ဖြစ်လားရေ။ယင်းကိုယ်တော်က“ဒါနကိုလီးပြုလုပ်ပါ၊သီလကိုလီးလုံခြုံအောင်စောင့်ထိန်းပါ.......”လို့ ဟောစွာ ကိုသတိကျပ်မိပါရေ။
ဗမာအရွီးအသားနန့်ဆိုကေ-
“ဒါနကိုလည်းပြုလုပ်ပါ။သီလကိုလည်းလုံခြုံအောင်စောင့်ထိန်းပါ ............” လို့ဟိနီပါလိမ့်မေ။ ဧဟောပြော ချက်ကို မိမိရို့လိလာကြည့်ကတ်ပါမေ။
၁း၁။ ဒါနကိုလည်း........
၁း၂။ ပြုလုပ်ပါ။
၂း၁။ သီလကိုလည်း........
၂း၂။ လုံခြုံအောင်
၂း၃။ စောင့်ထိန်းပါ။
ဝါကျနှစ်ခုကို အပြိုင်တွိနိူင်ပါရေ။ဧမှာနားမလည်စရာ တစ်ခုလေ့သွင့်မပါ။ နားလည်နိူင်ရေ စကားချည်း ယာ။ ယေကေအစွာဖြစ်လို့ အဆံရှည်နီရရောင်လို့ စောဒကတက်စရာဟိလာပါရေ။
“ဒါနကိုလည်း” ကိုရခိုင်က “ဒါနကိုလဲ”လေ့မဟုတ်။“ဒါနကိုလီး”လေ့မဟုတ်။ “ဒါနကိုလေ့(လေး)” လို့ရာပြော တတ်ကတ်စွာကိုသတိပြုမိကတ်ဖို့စွာပါရာ။ ဗမာမှာ “-ည်”ကိုရခိုက်က“ေ-”မဟုတ်ကေ “-ိုင်”အသံထွက် တတ်ပါရေ။အဂုနောက်ပိုင်းမှာတော့ ဗမာဂတိလိုက်ပနာ“-ည်” ကို “-ီ”သံထွက်စွာရေ ထိန်းကွပ်မရ လောက် အောင်ထိများလားပါယာ။ ယေခါ မိမိရို့တိုင်းရင်းသားတိရေ ကိုယ့်ဘာသာစကား ကို ပြောရေခါမှာ ကိုယ့်ဘာ သာစကားဂတိမဟုတ်ဘဲနန့် ဗမာဂတိဖက်ကိုလိုက်ပြောလား တတ်ပါရေ ။ဖော်ပြရေ နမူနာဝါကျမှာ “လည်း” ကို“လီး” အထိပြောချလိုက်တေခါ သီလကိုလည်းက”လည်း” ကိုလေ့ ထိုအတိုင်းပါယာ။ ဒုတိယ၀ါကျ ၏ ကြိ ယာက“စောင့်ထိန်း”ဖြစ်တေ။
စောင့်ထိန်းရှိက ဟိရေ”လုံခြုံအောင်”ကိုကြည့်ကတ်ပါမေ။ “လုံခြုံ”ဆိုစွာမှာ “လုံ+ခြုံ”ပေါင်းစပ်ထားရေ စကား မဟုတ်ပါလား။ “လုံ”ကို ကြည့်။ “အဖုံးအပိတ်အကာအရံ ကောင်းမွန်ရေ။အကာအကွယ်ကောင်းရေ။ မိမိမှာ အပြစ်တစ်စုံတစ်ရာမဟိလို့ စိတ်ချရေ”လို့ တွိနိူင်ရေ။ အသံထွက်မှာလေ့ ဗမာနန့် ရခိုင် အတူတူယာ။ အနက် အဓိပ္ပါယ်အရလေ့တူရေ။ အသံထွက်အားဖြင့်လေ့ တူရေ့”လုံ”။
“ခြုံ” ကိုကြည့်ကတ်ပါမေ။
မြန်မာအဘိဓါန် ဖွင့်ဆိုချက်မှာ ဂုပိုင်-
“ခြုံ၊ ကြိ-အပေါ်ကလွှမ်းအုပ်သည်။ ကြိဝိ-စုစည်း သိမ်းရုံးလျက်၊ ခြုံငုံလက်။” ဆိုပြီးတွိရရေ။ ဧဖွင့်ဆိုချက်ရေ မိမိရို့ရခိုင်တိနန့် ကိုက်ညီပါယင့်လား။ မိမိရို့က မြန်မာမီဒီယာ အမြဲစိမ်းသစ်တောအောက် မှာ ပေါက်ရောက် နီရရေ သစ်ပင်ချေတစ်ပင်ဖြစ်တေ။ ယေခါ အမြဲစိမ်းသစ်တော၏ သစ်စက်ကျမှုကြောင့် ပေါက်ရောက် နီရေ့သစ်ပင်ချေရေ သိမ်ကလိန်ချေဖြစ်ကျန်နီရေ သဘော တွိရရေ။ ဟုတ်ပါယင့်။ “ခြုံ”ဆိုစွာကို မိမိရို့က ဗမာဂတိလိုက်ပြီးကေ ကိုယ့်စကားအသံထွက်အမှန်လို့ ယူပစ်လိုက်တေ။
စဉ်းစားကြည့်ပါ။ “အပေါ်ကလွှမ်းအုပ်သည်”ဆိုစွာကို။
“ချမ်းရေ ပုဆိုးခြုံပီးပါ”လို့ ပြောလာ။ မဟုတ်ဘဲ“ ချမ်းရေ ပုဆိုးချုံပီးပါ” လို့ပြောလာလို့။ “ချုံပီးပါ”ပါ ရာပြော ပါရေ။“ခြုံပီးပါ” လို့မပြောပါ။ “ခြုံပီးပါ”လို့ဆိုကေ ကောင်းဟာသမြောက်တေ အသွန့်စကား ရာ ဖြစ်ပါဖို့။ ခြုံပီး၊ ဇာခြုံကိုပီးရဖို့လဲ မီးဖို့ကျပြန်လိမ့်မေ။
ဟုတ်ယာ....။“ခြုံ”ဆိုရေ ရွီးထုံးကို ဗမာဂတိအသံလိုက်ပါနာ / ချုံ/လို့ အသံထွက်စွာက မဖြစ်နိူင်လာ။ ယင်း ပိုင်ဆိုကေ“ချုံ”ရွီးထုံးကို ကြည့်ကတ်ပါမေ။မြန်မာအဘိဓါန်မှာ-
“ချုံ၊ န-အကိုင်း၊အခက်၊ အရွက်၊ အနွယ်ရို့ ထွေးယှက်ပေါက်ရောက်နီသော အပင်စု။”လို့ ဖွင့်စွာကိုတွီရပါရေ။ မိမိရို့တိရေ “ရ၊ယ၊ရရစ်၊ ယ-င့်” ကိုပီသစွာပြောတတ်သူလို့ ဗမာတိက အထွတ်တင်ပြောခရရေလူမျိုး။ “ပင့် ရစ်မနိူင်ရခိုင်မီး” လို့ စံပြုခံရေလူမျိုးမဟုတ်လားလေ။ အဂု စဉ်းစားကြည့်ပါချက်။ အကိုင်း၊အခက်၊ အရွက်၊ အနွယ်ရို့ထွီးယှက်ပေါက်ရောက်နီရေအပင်စုကို “ခြုံ” ခေါ်ကတ်လာ။ “ချုံ”ခေါ်ကတ်လာလို့။ အ၀ ပိုင်းချောင်း ကမ်းနားတိမှာ ခြူခြာသတ်ပေါက်နီရေ အပင်စုကို တွိကတ်ပါဖို့ရာ။ အစူးတိ ချွန်ရေ။ ထက်တေ နန့်လေ။ အရွက်က ချင်းယားရွက်ပိုင်ဟိရေအပင်စု။ ယင်းဟင့်ကို မိမိရို့ခေါ်စွာက “ဆလီခြုံ”လတ်။ “ဆလီချုံ” မခေါ် ကတ်။ “ခြုံ”လို့ရာခေါ်စွာကို မသိသူမဟိဆိုရဖို့။
ယေကေ “ချုံ” နန့်“ခြုံ” အသံထွက်မတူ။ အဓိပ္ပါယ်လေ့မတူ။ ရွီးထုံးလေ့မတူ ဆိုစွာကို သတိပြုကတ်ပါဖို့။ ဗမာမှာရွီးထုံးမတူ။အသံထွက် အတူတူဖြစ်တေ။ ယေဒါလေ့ ရွီးထုံးကိုလိုက်ပနာ အဓိပ္ပါယ်ခွဲယူရရေ။
ဗမာက- “ချုံထဲမှာ ပုဆိုး ခြုံအိပ်ပါ---” လို့ရွီးကေ။
ဖတ်တေခါ- “ချုံဒဲမှာ ပဆိုးချုံအိပ်ပါ---” လို့ဖတ်တေ။
ရခိုင်က- “ခြုံထဲမှာ ပုဆိုးချုံအိပ်ပါ---”လို့ရွီးကေ။
ဖတ်တေခါ-“ခြုံထေးမှာ ပဆိုးချုံအိပ်ပါ---” ဖတ်တေ။
“ပုဆိုး”ဆိုရေ ဝေါဟာရကတော့ အသံထွက်တူရေ။ စကားလုံးကတော့ အဓိပ္ပါယ်လုံးဝကွဲရေ။ ဗမာမှာ ပုဆိုး ဆိုစွာ ယောက်ျားဝတ်တေ ဒယော(ခယောက်)ကိုဆိုရေ။ ရခိုင်မှာ အိပ်တေခါ အချမ်းကို ကာကွယ်ဖို့ ချုံရေ အထည်ကြီးကြီးလို့ အဓိပ္ပါယ်ရရေ။ မတူ။
ဧမှာ ဗမာဂတိလိုက်သူဆိုကေတော့ “ချုံထဲမှာ ပုဆိုးခြုံအိပ်ပါ” လို့ဆိုစွာကို ဒယောခြုံအိပ်လို့ အဓိ ပ္ပါယ် ကောက်ယူမေ။ ဗမာစကားကို ဟုတ်ရူပရူရာသိရေ ရခိုင်ကတော့ “ခြုံထဲမှာ မချမ်းရအောင် (ဗမာ က စောင် လို့ခေါ်ရေ) ပုဆိုးကို ချုံအိပ်” ခိုင်းစွာလို့နားလည်လိမ့်မေ။
အဓိက ပြောချင်စွာကတော့ ဗမာကရရစ်“ခြုံ”ကို ရခိုင်က ယပင့်”ချုံ” ရေ။ ဗမာက ယပင့်“ချုံ” ကို ရခိုင်က ရရစ်“ခြုံ” ရေ။ ဧမှာ အသံထွက်ကွဲရေပိုင် အဓိပ္ပါယ် လေ့လွဲရေ။
ယေနန့်အထက်မှာ ရခိုင်ဓမ္မကထိက ကိုယ်တော်ရေ“သီလကို လုံခြုံအောင်စောင့်ထိန်းပါ” ဆိုစွာရေ ရခိုင် စကားပျက် အဖြစ်လို့ဆိုရမေပင်။
ယပင့် ရရစ် ကိစ္စရေ ဧလောက်တည်းရာလာဆိုကေ ဇာဟုတ်ပါဖို့ရောင်။ ရတတ်သမျှစာရင်းပြုစုကြည့်ကေ-
ဗမာ ရခိုင်
၁။ ကျောကုန်း------------------------------ကြောကုန်း
၂။ ကျောခိုင်း-------------------------------ကြောခိုင်း
၃။ ကျပ်ခိုး----------------------------------ကြပ်ခိုး
၎။ ကျပ်ခိုးစင်-------------------------------ကြပ်ခိုးစင်
၅။ ကျွတ်မျှော့----------------------------- ကြွတ်မျှို့
၆။ ကျွတ်ကျွတ်မြည်-----------------------ကြွတ်ကြွတ်မြည်
၇။ ကြော်ချက်----------------------------ကျောက်ချက်
၈။ ကြော်လှော်---------------------------ကျော်လှော်
၉။ ချဲ(ကျဲအောင်ချဲ)-----------------------ခြဲ(ကြဲအောင်ခြဲ)
၁၀။ ချိုး(ချိုးငှက်)--------------------------ခြိုး(ခြိုးငှက်)
၁၁။ချိုး(ထမင်းချိုး)------------------------ခြိုး(ထမင်းခြိုး)
၁၂။ချိုးကူ--------------------------------ခြိုးကူ
၁၃။ချိုးကပ်------------------------------ခြိုးကပ်
၁၄။ချင်း(ဧချင်း)--------------------------ခြင်း(ဧခြင်း)
၁၅။ချောင်းခြောက်ဆိုး-------------------ခြောင်းခြောက်ဆိုး
၁၆။ချောင်းဆိုးရောဂါ--------------------ခြောင်းဆိုးရောဂါ
၁၇။ချောင်းဟန့်--------------------------ခြောင်းဟန့်
၁၈။ချည်ခင်စွပ်ငှက်----------------------ခြည်ခင်စွပ်ငှက်
၁၉။ချည်ငင်------------------------------ခြည်ငင်
၂၀။ချည်မျှင်------------------------------ခြည်မျှင်
၂၁။ချည်ဝင်------------------------------ခြည်ဝင်
၂၂။ချိပ်----------------------------------ခြိပ်
၂၃။ချိပ်တံဆိပ်---------------------------ခြိပ်တံဆိပ်
၂၄။ချိပ်တောင့်---------------------------ခြိပ်တောင့်
၂၅။ချိပ်ပိတ်စာအိတ်---------------------ခြိပ်ပိတ်စာအိတ်
၂၆။ချိပ်ပင်-------------------------------ခြိပ်ပင်
၂၇။ချုပ်စပ်(အထည်ချုပ်စပ်)-------------ခြုပ်စပ်(အထည်ခြုပ်စပ်)
၂၈။ချုပ်ရိုး-------------------------------ခြုပ်ရိုး
၂၉။ခြောင်းခြောင်း(ဒေါသထွက်)---------ချောင်းချောင်း(ဒေါသထွက်)
၃၀။ခြုံလွှမ်း------------------------------ချုံလွှမ်း
၃၁။ခြုံမိ---------------------------------ချုံမိ
၃၂။ခြုံထည်-----------------------------ချုံထည်
၃၃။ခြုံပြော------------------------------ချုံပြော
၃၄။ခြယ်(ဆေးခြယ်)--------------------ချယ်(ဆီးချယ်)
၃၅။ခြယ်မှုန်း--------------------------ခြီမှုန်း
၃၆။ခြယ်လှယ်-------------------------ချယ်လှယ်
၃၇။ချွေးမ-----------------------------ခြမ(ခြုပ်မ)
၃၈။ပြက်ချော်ချော်--------------------ပျက်ချော်ချော်
၃၉။ပြက်ရယ်ပြု-----------------------ပျက်ရယ်ပြု
၄၀။ပြက်လုံးထုတ်---------------------ပျက်လုံးထုတ်
၄၁။ပြင်(ပျက်လို့ပြင်)------------------ပျင်(ပျက်လို့ပျင်)
၄၂။ဖြားယောင်း-----------------------ဖျားယောင်း
၄၃။မျက်(ခါးမျက်)---------------------မြက်(ခါးမြက်)
၄၄။မျက်(နို့မျက်)----------------------မြက်(နို့မြက်)
၄၅။မျောက်ဥပင်----------------------မြောက်ဥပင်
၄၆။မြော်(ဖူးမြော်)---------------------မျှော်(ဖူးမျှော်)
လေးဆယ်ကျော်လောက်ရဟိပါရေ။ ဝေါဟာရထောင်သောင်းဟိစွာမှာ ဝေါဟာရလေးဆယ်ကျော် ရွီးထုံး မ တူစွာရေပြဿနာတော့မဆိုသာပါ။ ယေဒါလေ့ ပြောလာရေအခါမှာ နားကြားခက်စွာကတော့ အမှန် ပါ ယာ။ ဗမာရွီးထုံးအတိုင်းမိမိရို့အသံထွက်ပြောကြည့်ကေ ကြားရရေရခိုင်သားတိအဖို့ ရယ်စရာဖြစ်နိူင် ပါရေ။ စာရင်း ပြုစုထားရေ စကားလုံးတစ်လုံးကို စာလုံးပေါင်းအတိုင်းအသံထွက်ကေ ရခိုင်စကားမဖြစ်ပါယာ။ ဇာဖြစ် ဆို ကေ ရခိုင်စကားဆိုစွာ ဗမာစကားနဲ့မျိုးတူသံကွဲစကားဖြစ်နီလို့ဖြစ်ပါရေ။ ရခိုင်ဆိုစွာ အဖဘုရား သခင်က “ရ”နန့်“ယ” ကိုပီအောင်ပြောလီ၊ “ရရစ်၊ယပင့်” ကိုကွဲအောင်ပြောလီလို့ ဖန်ဆင်းခြင်းခံ ထားရသူတိမဟုတ် ပါလာ။ ယင်းဟင့်ကိုမှ အလီးမမူ၊ ဂရုမစိုက်ဘဲပြောကတ်(ရွီးကတ်)ဖို့ဆိုကေ အဖဘုရား သခင်၏ဒဏ်ခတ် ခြင်းကို ခံရပါလိမ့်မေလို့ ဆိုချင်ပါယင့်ထော။
နောက် ဟိပါသီးရေ။ “ေ-”သရ၊“-ီ”သရကွဲရေကိစ္စ။ ဟင့်မှာလေ့ စာရင်းပြုစုပြီးကေ ကြည့်ဖို့လိုပါလိမ့်မေ။ ဧမှာလေ့ ကိုယ်ရို့က “ေ-” သရသံထွက်လာ၊ “-ီ”သရသံထွက်လာ ဆိုစွာကို ယောင်ဝီယောင်ဝါးဖြစ်နီကတ်ပါ ယာ။ ဂုပိုင်ဖြစ်ရစွာလေ့ ဧနိမှဖြစ်လာရစွာက မဟုတ်ပါကိုး။သမိုင်းကိုချီပြီး ဖြစ်လာရစွာပါကိုး။ ဧကိစ္စဖြေ ရှင်း နိူင်ဖို့ကိုထား။ယိမ်းယိုင်နိန်ရေဘာသာစကားကို ကျားကန်ပီးဖို့ကတော့ အမှန်လိုအပ်တေ။ ယေနန့် ရ၊ ယ မှန်အောင်ရရစ်၊ ယပင့် မှန်အောင် သဝေထိုး၊လုံးကြီးတင်မှန်အောင် ဂရုတစိုက်ပြောလားဖို့(ဂရုတစိုက် ရွီး လားဖို့) ဆိုကေ ရခိုင်ဘာသာစကား၏ချုပ်ငြိမ်းမှုကာလရေ ဧထက်စကေရှည်လျားနိူင်သိရေလို့ ယူဆ ပါရေ။
သာစွလေ...
ငြိမ်းချမ်းဦးဖ
၃၀၁၈၀၇/၉/၀၃
၁၃၆၅၊ကျွတ်လဆန်း ၅ ရက်၊ ၃င်္ဂါ။
အောင်တံခွန်ဝံသရက္ခိတမဂ္ဂဇင်းအတွဲ(၄)၊အမှတ်(၃) မှကူးယူဖော်ပြသည်။
စာလုံးပေါင်းသတ်ပုံများမှာ မဂ္ဂဇင်းပါ အာဘော်အတိုင်းဖြစ်ပါသည်။