စကားပျိုး
. မင်းရာဇာကြီးလက်ထက်ရခိုင်ဗုဒ္ဓသာသနာ
မိတ်ဆက်ကိုရီးရေအခါ မင်းရာဇာကြီးမတိုင်ခင်ရခိုင်ဗုဒ္ဓသာသနာကို မင်းရာဇာကြီးစာတမ်းပါတွိဟိချက်အချို့  ကို ဖော်ပြခပါရေ ၊အဂုတစ်ခါ မင်းရာဇာကြီးလက်ထက်ရခိုင်ဗုဒ္ဓသာသနာကိုစာတမ်းမှာပါရေအတိုင်း ဖော်ပြ လားပါမေ။ မင်းရာဇာကြီးပဲခူးသို့ ချီတော်မူရာမှာအပြန် ဂါမ၀ါသီပွဲကျောင်း ရဟန်းတိက အဦးအမြှောက်ကို ခံလိုကြောင်း ၊တစ်ဦးနန့် တစ်ဦး ငြိုငြင်ကြောင်း ၊လှူလို့ ရရေပစ္စည်းတိကို ရောင်းချစုဆောင်းကြောင်း ၊ရွာသား တိအပ်တေပစ္စည်းတိကိုလက်ခံကြောင်းကို ကြားရရေအတွက်အမိန့် ထုတ်ပြန်ရေ။ ယင်းယှင့်မှာ ပါစွာတိက ကောင်းကောင်းစိတ်ဝင်စားဖို့ ကောင်းရေ ။နိုင်ငံတော်အတွင်း ဂါမ၀ါသီတိရေ လူတိနန့် ရောနှောနီထိုင်ကတ်တေအလဇ္ဇီသျှင်ယောင်တိကို ကိုယ်ရံကြီး မဟာဇေယျသိန်ကသိမ်းယူပြီးကေ လက်ဝဲနံ လက်ယာနံမှာ ခြင်သိရုပ်ထိုးပနာ သင်ကိုယ်ရံမှာ ဖြည့်ပါရေ ။အရည၀ါသီပုဂ္ဂိုလ်တိမှာ တိစီဝရိတ်ဆောင်မူမြဲ ငြိမ်သက်စွာသီတင်သုံးစီလို့ အမိန့် ချပါရေ။ ပဲခူးကယူလှာရေစာ ၊ဟိရင်းကျမ်းစာတိရေ ဘုရားစကားတော် ပါဠိတစ်လုံးမှာတစ်ထောင်များအောင် ပွါးထားစာကျမ်းတိဖြစ်တေ အတွက် အကျော်အဇောလိုလို့ သျှင် လူတိပြုလုပ်တေကျမ်းစာတိလေးဟိရေ။ လက်ခုပ်ပွင့်နန့် ကတိုး ဆီအတူထားကေလက်ခုပ်ပွင့် အနံ့ ကြောင်းကတိုးဆီပျက်တေပိုင် ဘုရားစကားတော်ရင်းပိဋကတ်သုံးပုံလေးပျက်စီးနိုင်ရေ။ လုပ်တရားတိနန့် ပြုလုပ်တေကျမ်းစာတိကို ကိုရံကြီးအမတ်ဇေယျသိန်ကကုန်စင်အောင်သိမ်းပြီးကေ ဓမ္မသာမိဆရာတော်နန့်  ဖတ်နာကြည့်ဟြုပြီးကေစစ်ဆီးစီပါရေ ။ ဘီးတော်သူရိယာ ဓိပတိ မင်းသန့် သျှင်းထားခရေမဏမသုတ် ကျမ်းအထွက်အတိုင်း သီဟိုဠ်မှသုံးကြီမ်ကူယူရေ. ပဏာမသုက်နန့် ဟိရင်းပနာမ သုတ်မထူးခြားဘဲတစ်သံတည်ထွက်တေ ပဏာမုတ်ထွက်နန့် ညီရေအကွဲလွဲသမျှသံဂါယနာတင်ကျမ်းမဟုတ် နောက်လုပ်ကျမ်းတိဖြစ်တေ လို့ သတ်မှတ်ပါရေ။
(ဂါးကြော ၊ကြောင်း ၈မှဃ ၀မ်းကြောင်း ဂ ထိမှ )
ဧစွာကိုကြည့်ကေ မင်းရာဇာကြီးခေတ်ကရခိုင်သာသနာရေမျက်မှောက်ခေတ်ထေရ၀ါဒထက်ထေရ၀ါဒ ဖြစ်တေလို့ ဆိုရမေပင်။
ဒေသနာကြား (အာပါတ်ဖြေ)စွာနန့် ပတ်သက်၍
ပိဋကတ်သုံးပုံမှာလေး ဘုရားသျှင်၏ ပညတ်တော်ကို ကျူးလွန်မိကေ အာပါတ်ဖြေ (ဒေသနာကြား) လိုက်တေအခါ အာပတ်မှလွတ်မြောက်တေဆိုစွာကိုလက်မခံပါ။ အပြစ်ကျူးလွန်ပြီးကေ အာပတ်ဖြေလို့ အာပတ်စင်ကြယ်လားရေဆိုစွာမှာ ဟိန္ဒူတိအယူနန့် တူရေလို့ ဆိုထားပြန်ပါရေ ။ဟိန္ဒူတိမှာ အပြစ် ကျူလွန်မိကေ ဂင်္ဂါမြစ်မှာရီချိုကေအပြစ်ပြယ်ပျောက်လားရေဆိုစွာနန့် တူပါရေလတ် ။ဘုရားရို့ ဓမ္မတာ စကားနှစ်ခွန်းမဆိုတတ် တစ်ခွန်းတည်းရာဆိုတတ်တေ ။ဒေသနာကြားလို့ အာပတ်မှထမြောက်တေ ၊စင်ကြယ်ရေဆိုစွာ ပုထုဇဉ်တိပြုလုပ်တေစကားရာဖြစ်တယ်။မူရင်းစကားတော်နန့် ဆန့် ကျင်ဘက် ပါစွာတိကိုနှုတ်၊ဘုရားဟောတော်မူရင်းကိုသီးသန့် ထား(ဃ .ကြော၊ကြောင်၁ မှ ကြောင်း၃ ထိ)ဆိုထားစွာကိုတွိရပါရေ ။ လက်ဟိပိဋကတ်လာအာပတ်ဖြေမှု
မင်းရာဇာကြီးစာတမ်းပါအဆိုအရအာပါတ်ဖြေစွာရေ ဘုရားဟောမဟုတ် နိုင်ဘုရား ရေတစ်ခွန်း တည်းရာ ပြောရေနှစ်ခွန်းမပြော၊အာပတ်ဖြေစွာဟိန္ဒူ တိမှာအပြစ်လုပ်ကေ ဂင်္ဂါရီနန့် သန့် စင်ကေ အပြစ်ပျောက်တေ အယူ အဆမျိုးဆိုပြီးကေ ငြင်းဆိုစွာဖြစ်ပါရေ ။ မြန်မာနိုင်ငံမာလက်ဟိ အတည်ပြုလက်ခံထား ရေပိဋကတ် ရေပဉ္စမသံဂါယနာကနီးပနာ ဆဌသံဂါယနာသို့ ကူးပြောင်းလာရေပိဋကတ်ဖြစ်တေဆဌမူရေမူကောင်းမူသန့် ဖြစ်တယ် မြတ်စွာဘုရားဧနှုတ်ထွက်ဒေသနာ အဖြစ်လက်ခံထားစွာကိုတွိရပါရေ ။ဆက်လက်ဖော်ပြပါမည်။