နိဒန်း ။။။ ။။။။။။ အခုအချိ်န်မှာ အပစ်အခတ်ရပ်စဲရီးနင့် ငြိမ်းချမ်းရီးအတွက် စိစပ်ဆွီးနွီးဖို့  ရခိုင်လက်နက်ကိုင် တော်လှန်ရီး အဖွဲ့ တိကိုဖိတ်ခေါ်လာစော် ဟိပါရေ ။ ယင်းချင့်ကို ယင်းအဖွဲ့ တိက တာဝန်ဟိ ပုဂ္ဂိုလ်တိမှာ ဒေပိုင်အပစ်အခတ် ရပ်စဲရီးနင့် ငြိမ်းချမ်းရီးအတွက် အခုပိုင်ဖ်ိတ်ခေါ်စော်ကို လက်ခံကြောင်းနင့် ပါတီတွင်း တပ်တွင်း ဆွီးနွီးပွဲတိ လုပ်လာ ကတ်ပါရေ ။ ဒေပိုင်ဖြိုက်နီစော်မှာ ပါတီတွင်း တပ်တွင်းထဲမှတချို့ က ငြင်းဆန်သင့်ရေအကြောင်းနင့် တချို့ ကလက်မခံသင့်ကြောင်း တင်ပြကတ်တေ စာတိကို တွိရပါရေ ။ ဒေပိုင်တွိလာရစော်မှာ မီဒီယာတိမှာ တွိလာ ရစော်မျိုး ဖြိုက်ပနာ ပါတီတွင်း တပ်တွင်းတိကို အကြံပီးစာမျိုးတိကို ပါတီတွင်း တပ်တွင်းက မထုတ် ဖေါ်ရေ အတွက် တရားဝင်ရီးသားလို့  မရပါဒေ။ တရားဝင် ပြောပြလို့  ရစော်ကတော့ခါပြင်ပပုဂ္ဂိုလ် တိက ရီးသား အကြံပြုရေ စာတိကို မီဒီယာတိမှာ တွိစော်ကိုရာဦးတည်ပနာ ပြန်လို့  ဆွီးနွီးချင်ပါရေ ။
သမိုင်းနောက်ခံအကြောင်းအရာများအခုလက်ဟိ ပါတီ - တပ်များတိမှာ တော်လှန်ရီးနောက်ခံ သမိုင်းများတိမှာ အသီးသီးဟိကတ်စော်ရာပါဒေ။ လူပုဂ္ဂိုလ်အသီး သီးတိမှာလေးသွင့်နောက်ခံသမိုင်းကိုယ်စီနင့် ဟိကတ်ပါရေယေ။ တော်လှန်ရီးကာလ တလျှောက်မှာ နိမ့်တုံမြင့်တုံနင့် ခက်ခဲကြမ်းတမ်းရေ ဘ၀တိကို ဖြတ်သန်းနီကတ်တေ ဒေတော်လှန်ရီး အဖွဲ့ တိမှာ နှဲသမားပါးပိုင် ဖေါင်းခါတခါ ဖေါင်း-ပိန်ခါတခါပိန်နင့် ဟိနီခစော်တိပါရာ။ ယေကေလေးသွင့် လက်နက်ကိုမစွန့်၊ တော်လှန်ရီးနယ်မြီထဲမှာ ဖြိုက်နီရေ ဒဏ်ဒုက္ခတိကို ကြံ့ ကြံ့  ခံပနာ နီကတ်စော်မှာ အလေးပြုရဖို့  ကိန်းကျနီစော်ပါ ရာထော။ ဒေချင့်ကိုတော့ အသိအမှတ် ပြုရပါဖို့ ကာ။ ထုံးစံအတိုင်း ပါတီများနီရေ လို့  ဆိုပနာပေါင်းကတ်မေ စည်းကတ်မေ ဆိုပနာ ပေါင်းဖို့  လုပ်ခစော်တိကလေးသွင့်ဒဏ္ဍာရီဝတ္ထုချေတိပိုင် လွမ်းဆွတ်စရာ ဇါတ်လမ်းတိနင့်ပါဒေ။ တနားနီကေထိုပါတီက အရီးပါရေ ပုဂ္ဂိုလ်အဖြိုက် မြင်နီရကေလေး တနားနီကေ ထိုပါတီကအရီးပါနီကတ်စော်ကို မြင်ရေအခါ ချစ်ဖို့ ကောင်းရေ ဓလိချေ တခုပါကားယေလို့  သတ်မှတ် ရပါဖို့  ဗျန်ကာ။ ပါတီမူကို ကြိုက်လို့  ပြောင်းလားခစော်လား -တပ်တိကို ကြိုက်လို့  ပြောင်းလားခစော် လား မပြောတတ်ကေလေးယင်းရဲဘော်ကတော့ခါ တော်လှန်ရီးနယ်မြီမှာ ဟိနီသိရေ ဆိုစော်က ချစ်ဖို့ ကောင်းစော် ပါကားယင်။ အရီးကြီးစော်က တော်လှန်ရီးနယ်မြီ နိုင်ငံရီးနယ်မြီမှာ ဟိနီစော် တခုပါရာ ။ နောက်တခုကတော့ခါ ပါတီတွင်းပေါင်းစီးရီးဆိုကေ ယင်းလူတိဗျန် ပေါင်းစီးရီးအတွက် လုပ်ကတ်မေ ဆိုပနာ အာဘောင်အာရင်း ပပပြင်းထထန်နင့် ပြောခကတ် အော်ခကတ် ရယ်ခကတ် ဆိုခကတ်စော်တိ -စတိတ်မန်း တိမှာ တရားဝင် နာမည် ပါနီခစော်တိ - နောက်ဆုံးမှာ ရခိုင်အမျိုးကို ချစ်လို့  တော်လှန်ရီးနယ်မြီမှာ လုပ်နီစော်ကို
ညီလာခံထဲမှာ ပြောရေအခါ -မိုက်ခွက်ကို ပီးလို့  မိုက်ခွက်ကို မလိုလို ဆိုပနာ ဒေအတိုင်းပြောခ ကတ်တေ တော်လှန်ရီး ပုဂ္ဂိုလ်ကြီးတိ ဟိရေပိုင် သမိုင်းနင့် ချီသော အကြောင်းအရာများ ဟိသူရို့ လို့  အသိ အမှတ် ပြုထားရဖို့စော်ပါရာ။
မျက်မှောက်ကာလ တော်လှန်ရီးအခြီအနီများ ရခိုင်ပြည်လွပ်မြောက်ရီးပါတီနင်
နောက်တချက်မှာ မျိုးဆက်သစ် ကလေချေတိက ရခိုင်တော် လှန်ရီး လက်နက်ကိုင် အဖွဲတိနင့် ကွင်းဆက်ပြတ်နီမှုတိကို ပြည်ပမှာထက် ပြည်တွင်းက အများကြီးဖြိုက်နီစော် ကလေးသွင့် အားရစရာ မကောင်းစော် တခုပါ ဒေ။ ဒေပိုင်ဖြိုက်နီရေလက္ခဏာတိမှာ ရခိုင်လူမျိုးတိကြားမှာ ဆက်သွယ်ရင်းနှီးရေ မီဒီယာအားနည်းမှုတိ ဖြိုက်ပါရေ ယေ။သတိထားရဖို့  ကောင်းရေအချက်ချေ တခုမှာ ရခိုင်တော်လှန်ရီး အဖွဲတိနင့် နိုင်ငံရီးအဖွဲ့ အစီးတိမှာ ရခိုင်လူမျိုးတိကို အသိပီးရေအကြောင်းအရာ စာတိ -သ၀ဏ်လွှာတိ ပီးစော်မှာတောင် ရခိုင်သားနားလည်ရေရခိုင်စာနင့် မရီးကတ်စော်တိက ကောင်းကောင်းပင် ဆိုးဝါးရေ ပြသနာတခုပါဒေ။ ယေဇူးနင့်လေးသွင့် ယင်းအဖွဲ့ အစီးတိက ထုတ်ပြန်ရေ စာစောင် သ၀ဏ်လွှာ - အကြောင်းအရာတိကို ရခိုင်သားအချင်းချင်း မီဒီယာ အားနည်းစော်ကို သိကေလေးသွင့် စိတ်ဝင်တစားနင့် မဖြန့် ချင်ကတ်စော်ပါယေ ။ ယင်းပိုင်မဖြန်ကတ်လို့ လဲသွင့် မဖြန့် ရကောင်းလားဆိုပနာ- မဖြန့် ရေလူတိကို စိတ်ပျက်ညီးညူနီဖို့ အစား ကိုယ်ရို့ က ဇါကိုပင် ရီးပနာ လုပ်ခကတ်လေ ဆိုစော်ကို သတိထားပနာ နောင်ကို မဖြိုက်ရအောင် ရှောင်ကတ် ရဖို့  လိုပါရေမနား။
ဒေပိုင်မီဒီယာ အားနည်းစော်ကပင် မျက်မှောက်ကာလ တော်လှန်ရီး အဖွဲ့ အစီးတိအတွက် အားနည်းချက်တိ ဖြိုက်နီပနာ အခြား လှုပ်ရျားမှုတိကလေးသွင့် မဟိရေအခါ အားနည်းချက်တိ အများကြီး ဟိနီကတ်စော်ပါရာ။ ဥပမာ တော်လှန်ရီးခေါင်းဆောင်ကြီးရို့ ၏ မိန့် ခွန်း ပြောကတ်စော်တိနင့် အင်တာ ဗျူး ပြောစော်တိ - ပါတီတွင်း ဆွီးနွီးစော်တိ- နယ်စပ်ဒေသ လူုထုတွိဆုံမှု အားနည်းစော်တိနင့် နိုင်ငံတကာ လှည့်လည် လူထုတွိဆုံမှုတိကို အားနည်းစော်တိ ဟိနီလို့  ဒေပိုင် မီဒီယာတိကပါ အားနည်း ကတ်စော်ဖြိုက်ပါရေ ။ အောက်သား မီဒီယာက ဖေါ်ပြစော်လောက်နင့်ရာ နီလီဖို့ ဆိုကေ ရခိုင်တော်လှန်ရီး အဖွဲ့ အစီးတိနင့် နိုင်ငံရီးအဖွဲအစီးတိမှာ ဒေထက်ဆိုးဝါးပနာ နောက်ဆိုကေ သမိုင်းမှာ အရုပ်ဆွဲပြရဖို ပိုင် ဖြိုက်လားနိုင်ကတ် ပါဖို့ ယေ ။
မျက်မှောက်ကာလ လှုပ်ရှားမှုတိကို ဒေခုအချိန်ထက် ပိုလို့  ရခိုင်လူမျိုးတိ သိအောင် လုပ်နိုင်ခကေ ကောင်းမွန်ရေအကျိုးသက်ရောက်မှုတိက ဒေထက်မက ရရှိလာဖို့ စော်မျိုး ဖြိုက်ပါရေ ၀ါ။ ယေဇူးနင့်  ရခိုင်လူမျိုးတိနင့် တော်လှန်ရီးအဖွဲ့ တိက ဒေအချက်ကို သတိထားဖို့  လိုပါရေလို့ ထင်ပါရေ ဒေ။ ဇါပင်ဖြိုက်ဖြိုက် ရခိုင်တော်လှန်ရီး လက်နက်ကိုင် အဖွဲ့ တိမှာ အောက်သားနယ်ချဲ့  စစ်အစိုးရကို ထာဝစိုင် တိုက်ပွဲဝင် တိုက်ခိုက်နီစော်ကတော့ခါ လုံးဝကျိမ်းသီ အမှန်တရားပါရာ။ ဒေပိုင်တိုက်ခိုက်နီခကတ်လို့ လေးသွင့် တိုက်ပွဲအတွင်း ကျဆုံးလားရစော် ရခိုင်တော်လှန်ရီး ရဲဘော်တိကလေးသွင့်ဟိနီစော်ပါမနား။ သူရဲကောင်းတိပိုင် ကျဆုံးခြင်းတိကို ကျွန်တော်ရို့ တိက ဂုဏ်ပြုပနာ သူရဲကောင်းဘွဲ့  ပီးခကတ်ပါသိရေ ယေ ။ ဂုဏ်ပြုထိုက်သူကို ဂုဏ်ပြုရေအတွက် ကျဆုံးလားခသူ သူရဲကောင်းတိမှာ တမလွန်ဘ၀က အားရ၀မ်းသာ ဟိနီလီဖို့ လို့  ထင်ရပါယင့်။ မျက်မှောက်ကာလ တော်လှန်ရီးအခြီအနီမှာ လက်နက်အင်အား ကောင်းရေ လူတိက အနိုင်ရ ဗိုလ်စွဲနီရေ အခင်းအကျင်းဖြိုက်နီကေလေးသွင့် ရခိုင်လူမျိုးတိမှာ သမိုင်းနင့်ချီသော တော်လှန်ရီးကြီးကား မအောင်မြင်သရွိ ဆက်လို့  တိုက်ပွဲဝင်လီဖို့ မနားပါကားယင်။
အခြား လက်နက်ကိုင် တော်လှန်ရီး အဖွဲ့ များ။ ရခိုင်ပြည်နင့် ပတ်သက်လို့  တော်လှန်ရီး လက်နက်ကိုင် အဖွဲ့ တိမှာအခြား အဖွဲ့ တိလေးသွင့် ဟိနီစော်ပါဒေ ။ တဖွဲ့ မှာ ရခိုင်ပြည်သူ့ အမျိုးသားညီညွတ်ရီးပါတီ (NUPA)။ ရခိုင်ပြည် ဒီမိုကရက်ပါတီ (DPA)ဖြိုက်ဗြီးကေ ခေါ်တောဘင်္ဂလီကုလားတိ အဖွဲ့ တိ ဟိနီပါရေ ထော။ ရခိုင်တော်လှန်ရီး လက်နက်ကိုင် အဖွဲ့ တိမှာ ရခိုင်လူမျိုးရို့ ၏ အန္တိမရည်မှန်းချက်ဖြိုက်တေ ကိုယ့်အမျိုးကို ချစ်တေ စိတ်နင့် ကိုယ့်ကြမ္မာကိုကိုယ်ဖန်တီးရီး ဆိုသော မူဝါဒရီးရာအရ တိုက်ပွဲဝင် နီကတ်တေ အဖွဲ့ တိ ဖြိုက်ပါရေ။ သမိုင်းလိမ်ကုလားအဖွဲ့ မှာတော့ခါ ရခိုင်ပြည်ကို သူရို့ပြည်လို့ လိမ်ညာပြောပနာ ကမ္ဘာမှာ လုပ်ပြနီရေ လက်နက်ကိုင် အဖွဲ့ တိဖြိုက်ပါရေ။ ယေကေ ဒေအဖွဲ့ တိက အခုအချိန်မှာ သမတဦးသိန်းစိန် အစိုးရက အပစ်အခတ် ရပ်စဲရီးနင့် ငြိမ်းချမ်းရီး အတွက် ဖိတ်ကြားထားစော် ဟိလာဗျန်လားဆိုလို့  ဟိကေ NUPA - DPA ရို့ ကို ဖိတ်ထားဗျန်လို့  ကြားသိရပါရေ ။
ကျန်ရေ သမိုင်းလိမ် ကုလားအဖွဲ့ ကိုတော့ခါ ဖိတ်ခေါ်သံကို မကြားရသိပါ။ (မှတ်ချက် --- ဒေကုလားအဖွဲ့ ကို ဖေါ်ပြစော်က သူရို့ တိုင်သားကိုအသိအမှတ်ပြုလို့  တင်ပြစော် မဟုတ်ကြောင်း သိစီချင်ပါရေ။ နောက်ပိုင်းမှာဇါလောက် အန္တရယ် ဟိလေ ဆိုစော်ကို ဖေါ်ပြလားပါမေ)။ လက်ဟိ အပစ်အခတ် ရပ်စဲရီးနင့် ငြိမ်းချမ်းရီး ဆွီးနွီးပွဲ အခြီအနီများ။ ဒေကနိ မြန်မာနိုင်ငံအတွင်းမှာ အပစ်အခတ်ရပ်စဲရီး နင့် ပြည်တွင်းငြိမ်းချမ်း၇ီးကို လုပ်နီကတ်ပါရေ။ ယေကေလေးသွင့် ရှမ်းတပ်မတော်နင့် ဖြိုက်တေခါလေး အခြီအနီတိက မရသိ ဖြိုက်နီပါရေ။ ကရင်အမျိုးသားစည်းရုံးရီးနင့် လုပ်ကေလေး တိုက်တေ နီရာမှာ တိုက်နင့်ငြိမ်းချမ်းရီး ဆွီးနွီးစော် အလှပလှ မဖြိုက်နိုင်ပါဒေ။ မွန် ပြည်သစ် နင့် လုပ်နီစော်ကလေးသွင့် စိတ်ချလို့  မရရေ အခြီအနီတိပါ ဒေ။ ချင်းလက်နက်ကိုင်အဖွဲ့ကရာ မြို့ထဲမှာ ဆက်သွယ်ရီးရုံးခမ်း ဖွင့်ထားလိုက် နိင်ကေလေးသွင့် အခုဆိုကေ အပစ်အခတ်ရပ်စဲရီးအတွက်လုပ်လိုက်စော်မှာ တပ်စခမ်းတိ ကို စစ်တပ်က ဆောက်လုပ်နီရေ အတွက် သူရို့ မှာပြသနာ တက်လာနီပါရေ။
ကချင် အဖွဲ့ နင့် ဆိုကေ အခုအချိ်န်မှာ အကြီးအကျယ်ပြသနာ ဖြိုက်နီစော်ပါကာ။ ပြောရဖို့ ဆိုကေ အားလုံးသော တိုင်းရင်းသား လူမျိုးတိမှာ အနာဂါတ် မှာ ပြည်တွင်းငြိမ်းချမ်းရီးကိုလက်မခံနိုင်စရာအဖြိုက် လုပ်နီကတ်စော်မျိုး ဖြိုက်ပါရေ။ ထင်ထင် ယှားယှား ဖြိုက် နီရေ ပြသနာ တခုကတော့ခါ ရန်ကုန် မန္တလေးမြို့လောက်မှာရာ ပြည်တွင်းငြိမ်းချမ်းရီး လက္ခဏာ ဟိနီဗြီးကေ အခြားတိုင်းရင်းသား လူမျိုးများ နယ်မြီဒေသတိမှာ ဟန်ဆောင် ငြိမ်းချမ်းရီး ဆွီးနွီးပွဲတိ ဖြိုက်နီစော် ပါဒေ။ ဒေပိုင် ဖြိုက်နီစော်ကိုလေးသွင့် ကမ္ဘာက စောင့်ကြည့်နီပါရေ ယေ။ တနိုင်ငံ လုံး ပြည်တွင်းငြိမ်း ချမ်းရီး ဖြိုက်လားကေ ပြည်ပမှာ ဟိရေ နိုင်ငံရီးအဖွဲ့ အစီးနင့် နိုင်ငံရီးအဖွဲ့ သမားတိမှာ ပြည်တော် ပြန်ဝင်ပါဖို့ လို့  ကမ္ဘာသိ ကြီညာထားကတ်စော် ဟိပါရေ။ ယေဇူးနင့် အခုအချိန်မှာ ပြည်တွင်းငြိမ်းချမ်းရီး မရနိုင်စော်တိကို သိလို့  တယောက်ချေလေး ပြည်တော် ကို မ၀င်ကတ်စော်ကို လက်ခံရဖို့  ဖြိုက်ပါရေဒေ။ အမှန်ရာ ပြည်တွင်းငြိမ်းချမ်း၇ီး လက္ခဏာကို မြင်ရေလို့  ဆိုကေ နယ်စပ်ဒေသတိမှာ ဟိနီရေ ဒုက္ခသည်တိကို အယင်ဆုံး နီရာ ချထားပီးဖို့  အလုပ်တိကို လုပ်လား ဖို့  ဖြိုက်ပါရေ ဒေ။ အခုကား ယင်းပိုင် လုပ်စော်ကို မမြင်ပါကာ။ နောက် ထူးခြား နီရေ ပြသနာ တခုမှာ ဒေါ်အောင်ဆန်းစုကြည်ကပြည်တွင်းမှာ နိုင်ငံရီးအရ စကား ပြောရေ ခါ ပြည်တွင်းငြိမ်း ချမ်းရီးမရစော်က တိုင်းရင်းသားလူမျိုးတိ၏ နိုင်ငံရီးတောင်းဆိုမှုတိကို မရနိုင်လို့  ပြောထားစော်ပါဒေ။ ယင်းကလေ့မေ ကိုယ်တိုင် ပြည်တွင်းငြိမ်းချမ်းရီး ရလာဖို့  ဖြိုက်တေ အတွက်နင့် ပြည်ပက လူတိ တော်လှန်ရီး အဖွဲ့ အစီးတိ နိုင်ငံရီးအဖွဲ့ အစီးတိ ၀င်လာကတ်ပါလို့  မပြောမဆိုစော်တခုပါယေ။
ဇါဖြိုက်လို့  အပစ်အခတ် ရပ်စဲရီးနင့် ငြိမ်းချမ်းရီး ဆွီးနွီးပွဲ လုပ်ပြနီရလေမြန်မာနိုင်ငံမှာ လက်နက် ကိုင် တော်လှန်ရီး အဖွဲ့ အစီးတိ ရှိရေ ဆိုရေအခါ ပြည်တွင်းငြိမ်း ချမ်းရီး မဟိလို့  ယေဘူယျ သုံးသပ်ကတ် ပါရေ။ ယေခါဒေသတွင်း မငြိမ်မသက် ဖြိုက်နီအတွက် အာဆီယံ ဥက္ကဋ္ဌ အဖြိုက် နီရာကို ရဖို့  စော်မှာ အခက်အခဲ ဖြိုက်နီပါရေ။ ယေဇူးနင့် လက်နက်ကိုင် အဖွဲ့ အစီးတိနင့် ဟန်ပြ ဆွီးနွီးခြင်းဖြင့် သူရို့  လိုချင်သော အာဆီယံ ဥက္ကဋ္ဌ ရာထူးကို သူရိုရလားဖို့  စော် ဖြိုက်ပါရေ။ ပထမ ဆုံး သတိထားရမည့် အချက်မှာ အခုပိုင် အပစ် အခတ် ရပ်စဲရီး ဆွီးနွီးချက်မှာ အချက်(၄) ချက်ကို ဦးတည် ထားစော် ဟိပါရေ။ ယင်းချင့်မှာ (၁) အပစ် အခတ် ရပ်စဲရီး ဆွီးနွီးဖို့  အချက်၊ (၂) နယ်မြီဒေသ သတ်မှတ် ရီး အချက်။ (၃) ဆက်ဆံရီး ရုံးခမ်း ဖွင့်လှစ်ဗြီးကေ သူရို့ တိ စားဝတ်နီရီး အတွက် အလုပ်အကိုင် ပီးရီး၊ (၄)နောက်ဆုံးမှာ လက်နက်ချ ရီး လို့  ဖေါ်ပြထားပါရေ။ ယေဇူးနင့် သူရို့  တိ အာဘော်ကို သိထားယင့်သားနင့် ဒေအပစ်အခတ်ငြိမ်းချမ်းရီး ဆွီးနွီးပွဲသည် နိုင်ငံရီးဆွီးနွီးပွဲ မဟုတ်စော် ကိုသိထားဖို့  လိုပါရေ။ သူရို့  လိုချင်စော်က အပစ်အခတ် ရပ်စဲပနာ နောက်ဆုံး လက်နက် ချရီး ဖြိုက်ဗြီးကေ တိုင်းရင်းသား လက်နက်ကိုင် တော်လှန်ရီး အဖွဲတိက ငြိမ်းချမ်းရီး ဆွီးနွီးဖို့ စော်က နိုင်ငံရီးအရ တန်းတူ အခွင့်အရီးနင့် ကိုယ့် ကြမ္မာကို ကိုယ် ဖန်တီးရီး ဖြိုက်နီပါရေ။ယင်းပိုင်ဆိုကေ ဒေပြသနာကို ဖန်တီးယူသူ စစ်အစိုးရ၏ ရုပ်သီးအစိုးရနင့်ဇါပိုင် ဆွီးနွီးရပါဖို့ လေးချင့်။ ဇါဖြိုက်လို့  အပစ်အခတ် ရပ်စဲရီးနင့်ငြိမ်းချမ်းရီး ဆွီးနွီးပွဲ လုပ်ပြနီလေ ဆိုစော်ကို သိကေ ဇါတခု လုပ်ဖို့ လိုပါလေ ယေကေ။
ငြိမ်းချမ်းရီး ဆွီးနွီးပွဲ မလုပ်ခကေ လုပ်ဖို့  လူ ဟိယင့်လားရခိုင်ပြည်နင့် ပါတ်သက်လို့  လက်နက်ကိုင် အင်အားစုအကောင်းဆုံးပါတီနင့် တပ်မှာ ရခိုင်ပြည် လွပ်မြောက်ရီးပါတီရာ ဟိပါရေ။ အခြားပါတီနင့် တပ်တိမှာတော့ခါ လူအင်အား လက်နက်အင်အား နည်းပါးရေ လို့ သတင်းတိမှာ ဖေါ်ပြထားစော်တိ တွိပါယင့်။ ဒေနီရာမှာ လက်နက်အင်အားများ စော်နည်းစော်နင့် မသက်ဆိုင်ဘဲ သမတဦးသိန်းစိန်အစိုးရက ရထားဝန်ကြီး ဦးအောင်မင်းက ငြိမ်းချမ်းရီးကိစ္စကို ဖိတ်ကြားစော်နင့် ပါတ်သက်လို့ပြောချင်စော်ပါရာ။ ရခိုင်လက်နက်ကိုင်သုံးဖွဲ့ စလုံးကို ဖိတ်တေလိုသိရပါရေ။ ယေကေ ပထမဆုံး ရခိုင်ပြည် လွပ်မြောက်ရီးပါတီက အခုအချိန်မှာပါတီတွင်း တွိဆုံပွဲနင့် ဗဟိုကော်မီတီ အဆင့်ဆင့် ဆွီးနွီးပွဲတိကို နယ်စပ်ဒေသမှာ အဆင့် လိုက် အစီအစိုင်လိုက် လုပ်နီရေလို့  သိရပါရေ။ အခြားအဖွဲ့ တိကို တော့ခါ မကြားရ ပါထော။ ရခိုင်ပြည် လွပ်မြောက်ရီးပါတီမှာ အယင်က မူဝါဒဟိရေလို့  မူဝါဒကို ထုတ်ဖေါ်ပြောလာစော်တိ တွိလာရ ပါရေ။ ယင်းမူဝါဒ ရီးရာ ပေါ်လီစီတခုမှာရန်သူနင့် စိစပ် ဆွီးနွီးခြင်းသည် ရခိုင်လူမျိုးကို သစ္စာဖေါက်ရာ ကျ၏လို့ ဆိုပနာ တော်လှန်ရီး ပေါ်လီစီ တခုကို ထုတ်ဖေါ်ပြောစော်ပါရာ။ အခုအချိန်မှာရခိုင်ပြည် လွပ်မြောက်ရီး ပါတီမှာ ရုပ်သီးအစိုးရက ငြိမ်းချမ်းရီး ဆွီးနွီးပွဲ ကမ်းလှမ်းချက်ကို မဟာမိတ်နင့်၎င်း၊ ကိုယ့်ပါတီ တွင်းမှာပါ ကျိန်းသီ ဆွီးနွီးဗြီးထားစော်ပါရာ။ သူရို့ တိုင်သားကို မခေါ်ခင်ကတည်းကပင် တနိခါ ခေါ်လာဖို့ စော်ကို သိထားရေ ပါတီလေး ဖြိုက်စော်ပါရာ။ ရန်သူကဇါပိုင် လုပ်လာဖို့ စော်နင့် ဇါပိုင်လုပ်လာကေ ဇါပိုင် တုန့် ပြန်ရဖို့ စော်ကိုလေး သွင့် ကြိုတင်ပြင်ဆင် ထားဗြီးသားလို့  ထင်ရပါရေ။
ဒေပိုင်ရန်သူနင့် နင်လားငါလား စစ်ဗျူဟာ ခင်းကျင်းနီရေ အဖွဲ့ အစီး တခုက ဇါတခုချေလေးကို မတွက်ချက်ဘဲ ဖိတ်စော်နင့်ပင် လက်ခံပနာ ငြိမ်းချမ်းရီးကို ဆွီးနွီးကတ်မေ လို့  ပြောဖို့  မထင်မိပါ ဒေ။ နောက်တချက်မှာ သမတ ဦးသိန်းစိန်အစိုးရက လိုချင်သော ငြိမ်းချမ်းရီး ဖိတ်ခေါ် ချက်တိကိုလေးသွင့် ကြိုတင် သိထားရေ အတွက် သမိုင်းနင့်ချီသော သူရို့ က ပါတီနင့် ရခိုင်နိုင်ငံတော်ကို သစ္စာဖေါက်ရာ လုပ်ဖို့ လို့ တစက်ချေလေးသွင့် မထင်မိပါဒေ။ နိုင်ငံရီးမှာ ဒေအချက်သည် အရီးကြီး ဆုံးဖြိုက် ပါရေ။ အပစ်အခတ် ရပ်စဲရီးနင့် ငြိမ်းချမ်းရီးဆွီးနွီးစော်တိမှာ အခြား တိုင်းရင်းသား လူမျိုးတိနင့် သဟဇါတ မဖြိုက်ဘဲနောက်ဆုံးမှာ ဒုံရင်း ဖြိုက်နီရေ စော်ကို နိုင်ငံရီး အကဲခတ်သူတိုင်း သိကတ်ပါရေ ယေ။ ယင်းပိုင်ဆိုကေ ရခိုင်ပြည် လွပ်မြောက်ရီးပါတီနင့်လေးသွင့်ဆွီးနွီးပွဲကား အကောင်အထည် ပေါ်ပနာ အောင်မြင်ဖို့ - ဖြိုက်ဖို့ ကား မမြင်ပါယေ။ ယင်းပိုင် လက်နက်ချဖို့  လားစော် မဟုတ်ဘဲ ရန်သူနင့် စိစပ် ဆွီးနွီးလိုက်စော်ကို သစ္စဖေါက်ရာ ကျလို့ မဆွီးနွီးကေ ဒေနီရာမှာ ပြောစရာ တခုရာ ဟိပါရေ။ ရန်သူက ရခိုင်နိုင်ငံတော်ကို လွပ်လွပ်ရီးပီးဖို့  လို့  စိစပ် ဆွီးနွီးဖို့  လာလတ်ပါဆိုကေ မဆွီးနွီးဘဲ နီလိုက်ရပါဖို့ လား ဆိုစော်ပါရာဒေ။ ဒေကနိ မျက်မှောက်ကာလမှာ နိုင်ငံရီး အခြီအနိတိတော်လှန်ရီး သီအိုရီတိ ကောင်းကောင်းကြီး ပြောင်းလဲ လားနီပါဗျန်ကာ။ မဟာဗျူဟာ မပျောက်စီဘဲ နည်းဗျူဟာတိကို အမျိုးမျိုး ချပြပနာ လုပ်ကတ်ရစော်ကအများကြီးပါရာ။ ယေဇူးနင့် နည်းဗျူဟာ တခုကို ကျင့် သုံးဖို့  စော်မှာအခက်အခဲ တိ ဖြိုက်နိုင်စရာ တခုချေကိုကား မမြင်မိပါထော။
ရခိုင်တော်လှန်ရီး အဖွဲ့ တိမှာ ဒေပိုင်အောက်သားအစိုးရနင့်မဆွီးနွီးလို့  ဆိုကေ အားလုံးသော သုံးဖွဲ့ စလုံးက မဆွီးနွီးကေ ဗြီးလားဖို ထင်ပါယင့်လား။ မဗြီးပါသိဒေ ။ ရခိုင်ပြည်အတွက် လက်နက်ကိုင် ခေါ်တော သမိုင်းလိမ် ကုလား အဖွဲ့ တိက ဟိနီပါရေ ဒေ။ သူရို့ တိက အပစ်အခတ် ရပ်စဲရီးနင့် ငြိမ်းချမ်းရီး ဆွီးနွီးပွဲ လုပ်ဖို့ ဆိုကေ ဇါပိုင် လုပ်ကတ်ပါဖို့ လေး ချင့်။ ရခိုင်ပြည်ကို ကိုယ်စားပြုရေ လက်နက်ကိုင် တော်လှန်ရီး ပါတီတိက တခုချေလေးသွင့် မလုပ်ခကေ ရခိုင်ပြည်ကို ကြံနီရေ ကုလားတိုင်သားက အိမ်ရှင်လုပ်ပနာ လားခကေ ဇါပိုင် လုပ်ကတ်ပါဖို့ လေးယေ။ ကုန်ခရေ တပါတ်လောက်က ဆော်ဒီအာရေဗျနိုင်ငံ ဂျီဒတ် မြို့ မှာသံအမတ် ဦးခင်ဇေါ်ဝင်းကို ဧည့်ခံ ထမင်းကျွေး ပွဲ ပြုလုပ်ပနာ သူရို့  လူမျိုးတိကို မှတ်ပုံတင် ပီးဖို့ စော်နင့် မြန်မာစာသင်ကျောင်း တကျောင်း ဖွင့်လှစ် ဖိုတောင်း ဆိုခကတ်ပါသိရေ ယေ။ ဒေချင့်ကို သတိ ထားရပါဖို့  ဒေ။ ကောင်းကောင်းကြီး အန္တရယ် ဟိစော်ပါရာ မနား။ အခုအချိန်မှာ ရခိုင်ပြည်ကိုကိုယ်စာြး့ပုရေ လက်နက်ကိုင် တော်လှန်ရီးအဖွဲ့က ရခိုင်ပြည်သူလူထု ရှေ့မှာ မားမားမတ်မတ် ရပ်ပြဖို့  လိုပါရေဒေ။ မဟုတ်ကေတော့ခါ ရခိုင်လူမျိုးတိမှာ ရခိုင်လူမျိုးကို ကိုယ်စားပြုရေ လက်နက်ကိုင် အဖွဲမဟိဘဲ ဖြိုက်နီပါဖို့ ဗျန်ဒေ ။ ယင်းပိုင် မဟိရေအပြင် ကုလားတိက ကြားက ၀င်ပနာ လုပ်လား လီဖို့ စော်ကို သတိပြုရပါဖို့ ယေ။
အပစ်အခတ် ရပ်စဲရီးနင့် ငြိမ်းချမ်းရီး ဆွီးနွီးဖို့  အချက်အလက်တိ ရခိုင်ပြည် လွပ်မြောက်ရီးပါတီမှာ အပစ်အခတ် ရပ်စဲရီးနင့် ပတ်သက်၍ ဆွီးနွီးဖို့ ဆိုကေ လက်နက်ကိုင် ပါတီဖြိုက်လို့  ကျွမ်းကျင်ဗြီးသားပါရာယေ။ အရီးကြီးစော်တခုမှာ နိုင်ငံရီး ဆွီးနွီးပွဲ ပါရာဒေ။ ယင်းပိုင် ဆွီးနွီးချက်တိထဲမှာ ရခိုင်ပြည်သူ လူထုတိကဆုံးရှုံးနီသော လူ့အခွင့်အရီးပြသနာတိနင့် ဒေကနိ ခံစားဖြိုက်ပျက်နီရေ မျက်မှောက် ကာလ လူမှူရီးအခြီအနီတိပါကာ။ ဒေပိုင်စော်မျိုးကို ငြိမ်းချမ်းရီး ဆွီးနွီးရေ အဖွဲ့ ကဆွီးနွီးပွဲမှာ ကောင်းကောင်းကြီး တင်ပြလို့  ရပါရေ ကာ။ ပြည်သူလူထုနင့်တွိဆုံပွဲ လုပ်တေအခါ ကောင်းကောင်းကြီး လုပ်လို့ရပါရေ ၀ါ။ ပြောစရာတိအများကြီး ဟိကတ်စော်ပါရာမနား။ ဒေပိုင် ရခိုင်ပြည်သူလူထုကို တွိဆုံရေအခါ အမျိုးသား နိုင်ငံရီးတရား ဟောပြောခွင့်ရခကေ မျိုးဆက်သစ် ရခိုင်သားတိမှာ နိုင်ငံရီး အသိတရား အများကြီး ရကတ်ဖို့ ပါကာ။ မဖြိုက်နိုင်ရေ ငြိမ်းချမ်းရီး လုပ်ကတ်စော်မှာဖြိုက်နိုင်ခြီ တခုက နိုင်ငံရီး မျက်စိအမြင် ကျယ်လား ဖို့ စော်ပါဒေ။ ယင်းပိုင် နိုင်ငံရီး မျက်စိ အမြင် ကျယ်လားခကေ မျိုးဆက်သစ် တော်လှန်ရီးသမားတိ အများကြီး ပေါ်ပေါက်လာပါဖို့စော်ပါရာ။ ယေဇူးနင့်ရခိုင်ပြည်သူ လူထုပါးက သတင်းအချက်အလက်တိ နင့် ပြည်သူကို ကိုယ်စားပြုပနာငြိမ်းချမ်းရီး ဆွီးနွီးပွဲကို လုပ်ရဖို့ လို့  ထင်ပါရေဒေ။ ယေမှရာတော်လှန်ရီး မျိုးဆက်သစ်တိက အောင်ပွဲ တခုကို အနီးကပ်မြင်လားကတ်ပါဖို့ ဒေ။
ခိုင်အောင်ကျော် ( နယူးယောက် )
သမိုင်းနောက်ခံအကြောင်းအရာများအခုလက်ဟိ ပါတီ - တပ်များတိမှာ တော်လှန်ရီးနောက်ခံ သမိုင်းများတိမှာ အသီးသီးဟိကတ်စော်ရာပါဒေ။ လူပုဂ္ဂိုလ်အသီး သီးတိမှာလေးသွင့်နောက်ခံသမိုင်းကိုယ်စီနင့် ဟိကတ်ပါရေယေ။ တော်လှန်ရီးကာလ တလျှောက်မှာ နိမ့်တုံမြင့်တုံနင့် ခက်ခဲကြမ်းတမ်းရေ ဘ၀တိကို ဖြတ်သန်းနီကတ်တေ ဒေတော်လှန်ရီး အဖွဲ့ တိမှာ နှဲသမားပါးပိုင် ဖေါင်းခါတခါ ဖေါင်း-ပိန်ခါတခါပိန်နင့် ဟိနီခစော်တိပါရာ။ ယေကေလေးသွင့် လက်နက်ကိုမစွန့်၊ တော်လှန်ရီးနယ်မြီထဲမှာ ဖြိုက်နီရေ ဒဏ်ဒုက္ခတိကို ကြံ့ ကြံ့  ခံပနာ နီကတ်စော်မှာ အလေးပြုရဖို့  ကိန်းကျနီစော်ပါ ရာထော။ ဒေချင့်ကိုတော့ အသိအမှတ် ပြုရပါဖို့ ကာ။ ထုံးစံအတိုင်း ပါတီများနီရေ လို့  ဆိုပနာပေါင်းကတ်မေ စည်းကတ်မေ ဆိုပနာ ပေါင်းဖို့  လုပ်ခစော်တိကလေးသွင့်ဒဏ္ဍာရီဝတ္ထုချေတိပိုင် လွမ်းဆွတ်စရာ ဇါတ်လမ်းတိနင့်ပါဒေ။ တနားနီကေထိုပါတီက အရီးပါရေ ပုဂ္ဂိုလ်အဖြိုက် မြင်နီရကေလေး တနားနီကေ ထိုပါတီကအရီးပါနီကတ်စော်ကို မြင်ရေအခါ ချစ်ဖို့ ကောင်းရေ ဓလိချေ တခုပါကားယေလို့  သတ်မှတ် ရပါဖို့  ဗျန်ကာ။ ပါတီမူကို ကြိုက်လို့  ပြောင်းလားခစော်လား -တပ်တိကို ကြိုက်လို့  ပြောင်းလားခစော် လား မပြောတတ်ကေလေးယင်းရဲဘော်ကတော့ခါ တော်လှန်ရီးနယ်မြီမှာ ဟိနီသိရေ ဆိုစော်က ချစ်ဖို့ ကောင်းစော် ပါကားယင်။ အရီးကြီးစော်က တော်လှန်ရီးနယ်မြီ နိုင်ငံရီးနယ်မြီမှာ ဟိနီစော် တခုပါရာ ။ နောက်တခုကတော့ခါ ပါတီတွင်းပေါင်းစီးရီးဆိုကေ ယင်းလူတိဗျန် ပေါင်းစီးရီးအတွက် လုပ်ကတ်မေ ဆိုပနာ အာဘောင်အာရင်း ပပပြင်းထထန်နင့် ပြောခကတ် အော်ခကတ် ရယ်ခကတ် ဆိုခကတ်စော်တိ -စတိတ်မန်း တိမှာ တရားဝင် နာမည် ပါနီခစော်တိ - နောက်ဆုံးမှာ ရခိုင်အမျိုးကို ချစ်လို့  တော်လှန်ရီးနယ်မြီမှာ လုပ်နီစော်ကို
ညီလာခံထဲမှာ ပြောရေအခါ -မိုက်ခွက်ကို ပီးလို့  မိုက်ခွက်ကို မလိုလို ဆိုပနာ ဒေအတိုင်းပြောခ ကတ်တေ တော်လှန်ရီး ပုဂ္ဂိုလ်ကြီးတိ ဟိရေပိုင် သမိုင်းနင့် ချီသော အကြောင်းအရာများ ဟိသူရို့ လို့  အသိ အမှတ် ပြုထားရဖို့စော်ပါရာ။
မျက်မှောက်ကာလ တော်လှန်ရီးအခြီအနီများ ရခိုင်ပြည်လွပ်မြောက်ရီးပါတီနင်
နောက်တချက်မှာ မျိုးဆက်သစ် ကလေချေတိက ရခိုင်တော် လှန်ရီး လက်နက်ကိုင် အဖွဲတိနင့် ကွင်းဆက်ပြတ်နီမှုတိကို ပြည်ပမှာထက် ပြည်တွင်းက အများကြီးဖြိုက်နီစော် ကလေးသွင့် အားရစရာ မကောင်းစော် တခုပါ ဒေ။ ဒေပိုင်ဖြိုက်နီရေလက္ခဏာတိမှာ ရခိုင်လူမျိုးတိကြားမှာ ဆက်သွယ်ရင်းနှီးရေ မီဒီယာအားနည်းမှုတိ ဖြိုက်ပါရေ ယေ။သတိထားရဖို့  ကောင်းရေအချက်ချေ တခုမှာ ရခိုင်တော်လှန်ရီး အဖွဲတိနင့် နိုင်ငံရီးအဖွဲ့ အစီးတိမှာ ရခိုင်လူမျိုးတိကို အသိပီးရေအကြောင်းအရာ စာတိ -သ၀ဏ်လွှာတိ ပီးစော်မှာတောင် ရခိုင်သားနားလည်ရေရခိုင်စာနင့် မရီးကတ်စော်တိက ကောင်းကောင်းပင် ဆိုးဝါးရေ ပြသနာတခုပါဒေ။ ယေဇူးနင့်လေးသွင့် ယင်းအဖွဲ့ အစီးတိက ထုတ်ပြန်ရေ စာစောင် သ၀ဏ်လွှာ - အကြောင်းအရာတိကို ရခိုင်သားအချင်းချင်း မီဒီယာ အားနည်းစော်ကို သိကေလေးသွင့် စိတ်ဝင်တစားနင့် မဖြန့် ချင်ကတ်စော်ပါယေ ။ ယင်းပိုင်မဖြန်ကတ်လို့ လဲသွင့် မဖြန့် ရကောင်းလားဆိုပနာ- မဖြန့် ရေလူတိကို စိတ်ပျက်ညီးညူနီဖို့ အစား ကိုယ်ရို့ က ဇါကိုပင် ရီးပနာ လုပ်ခကတ်လေ ဆိုစော်ကို သတိထားပနာ နောင်ကို မဖြိုက်ရအောင် ရှောင်ကတ် ရဖို့  လိုပါရေမနား။
ဒေပိုင်မီဒီယာ အားနည်းစော်ကပင် မျက်မှောက်ကာလ တော်လှန်ရီး အဖွဲ့ အစီးတိအတွက် အားနည်းချက်တိ ဖြိုက်နီပနာ အခြား လှုပ်ရျားမှုတိကလေးသွင့် မဟိရေအခါ အားနည်းချက်တိ အများကြီး ဟိနီကတ်စော်ပါရာ။ ဥပမာ တော်လှန်ရီးခေါင်းဆောင်ကြီးရို့ ၏ မိန့် ခွန်း ပြောကတ်စော်တိနင့် အင်တာ ဗျူး ပြောစော်တိ - ပါတီတွင်း ဆွီးနွီးစော်တိ- နယ်စပ်ဒေသ လူုထုတွိဆုံမှု အားနည်းစော်တိနင့် နိုင်ငံတကာ လှည့်လည် လူထုတွိဆုံမှုတိကို အားနည်းစော်တိ ဟိနီလို့  ဒေပိုင် မီဒီယာတိကပါ အားနည်း ကတ်စော်ဖြိုက်ပါရေ ။ အောက်သား မီဒီယာက ဖေါ်ပြစော်လောက်နင့်ရာ နီလီဖို့ ဆိုကေ ရခိုင်တော်လှန်ရီး အဖွဲ့ အစီးတိနင့် နိုင်ငံရီးအဖွဲအစီးတိမှာ ဒေထက်ဆိုးဝါးပနာ နောက်ဆိုကေ သမိုင်းမှာ အရုပ်ဆွဲပြရဖို ပိုင် ဖြိုက်လားနိုင်ကတ် ပါဖို့ ယေ ။
မျက်မှောက်ကာလ လှုပ်ရှားမှုတိကို ဒေခုအချိန်ထက် ပိုလို့  ရခိုင်လူမျိုးတိ သိအောင် လုပ်နိုင်ခကေ ကောင်းမွန်ရေအကျိုးသက်ရောက်မှုတိက ဒေထက်မက ရရှိလာဖို့ စော်မျိုး ဖြိုက်ပါရေ ၀ါ။ ယေဇူးနင့်  ရခိုင်လူမျိုးတိနင့် တော်လှန်ရီးအဖွဲ့ တိက ဒေအချက်ကို သတိထားဖို့  လိုပါရေလို့ ထင်ပါရေ ဒေ။ ဇါပင်ဖြိုက်ဖြိုက် ရခိုင်တော်လှန်ရီး လက်နက်ကိုင် အဖွဲ့ တိမှာ အောက်သားနယ်ချဲ့  စစ်အစိုးရကို ထာဝစိုင် တိုက်ပွဲဝင် တိုက်ခိုက်နီစော်ကတော့ခါ လုံးဝကျိမ်းသီ အမှန်တရားပါရာ။ ဒေပိုင်တိုက်ခိုက်နီခကတ်လို့ လေးသွင့် တိုက်ပွဲအတွင်း ကျဆုံးလားရစော် ရခိုင်တော်လှန်ရီး ရဲဘော်တိကလေးသွင့်ဟိနီစော်ပါမနား။ သူရဲကောင်းတိပိုင် ကျဆုံးခြင်းတိကို ကျွန်တော်ရို့ တိက ဂုဏ်ပြုပနာ သူရဲကောင်းဘွဲ့  ပီးခကတ်ပါသိရေ ယေ ။ ဂုဏ်ပြုထိုက်သူကို ဂုဏ်ပြုရေအတွက် ကျဆုံးလားခသူ သူရဲကောင်းတိမှာ တမလွန်ဘ၀က အားရ၀မ်းသာ ဟိနီလီဖို့ လို့  ထင်ရပါယင့်။ မျက်မှောက်ကာလ တော်လှန်ရီးအခြီအနီမှာ လက်နက်အင်အား ကောင်းရေ လူတိက အနိုင်ရ ဗိုလ်စွဲနီရေ အခင်းအကျင်းဖြိုက်နီကေလေးသွင့် ရခိုင်လူမျိုးတိမှာ သမိုင်းနင့်ချီသော တော်လှန်ရီးကြီးကား မအောင်မြင်သရွိ ဆက်လို့  တိုက်ပွဲဝင်လီဖို့ မနားပါကားယင်။
အခြား လက်နက်ကိုင် တော်လှန်ရီး အဖွဲ့ များ။ ရခိုင်ပြည်နင့် ပတ်သက်လို့  တော်လှန်ရီး လက်နက်ကိုင် အဖွဲ့ တိမှာအခြား အဖွဲ့ တိလေးသွင့် ဟိနီစော်ပါဒေ ။ တဖွဲ့ မှာ ရခိုင်ပြည်သူ့ အမျိုးသားညီညွတ်ရီးပါတီ (NUPA)။ ရခိုင်ပြည် ဒီမိုကရက်ပါတီ (DPA)ဖြိုက်ဗြီးကေ ခေါ်တောဘင်္ဂလီကုလားတိ အဖွဲ့ တိ ဟိနီပါရေ ထော။ ရခိုင်တော်လှန်ရီး လက်နက်ကိုင် အဖွဲ့ တိမှာ ရခိုင်လူမျိုးရို့ ၏ အန္တိမရည်မှန်းချက်ဖြိုက်တေ ကိုယ့်အမျိုးကို ချစ်တေ စိတ်နင့် ကိုယ့်ကြမ္မာကိုကိုယ်ဖန်တီးရီး ဆိုသော မူဝါဒရီးရာအရ တိုက်ပွဲဝင် နီကတ်တေ အဖွဲ့ တိ ဖြိုက်ပါရေ။ သမိုင်းလိမ်ကုလားအဖွဲ့ မှာတော့ခါ ရခိုင်ပြည်ကို သူရို့ပြည်လို့ လိမ်ညာပြောပနာ ကမ္ဘာမှာ လုပ်ပြနီရေ လက်နက်ကိုင် အဖွဲ့ တိဖြိုက်ပါရေ။ ယေကေ ဒေအဖွဲ့ တိက အခုအချိန်မှာ သမတဦးသိန်းစိန် အစိုးရက အပစ်အခတ် ရပ်စဲရီးနင့် ငြိမ်းချမ်းရီး အတွက် ဖိတ်ကြားထားစော် ဟိလာဗျန်လားဆိုလို့  ဟိကေ NUPA - DPA ရို့ ကို ဖိတ်ထားဗျန်လို့  ကြားသိရပါရေ ။
ကျန်ရေ သမိုင်းလိမ် ကုလားအဖွဲ့ ကိုတော့ခါ ဖိတ်ခေါ်သံကို မကြားရသိပါ။ (မှတ်ချက် --- ဒေကုလားအဖွဲ့ ကို ဖေါ်ပြစော်က သူရို့ တိုင်သားကိုအသိအမှတ်ပြုလို့  တင်ပြစော် မဟုတ်ကြောင်း သိစီချင်ပါရေ။ နောက်ပိုင်းမှာဇါလောက် အန္တရယ် ဟိလေ ဆိုစော်ကို ဖေါ်ပြလားပါမေ)။ လက်ဟိ အပစ်အခတ် ရပ်စဲရီးနင့် ငြိမ်းချမ်းရီး ဆွီးနွီးပွဲ အခြီအနီများ။ ဒေကနိ မြန်မာနိုင်ငံအတွင်းမှာ အပစ်အခတ်ရပ်စဲရီး နင့် ပြည်တွင်းငြိမ်းချမ်း၇ီးကို လုပ်နီကတ်ပါရေ။ ယေကေလေးသွင့် ရှမ်းတပ်မတော်နင့် ဖြိုက်တေခါလေး အခြီအနီတိက မရသိ ဖြိုက်နီပါရေ။ ကရင်အမျိုးသားစည်းရုံးရီးနင့် လုပ်ကေလေး တိုက်တေ နီရာမှာ တိုက်နင့်ငြိမ်းချမ်းရီး ဆွီးနွီးစော် အလှပလှ မဖြိုက်နိုင်ပါဒေ။ မွန် ပြည်သစ် နင့် လုပ်နီစော်ကလေးသွင့် စိတ်ချလို့  မရရေ အခြီအနီတိပါ ဒေ။ ချင်းလက်နက်ကိုင်အဖွဲ့ကရာ မြို့ထဲမှာ ဆက်သွယ်ရီးရုံးခမ်း ဖွင့်ထားလိုက် နိင်ကေလေးသွင့် အခုဆိုကေ အပစ်အခတ်ရပ်စဲရီးအတွက်လုပ်လိုက်စော်မှာ တပ်စခမ်းတိ ကို စစ်တပ်က ဆောက်လုပ်နီရေ အတွက် သူရို့ မှာပြသနာ တက်လာနီပါရေ။
ကချင် အဖွဲ့ နင့် ဆိုကေ အခုအချိ်န်မှာ အကြီးအကျယ်ပြသနာ ဖြိုက်နီစော်ပါကာ။ ပြောရဖို့ ဆိုကေ အားလုံးသော တိုင်းရင်းသား လူမျိုးတိမှာ အနာဂါတ် မှာ ပြည်တွင်းငြိမ်းချမ်းရီးကိုလက်မခံနိုင်စရာအဖြိုက် လုပ်နီကတ်စော်မျိုး ဖြိုက်ပါရေ။ ထင်ထင် ယှားယှား ဖြိုက် နီရေ ပြသနာ တခုကတော့ခါ ရန်ကုန် မန္တလေးမြို့လောက်မှာရာ ပြည်တွင်းငြိမ်းချမ်းရီး လက္ခဏာ ဟိနီဗြီးကေ အခြားတိုင်းရင်းသား လူမျိုးများ နယ်မြီဒေသတိမှာ ဟန်ဆောင် ငြိမ်းချမ်းရီး ဆွီးနွီးပွဲတိ ဖြိုက်နီစော် ပါဒေ။ ဒေပိုင် ဖြိုက်နီစော်ကိုလေးသွင့် ကမ္ဘာက စောင့်ကြည့်နီပါရေ ယေ။ တနိုင်ငံ လုံး ပြည်တွင်းငြိမ်း ချမ်းရီး ဖြိုက်လားကေ ပြည်ပမှာ ဟိရေ နိုင်ငံရီးအဖွဲ့ အစီးနင့် နိုင်ငံရီးအဖွဲ့ သမားတိမှာ ပြည်တော် ပြန်ဝင်ပါဖို့ လို့  ကမ္ဘာသိ ကြီညာထားကတ်စော် ဟိပါရေ။ ယေဇူးနင့် အခုအချိန်မှာ ပြည်တွင်းငြိမ်းချမ်းရီး မရနိုင်စော်တိကို သိလို့  တယောက်ချေလေး ပြည်တော် ကို မ၀င်ကတ်စော်ကို လက်ခံရဖို့  ဖြိုက်ပါရေဒေ။ အမှန်ရာ ပြည်တွင်းငြိမ်းချမ်း၇ီး လက္ခဏာကို မြင်ရေလို့  ဆိုကေ နယ်စပ်ဒေသတိမှာ ဟိနီရေ ဒုက္ခသည်တိကို အယင်ဆုံး နီရာ ချထားပီးဖို့  အလုပ်တိကို လုပ်လား ဖို့  ဖြိုက်ပါရေ ဒေ။ အခုကား ယင်းပိုင် လုပ်စော်ကို မမြင်ပါကာ။ နောက် ထူးခြား နီရေ ပြသနာ တခုမှာ ဒေါ်အောင်ဆန်းစုကြည်ကပြည်တွင်းမှာ နိုင်ငံရီးအရ စကား ပြောရေ ခါ ပြည်တွင်းငြိမ်း ချမ်းရီးမရစော်က တိုင်းရင်းသားလူမျိုးတိ၏ နိုင်ငံရီးတောင်းဆိုမှုတိကို မရနိုင်လို့  ပြောထားစော်ပါဒေ။ ယင်းကလေ့မေ ကိုယ်တိုင် ပြည်တွင်းငြိမ်းချမ်းရီး ရလာဖို့  ဖြိုက်တေ အတွက်နင့် ပြည်ပက လူတိ တော်လှန်ရီး အဖွဲ့ အစီးတိ နိုင်ငံရီးအဖွဲ့ အစီးတိ ၀င်လာကတ်ပါလို့  မပြောမဆိုစော်တခုပါယေ။
ဇါဖြိုက်လို့  အပစ်အခတ် ရပ်စဲရီးနင့် ငြိမ်းချမ်းရီး ဆွီးနွီးပွဲ လုပ်ပြနီရလေမြန်မာနိုင်ငံမှာ လက်နက် ကိုင် တော်လှန်ရီး အဖွဲ့ အစီးတိ ရှိရေ ဆိုရေအခါ ပြည်တွင်းငြိမ်း ချမ်းရီး မဟိလို့  ယေဘူယျ သုံးသပ်ကတ် ပါရေ။ ယေခါဒေသတွင်း မငြိမ်မသက် ဖြိုက်နီအတွက် အာဆီယံ ဥက္ကဋ္ဌ အဖြိုက် နီရာကို ရဖို့  စော်မှာ အခက်အခဲ ဖြိုက်နီပါရေ။ ယေဇူးနင့် လက်နက်ကိုင် အဖွဲ့ အစီးတိနင့် ဟန်ပြ ဆွီးနွီးခြင်းဖြင့် သူရို့  လိုချင်သော အာဆီယံ ဥက္ကဋ္ဌ ရာထူးကို သူရိုရလားဖို့  စော် ဖြိုက်ပါရေ။ ပထမ ဆုံး သတိထားရမည့် အချက်မှာ အခုပိုင် အပစ် အခတ် ရပ်စဲရီး ဆွီးနွီးချက်မှာ အချက်(၄) ချက်ကို ဦးတည် ထားစော် ဟိပါရေ။ ယင်းချင့်မှာ (၁) အပစ် အခတ် ရပ်စဲရီး ဆွီးနွီးဖို့  အချက်၊ (၂) နယ်မြီဒေသ သတ်မှတ် ရီး အချက်။ (၃) ဆက်ဆံရီး ရုံးခမ်း ဖွင့်လှစ်ဗြီးကေ သူရို့ တိ စားဝတ်နီရီး အတွက် အလုပ်အကိုင် ပီးရီး၊ (၄)နောက်ဆုံးမှာ လက်နက်ချ ရီး လို့  ဖေါ်ပြထားပါရေ။ ယေဇူးနင့် သူရို့  တိ အာဘော်ကို သိထားယင့်သားနင့် ဒေအပစ်အခတ်ငြိမ်းချမ်းရီး ဆွီးနွီးပွဲသည် နိုင်ငံရီးဆွီးနွီးပွဲ မဟုတ်စော် ကိုသိထားဖို့  လိုပါရေ။ သူရို့  လိုချင်စော်က အပစ်အခတ် ရပ်စဲပနာ နောက်ဆုံး လက်နက် ချရီး ဖြိုက်ဗြီးကေ တိုင်းရင်းသား လက်နက်ကိုင် တော်လှန်ရီး အဖွဲတိက ငြိမ်းချမ်းရီး ဆွီးနွီးဖို့ စော်က နိုင်ငံရီးအရ တန်းတူ အခွင့်အရီးနင့် ကိုယ့် ကြမ္မာကို ကိုယ် ဖန်တီးရီး ဖြိုက်နီပါရေ။ယင်းပိုင်ဆိုကေ ဒေပြသနာကို ဖန်တီးယူသူ စစ်အစိုးရ၏ ရုပ်သီးအစိုးရနင့်ဇါပိုင် ဆွီးနွီးရပါဖို့ လေးချင့်။ ဇါဖြိုက်လို့  အပစ်အခတ် ရပ်စဲရီးနင့်ငြိမ်းချမ်းရီး ဆွီးနွီးပွဲ လုပ်ပြနီလေ ဆိုစော်ကို သိကေ ဇါတခု လုပ်ဖို့ လိုပါလေ ယေကေ။
ငြိမ်းချမ်းရီး ဆွီးနွီးပွဲ မလုပ်ခကေ လုပ်ဖို့  လူ ဟိယင့်လားရခိုင်ပြည်နင့် ပါတ်သက်လို့  လက်နက်ကိုင် အင်အားစုအကောင်းဆုံးပါတီနင့် တပ်မှာ ရခိုင်ပြည် လွပ်မြောက်ရီးပါတီရာ ဟိပါရေ။ အခြားပါတီနင့် တပ်တိမှာတော့ခါ လူအင်အား လက်နက်အင်အား နည်းပါးရေ လို့ သတင်းတိမှာ ဖေါ်ပြထားစော်တိ တွိပါယင့်။ ဒေနီရာမှာ လက်နက်အင်အားများ စော်နည်းစော်နင့် မသက်ဆိုင်ဘဲ သမတဦးသိန်းစိန်အစိုးရက ရထားဝန်ကြီး ဦးအောင်မင်းက ငြိမ်းချမ်းရီးကိစ္စကို ဖိတ်ကြားစော်နင့် ပါတ်သက်လို့ပြောချင်စော်ပါရာ။ ရခိုင်လက်နက်ကိုင်သုံးဖွဲ့ စလုံးကို ဖိတ်တေလိုသိရပါရေ။ ယေကေ ပထမဆုံး ရခိုင်ပြည် လွပ်မြောက်ရီးပါတီက အခုအချိန်မှာပါတီတွင်း တွိဆုံပွဲနင့် ဗဟိုကော်မီတီ အဆင့်ဆင့် ဆွီးနွီးပွဲတိကို နယ်စပ်ဒေသမှာ အဆင့် လိုက် အစီအစိုင်လိုက် လုပ်နီရေလို့  သိရပါရေ။ အခြားအဖွဲ့ တိကို တော့ခါ မကြားရ ပါထော။ ရခိုင်ပြည် လွပ်မြောက်ရီးပါတီမှာ အယင်က မူဝါဒဟိရေလို့  မူဝါဒကို ထုတ်ဖေါ်ပြောလာစော်တိ တွိလာရ ပါရေ။ ယင်းမူဝါဒ ရီးရာ ပေါ်လီစီတခုမှာရန်သူနင့် စိစပ် ဆွီးနွီးခြင်းသည် ရခိုင်လူမျိုးကို သစ္စာဖေါက်ရာ ကျ၏လို့ ဆိုပနာ တော်လှန်ရီး ပေါ်လီစီ တခုကို ထုတ်ဖေါ်ပြောစော်ပါရာ။ အခုအချိန်မှာရခိုင်ပြည် လွပ်မြောက်ရီး ပါတီမှာ ရုပ်သီးအစိုးရက ငြိမ်းချမ်းရီး ဆွီးနွီးပွဲ ကမ်းလှမ်းချက်ကို မဟာမိတ်နင့်၎င်း၊ ကိုယ့်ပါတီ တွင်းမှာပါ ကျိန်းသီ ဆွီးနွီးဗြီးထားစော်ပါရာ။ သူရို့ တိုင်သားကို မခေါ်ခင်ကတည်းကပင် တနိခါ ခေါ်လာဖို့ စော်ကို သိထားရေ ပါတီလေး ဖြိုက်စော်ပါရာ။ ရန်သူကဇါပိုင် လုပ်လာဖို့ စော်နင့် ဇါပိုင်လုပ်လာကေ ဇါပိုင် တုန့် ပြန်ရဖို့ စော်ကိုလေး သွင့် ကြိုတင်ပြင်ဆင် ထားဗြီးသားလို့  ထင်ရပါရေ။
ဒေပိုင်ရန်သူနင့် နင်လားငါလား စစ်ဗျူဟာ ခင်းကျင်းနီရေ အဖွဲ့ အစီး တခုက ဇါတခုချေလေးကို မတွက်ချက်ဘဲ ဖိတ်စော်နင့်ပင် လက်ခံပနာ ငြိမ်းချမ်းရီးကို ဆွီးနွီးကတ်မေ လို့  ပြောဖို့  မထင်မိပါ ဒေ။ နောက်တချက်မှာ သမတ ဦးသိန်းစိန်အစိုးရက လိုချင်သော ငြိမ်းချမ်းရီး ဖိတ်ခေါ် ချက်တိကိုလေးသွင့် ကြိုတင် သိထားရေ အတွက် သမိုင်းနင့်ချီသော သူရို့ က ပါတီနင့် ရခိုင်နိုင်ငံတော်ကို သစ္စာဖေါက်ရာ လုပ်ဖို့ လို့ တစက်ချေလေးသွင့် မထင်မိပါဒေ။ နိုင်ငံရီးမှာ ဒေအချက်သည် အရီးကြီး ဆုံးဖြိုက် ပါရေ။ အပစ်အခတ် ရပ်စဲရီးနင့် ငြိမ်းချမ်းရီးဆွီးနွီးစော်တိမှာ အခြား တိုင်းရင်းသား လူမျိုးတိနင့် သဟဇါတ မဖြိုက်ဘဲနောက်ဆုံးမှာ ဒုံရင်း ဖြိုက်နီရေ စော်ကို နိုင်ငံရီး အကဲခတ်သူတိုင်း သိကတ်ပါရေ ယေ။ ယင်းပိုင်ဆိုကေ ရခိုင်ပြည် လွပ်မြောက်ရီးပါတီနင့်လေးသွင့်ဆွီးနွီးပွဲကား အကောင်အထည် ပေါ်ပနာ အောင်မြင်ဖို့ - ဖြိုက်ဖို့ ကား မမြင်ပါယေ။ ယင်းပိုင် လက်နက်ချဖို့  လားစော် မဟုတ်ဘဲ ရန်သူနင့် စိစပ် ဆွီးနွီးလိုက်စော်ကို သစ္စဖေါက်ရာ ကျလို့ မဆွီးနွီးကေ ဒေနီရာမှာ ပြောစရာ တခုရာ ဟိပါရေ။ ရန်သူက ရခိုင်နိုင်ငံတော်ကို လွပ်လွပ်ရီးပီးဖို့  လို့  စိစပ် ဆွီးနွီးဖို့  လာလတ်ပါဆိုကေ မဆွီးနွီးဘဲ နီလိုက်ရပါဖို့ လား ဆိုစော်ပါရာဒေ။ ဒေကနိ မျက်မှောက်ကာလမှာ နိုင်ငံရီး အခြီအနိတိတော်လှန်ရီး သီအိုရီတိ ကောင်းကောင်းကြီး ပြောင်းလဲ လားနီပါဗျန်ကာ။ မဟာဗျူဟာ မပျောက်စီဘဲ နည်းဗျူဟာတိကို အမျိုးမျိုး ချပြပနာ လုပ်ကတ်ရစော်ကအများကြီးပါရာ။ ယေဇူးနင့် နည်းဗျူဟာ တခုကို ကျင့် သုံးဖို့  စော်မှာအခက်အခဲ တိ ဖြိုက်နိုင်စရာ တခုချေကိုကား မမြင်မိပါထော။
ရခိုင်တော်လှန်ရီး အဖွဲ့ တိမှာ ဒေပိုင်အောက်သားအစိုးရနင့်မဆွီးနွီးလို့  ဆိုကေ အားလုံးသော သုံးဖွဲ့ စလုံးက မဆွီးနွီးကေ ဗြီးလားဖို ထင်ပါယင့်လား။ မဗြီးပါသိဒေ ။ ရခိုင်ပြည်အတွက် လက်နက်ကိုင် ခေါ်တော သမိုင်းလိမ် ကုလား အဖွဲ့ တိက ဟိနီပါရေ ဒေ။ သူရို့ တိက အပစ်အခတ် ရပ်စဲရီးနင့် ငြိမ်းချမ်းရီး ဆွီးနွီးပွဲ လုပ်ဖို့ ဆိုကေ ဇါပိုင် လုပ်ကတ်ပါဖို့ လေး ချင့်။ ရခိုင်ပြည်ကို ကိုယ်စားပြုရေ လက်နက်ကိုင် တော်လှန်ရီး ပါတီတိက တခုချေလေးသွင့် မလုပ်ခကေ ရခိုင်ပြည်ကို ကြံနီရေ ကုလားတိုင်သားက အိမ်ရှင်လုပ်ပနာ လားခကေ ဇါပိုင် လုပ်ကတ်ပါဖို့ လေးယေ။ ကုန်ခရေ တပါတ်လောက်က ဆော်ဒီအာရေဗျနိုင်ငံ ဂျီဒတ် မြို့ မှာသံအမတ် ဦးခင်ဇေါ်ဝင်းကို ဧည့်ခံ ထမင်းကျွေး ပွဲ ပြုလုပ်ပနာ သူရို့  လူမျိုးတိကို မှတ်ပုံတင် ပီးဖို့ စော်နင့် မြန်မာစာသင်ကျောင်း တကျောင်း ဖွင့်လှစ် ဖိုတောင်း ဆိုခကတ်ပါသိရေ ယေ။ ဒေချင့်ကို သတိ ထားရပါဖို့  ဒေ။ ကောင်းကောင်းကြီး အန္တရယ် ဟိစော်ပါရာ မနား။ အခုအချိန်မှာ ရခိုင်ပြည်ကိုကိုယ်စာြး့ပုရေ လက်နက်ကိုင် တော်လှန်ရီးအဖွဲ့က ရခိုင်ပြည်သူလူထု ရှေ့မှာ မားမားမတ်မတ် ရပ်ပြဖို့  လိုပါရေဒေ။ မဟုတ်ကေတော့ခါ ရခိုင်လူမျိုးတိမှာ ရခိုင်လူမျိုးကို ကိုယ်စားပြုရေ လက်နက်ကိုင် အဖွဲမဟိဘဲ ဖြိုက်နီပါဖို့ ဗျန်ဒေ ။ ယင်းပိုင် မဟိရေအပြင် ကုလားတိက ကြားက ၀င်ပနာ လုပ်လား လီဖို့ စော်ကို သတိပြုရပါဖို့ ယေ။
အပစ်အခတ် ရပ်စဲရီးနင့် ငြိမ်းချမ်းရီး ဆွီးနွီးဖို့  အချက်အလက်တိ ရခိုင်ပြည် လွပ်မြောက်ရီးပါတီမှာ အပစ်အခတ် ရပ်စဲရီးနင့် ပတ်သက်၍ ဆွီးနွီးဖို့ ဆိုကေ လက်နက်ကိုင် ပါတီဖြိုက်လို့  ကျွမ်းကျင်ဗြီးသားပါရာယေ။ အရီးကြီးစော်တခုမှာ နိုင်ငံရီး ဆွီးနွီးပွဲ ပါရာဒေ။ ယင်းပိုင် ဆွီးနွီးချက်တိထဲမှာ ရခိုင်ပြည်သူ လူထုတိကဆုံးရှုံးနီသော လူ့အခွင့်အရီးပြသနာတိနင့် ဒေကနိ ခံစားဖြိုက်ပျက်နီရေ မျက်မှောက် ကာလ လူမှူရီးအခြီအနီတိပါကာ။ ဒေပိုင်စော်မျိုးကို ငြိမ်းချမ်းရီး ဆွီးနွီးရေ အဖွဲ့ ကဆွီးနွီးပွဲမှာ ကောင်းကောင်းကြီး တင်ပြလို့  ရပါရေ ကာ။ ပြည်သူလူထုနင့်တွိဆုံပွဲ လုပ်တေအခါ ကောင်းကောင်းကြီး လုပ်လို့ရပါရေ ၀ါ။ ပြောစရာတိအများကြီး ဟိကတ်စော်ပါရာမနား။ ဒေပိုင် ရခိုင်ပြည်သူလူထုကို တွိဆုံရေအခါ အမျိုးသား နိုင်ငံရီးတရား ဟောပြောခွင့်ရခကေ မျိုးဆက်သစ် ရခိုင်သားတိမှာ နိုင်ငံရီး အသိတရား အများကြီး ရကတ်ဖို့ ပါကာ။ မဖြိုက်နိုင်ရေ ငြိမ်းချမ်းရီး လုပ်ကတ်စော်မှာဖြိုက်နိုင်ခြီ တခုက နိုင်ငံရီး မျက်စိအမြင် ကျယ်လား ဖို့ စော်ပါဒေ။ ယင်းပိုင် နိုင်ငံရီး မျက်စိ အမြင် ကျယ်လားခကေ မျိုးဆက်သစ် တော်လှန်ရီးသမားတိ အများကြီး ပေါ်ပေါက်လာပါဖို့စော်ပါရာ။ ယေဇူးနင့်ရခိုင်ပြည်သူ လူထုပါးက သတင်းအချက်အလက်တိ နင့် ပြည်သူကို ကိုယ်စားပြုပနာငြိမ်းချမ်းရီး ဆွီးနွီးပွဲကို လုပ်ရဖို့ လို့  ထင်ပါရေဒေ။ ယေမှရာတော်လှန်ရီး မျိုးဆက်သစ်တိက အောင်ပွဲ တခုကို အနီးကပ်မြင်လားကတ်ပါဖို့ ဒေ။
ခိုင်အောင်ကျော် ( နယူးယောက် )