ရခိုင်အကြောင်းတစ်စေ့တစ်စောင်း

You Are Here: Home - ထုတ်ပြန်ချက် , ပင်မစာမျက်နှာ , သတင်း - ဆရာကြီးဂုဏ်ပြုလွှာ လှဲလှယ်ခံရဟူသော ကောလဟာလသတင်းအား ရှင်းလင်းချက်ထွက်ပေါ်

ဒေ သတင်းနန့်ပတ်သက်လို့ သိထားရေလူတိကို နည်းနည်းရှင်းပြချင်ရေ....
မတ်လ ၁၄ ရက်နိက ဆရာဒေါက်တာအေးချမ်းလာဖို့ကိစ္စကို ၀ံလက်မှာ တက်ရောက်လာရေလူတိနန့်တိုင်ပင်ကတ်တေ ရောက်လာရေလူတိစော် အဖွဲ့အားလုံးမစုံပါ ယေခါ ဆရာကြီးကိုရခိုင်လူထုက ဂုဏ်ထူးဆောင်ဆုတံဆိပ် တစ်ခုနန့်ဂုဏ်ပြုဖို့သဘောတူဆုံးဖြတ်ကတ်တေ ယင်ဆုတံဆိပ်နန့်ပတ်သက်လို့ နာရေးအဖွဲ့ကရွှေနှစ်ကျပ်သားကိုတာဝန်ယူရေ ၀ံလက်က ဆုလက်မှတ်လုပ်ဖို့တာဝန်ယူရေ မတ်လ ၁၅ ရက်နိ ဆရာကြီးရောက်တေ ဆရာကြီးရောက်တေနိမှာ ရခိုင်လူမှုကွန်ရက်က အားလုံးပါဝင်ကြိုဆိုကတ်ကေလည်း ၀ံလက်က သိန်းပေါင်းများစွာ အကုန်ခံပြီးကေ ကြိုဆိုရေးလုပ်တေ မတ်လ ၁၆ ရက်နိမှာ ဆရာကြီးဟောပြောပွဲ လုပ်တေ ဟောပြောပွဲလုပ်ခါနီထိ ၀ံလက်ကတာဝန်ယူထားရေ ဆုလက်မှတ်က ၀ံလက်တစ်ဖွဲ့တည်းရာမြင်ရပြီးကေ ကျန်ရေလူတိ တစ်ယောက်လည်းမမြင်ရ နောက်ဆုံးဦးဇော်အေးမောင်နန့် ရွှေနှစ်ကျပ်သား လှူရေနာရေးအဖွဲ့ကတောင်မသိရ မမြင်ရ ယင်းအတွက်နန့် အချိန်နီခါပြီးမှ ဆုလက်မှတ်ကို ကမန်းကတန်းလုပ်လိုက်ရရေ ကမန်းကတန်းလုပ်ထားရေ ဆုလက်မှတ်ကို အခမ်းအနားမှာတင်ထားလို့ ဆရာကြီးနန့်ဦးဇော်အေးမောင်အပါအ၀င် အားလုံးသူကိုပြထားခါပြီးမှ ၀ံလက်က လုပ်ထားရေ ဆုလက်မှတ်ရောက်လာရေ ယင်းခါကားဆုလက်ကိုဆရာကြီးရို့ကိုလည်းပြပြီးယာဖြစ်တေအတွက်နန့် နောက်ကရောက်လာရေ ဆုလက်မှတ်ကို ဆရာကြီဲးကိုမပီးဘဲ ပထမပြထားရေ ဆုလက်မှတ်ကို ပီးလိုက်လို့ လုပ်ထားရေဆုလက်မှတ်မဟုတ် အတုရာလို့ဆိုကတ်စော်ဟိဖို့ထင်ရေ အစကပင်ဝံလက်ကတာဝန်ယူထားရေ ဆုလက်မှတ်ရာ လူတိသိနီကတ်ဖို့ဆိုကေ ကမန်းကတန်းနောက်တစ်ခု လုပ်စရာ မလို နှစ်ခုဖြစ်နီလို့ တစ်ခုကိုချန်ထားခစော်ရာ အတုအစစ် ယင်းပိုင်မဟုတ် စာရွက်မှာစာရွက်ယာ အတုအစစ်က ရွှေနှစ်ကျပ်သားကိုခွဲရဖို့စော် တကယ်လို့ဆရာကြီးကို ဂုဏ်ပြုစော်က စာရွက်မဟုတ် ရွှေနှစ်ကျပ်သားကို လုပ်ထားရေ ဝေသာလီဒင်္ဂါမှာသဇင်နှစ်ခက် ဆရာကြီးဒေါက်တာအေးချမ်းရေ ယင်းရွှေကို အတုအစစ်တောင်ခွဲခြားပြီးကေ မသိယာလား ဒေစော်ကို သိရေလူတိုင်း 
တချက်ချယ်ပီးပနာနားလည်စီချင်ရေ

ရှင်းလင်းသူ= ဦးဉာဏ ရဟန်းပျိုအဖွဲ့ ဥက္ကဌ စစ်တွေ

၎င်းဘုန်းတော်ကြီး၏ Facebook စာမျက်နှာ = http://www.facebook.com/unyar.na.9

Tags: ထုတ်ပြန်ချက် , ပင်မစာမျက်နှာ , သတင်း