ရခိုင်အကြောင်းတစ်စေ့တစ်စောင်း

ရခိုင်ပြည်နယ်အတွင်းအခွန်တံဆိပ်များလွပ်လပ်စွာ ၀ယ်ယူခွင့်မရကြောင်း၊ အခွန် ဦး စီးဌာနမှ ရောင်းချရာတွင် ဥပဒေနှင့်အညီရောင်းချပေးခြင်းမရှိဘဲ တံဆိပ်ခေါင်း ၀ယ်ယူသူများ၏ ကိုယ်ရေးကိုယ်တာကိစ္စများကိုလည်း မေးမြန်းသည့်အပြင် မည် သည့်အတွက်ကြောင်း ၀ယ်ယူရခြင်းဖြစ်သည်များကိုလည်း ရှင်းလင်းတင်ပြစေ ကြောင်းသိရသည်။
ထိုသို့ အခွန်တံဆိပ်များအား လွပ်လပ်စွာ ၀ယ်ယူခွင့်မရသည့်အတွက် တရားရုံးနှင့် အခြားသော ဌာနဆိုင်ရာကိစ္စရပ်များအတွက် စာချုပ်များချုပ်ဆိုရာတွင် အခက်အခဲ များဖြစ်ပေါ်နေကြောင်း ဥပေဒဆိုင်ရာနှင့် နီးစပ်သူ အသိုင်းအ၀ိုင်းမှပြောကြားသိရှိ ရပါသည်။
'' ကျွန်မလေ့လာမိသလောက်ပြောရရင် အခွန်ငွေရရှိဖို့အတွက် မေးမြန်းတာဖြစ်ပေ မယ့် နည်းလမ်းတော့မကျဘူး။ တရားရုံးတွေမှာလည်း အခွန်တံဆိပ်ခေါင်းက အမြဲ လိုနေတတ်တယ်။ ပြီးတော့ ရပ်ကွက်၊ကျေးရွာအဆင့်တွေမှာလည်း သက်ဆိုင်ရာ အုပ်ချုပ်ရေးမှူးတွေရှိနေတော့ စာချုပ်တွေချုပ်ဆိုမယ်ဆိုရင်လည်း သက်သေခံဖို့ အတွက် လူရှိနေပြီးသားမို့ အခွန်ဌာနက ဘာမှ ပြောစရာ၊မေးစရာမလိုဘူးလို့်

သိရ တယ်။ ဒါကြောင့် ဥပဒေဘောင်အတွင်းက လုပ်ကိုင်ဆောင်ရွက်သင့်တယ်လို့မြင် ပါတယ်။ အခွန်တံဆိပ်ခေါင်းက ဘယ်သူ့ကိုမှသာရောင်းရမယ်ဆိုတာမျိုး သတ် မှတ် ထားတာမရှိသလို ကိုယ်ရေးကိုယ်တာကိစ္စတွေအတွက်လည်း မေးမြန်းခွင့်ရှိ တယ်လို့ မထင်မိဘူး။ အခုတော့ အခွန်ဌာနက မလိုလားတဲ့ မေးမြန်းချက်တွေလုပ် နေတာကို တွေ့နေရပါတယ်'' ဟု ဥပဒေလုပ်ငန်းနှင့် အသက်မွေးဝမ်းကျောင်းပြု နေသူတစ်ဦးက ပြောကြားခဲ့ပါသည်။
ရခိုင်ပြည်နယ်အတွင်း အစိုးရသစ်တက်လာခဲ့ပြီဖြစ်သော်လည်း တစ်ချို့သော ဌာန ဆိုင်ရာကိစ္စရပ်များသည် အချိုးမပြေသကဲ့သို့ လုပ်ငန်းဆောင်တာကိစ္စရပ်များတွင် လည်း ငွေတောင်းယူသည့် စနစ်က ပျောက်ကွယ်မသွားဘဲ ခေါက်ရိုးထဲမှာပင်ရှိ နေ သေးကြောင်းလည်း ဒေသခံများက ပြောဆိုကြပါသည်။
ယင်းအတွက် မလိုလားအပ်သော ကိစ္စရပ်များကို ရှောင်ရှားက ဥပဒေဘောင် အတွင်းမှ ဆောင်ရွက်ခြင်းနှင့် လုပ်သင့်လုပ်ထိုက်သော လုပ်ရပ်များကိုသာလုပ်ကိုင် ကြရန်လိုအပ်နေပြီဖြစ်ကြောင်းနှင့် လမ်းဟောင်း၊ စနစ်ဟောင်းထဲတွင်နစ်မြုပ်မနေ သင့်တော့ကြောင်းလည်း သုံးသပ်ပြောဆိုကြပါသည်။