မြန်မာနိုင်ငံဖက်ကော့သောင်းမြို့ကနိန်ပြီး ထိုင်းနိုင်ငံမှတဆင့် မလေးသျှားသို့တက်လာရေ ရခိုင်သား တယောက် ကံကြမ္မာက မတွေးဝံ့စရာဖြစ်ရပ် တခုပါ။ ကောင်းကောင်းကြီးရက်စက်နိန်ရေ ထိုင်းပွဲစား လောက လုံးဝလက်ခံနိုင်စရာ အကြောင်းမဟိပါ ။ ဇန်နဝါရီ လဆန်းပိုင်း နှစ်ရက် သုံးရက်လောက်က မလေးသို့လာသောရခိုင်သား (ကျောက်တော်မြို့နယ်သားလို့သိရ) တယောက်စော်လမ်းခရီးမှာ ကိုယ်ပိုင်အဝတ်အစားထည့်ပြီးအိတ်တလုံးပါလာပါရေ ။ ယင်းလူတက်လာစော်မှာ ပွဲစားစရိတ်ကို အကျီပီးပြီးတက်လာစော်လို့သိရပါရေ ။ လမ်းခရီးအဆင်ပြေရေးအတွက် အပိုဆောင်းဖေ့သာတိကို လေးယူလာရေလို့သိရပါရေ ။ ကျူံဖော်ကိုရောက်တေခါ အိတ်ကို ပွဲစားတိက မွှေပါရေ ။ ယင်းခါ ယင်းလူတွင်ပါလာသောအပိုဖေ့သာတိကို ပွဲစားတိက ယူပါရေလတ် ။ ယင်းချင့်က စဖြစ်တေ ပြသနာ လို့ပြောပါရေ ။ ယင်းနိန်ရာမှာ (တောထဲမှာဖြစ်နိုင်ပါရေ) ရခိုင်သားက မင်းရို့ကိုပွဲစားခ အကျေပီးပြီး ယာ၊ ငါ့မှာပါရေ ဖေ့သာတိကို မင်းရို့မယူဂေ့လို့ပြောလိုက်စော်နန့် အလိုက်သင့်ပါလာရေတုတ်နန့် အချက်ပေါင်းမြောက်များစွာ ရိုက်ပြီးဂေ ယင်းနိန်ရာမှာပင် ဓားနန့်ထိုးသတ်ပစ်တယ်လို့ မျက်မြင် တဦးက သတင်းပီးလာပါရေ ။ ယင်းမျက်မြင်တဦးစော် အခုမလေးသျှားကိုရောက်ဟိနိန်ပါယာ ။ မလေးသျှားရခိုင်လူမှုအထောက်အကူပြုပီးရေ ယုံးမှာလာရောက်တည်းခိုနိန်ပါရေ ။
ယင်းပိုင်အခင်းဖြစ်နိန်ချိန်မှာ ကျန်ရေလူတိက ဇာတခုလေးလှုပ်လို့မရကြောင်း ၊ ဝမ်းနည်းစွာနန့် ကြည့်နိန်ခရရေ အကြောင်း ၊ ယင်းပိုင်ဖြစ်လို့ မကြာခင်မှာ ရခိုင်သားပွဲစားတိက ထမင်းဘူးယူလာပီး ရေအချိန်နန့်တိုက်ဆိုင်နိန်ကြောင်း သိရပါရေ ။ ရခိုင်သားပွဲစားတိရောက်လာရေအချိန်မှာ အားလုံး လက်လွန်နိန်ပါယာလို့ပြောပါရေ ။ ယင်းပိုင်ဖြစ်စော်မှာ ကျန်ရေလူတိက ကြောက်စိတ်ဝင်လာစော် ကတကြောင်း ၊ ဇာတခုလေး လက်တုံ့မပြန်နိုင်စော်ကတကြောင်း အကြောင်းအမျိုးမျိုးကြောင့် အလောင်းကိုကြည့်ပနာ ဝမ်းနည်းပတ်လက်ဖြစ်ခရပါရေလို့ သတင်းပီးပို့လာပါရေ ။
အခုလက်ဟိမလေးကိုရောက်နိန်သောလူနန့် သီဆုံးလားရေလူစော် ကျုံဖော်လှေဆိပ်မှာရာ စတင် သိဟိစော်ရာဖြစ်ကြောင်း ၊ ဇာကလေးလို့မိတ်ဆက်စော်မှာ ကျောက်တော်မြို့နယ်မှ ဖြစ်ကြောင်း ကို ပြောပြခရေလို့သိရပါရေ ။ ယင်းအခင်းဖြစ်တေနိန်ရာမှာ ပင် ထိုင်းပွဲစားများနန့် ရခိုင်သားပွဲစားများ က အလောင်းကိုဖျောက်ဖျက်ဖို့တိုင်ပင်နိန်ကြောင်းကိုလေး ကြားခရပါရေလို့ သတင်းရဟိပါရေ ။ ယင်းပိုင် ဖြစ်လားစော်နန့်ပတ်သက်ပြီး ကျုံဖော်ဟိ ရခိုင်သားအဖွဲ့အစည်းများနန့် ရခိုင်သားများကို သတင်းပီး စီလိုပါကြောင်း ၊ ဇာသူဖြစ်တေ ဇာရွာကလည်းဆိုစော်ကို ဆွေမျိုးအသိုင်းအဝိုင်းတိက စုံစမ်းပီးဖို့ လိုအပ်ကြောင်း ၊ မလေးသျှားတွင် ဆွေမျိုးအသိုင်းအဝိုင်းဟိပါက ဇာပွဲစားနန့်တင်စော်လည်း စရေ သတင်းတိကိုဖော်ထုတ်ပီးဂတ်ပါလို့ သတင်းပါးလိုက်ပါရေ ။ အသီးစိတ်သိလိုပါက ကွာလာလမ်ပူ မြို့ထဲယုံး (ရခိုင်ယုံး) တွင်စုံစမ်းနိုင်ပါကြောင်း အကြောင်းကြားပီးပါရေ ။
မျိုးကြီး
လေးဝတီဝိုင်းတော်သား
6.1.2012 (သောကြာ)