အခန်း (၁)
ရခိုင်သဘာဝတေးကဗျာစပ်နည်းစပ်ဟန်ကို လေ့လာသူ သိဟိရအချက်များ
လူပေါ်စခေတ်ကတည်းကပင် တေးကဗျာများလည်းဆင်းသက်လာပါသည်ဟု ဆိုလီသည်။ စာပီထက်
ကဗျာကရှေးကျပါသိမ့်၏။ ဇာကြောင့်ဆိုသော် မွီးဖွားစကပင် မိခင်သည်
တေးကဗျာကိုဆို၍ အချေကိုချော့သည်။ မအိပ်,အိပ်အောင်သိပ်၍ အိပ်ပျော်စီသည်။
ယင်းသို့ကဗျာဖြင့် မွီးမြူလာရခြင်းဖြစ်သည်။
မှတ်ချက်။ ။ကဗျာစပ်ရာ၌ ကာရန်နောက်သို့ဂျည်းလိုက်၍ မရေးစပ်သင့်။ အဓိပ္ပါယ်နောက်သို့လိုက်၍သာ ကာရန်ကိုယူ၍ ရီးစပ်သင့်ပါသည်။
ဥပမာ။
(၁) ကာရန်သာစပ်၍ အဓိပ္ပါယ်မစပ်ခြင်းမျိုး။
(၂) အဓိပ္ပါယ်သာစပ်၍ ကာရန်မစပ်ခြင်းမျိုး။
(၃) အဓိပ္ပါယ်လည်းမစပ် ကာရန်လည်းမစပ်ခြင်းမျိုး။
(၃) အဓိပ္ပါယ်လည်းစပ် ကာရန်လည်းစပ်ခြင်းမျိုး။
ဤလေးမျိုးရို့တွင် နံပါတ်(၁)အမျိုးအစားသည် ကဗျာလေ့လာသူများအတွက်သာ
အသုံးပြုသင့်သည်ဆို၏။ (၂) နှင့် (၃) အမျိုးအစားကိုကား မသုံးသင့်ဟူ၏။ (၄)
အမျိုးအစားကိုကား ကဗျာရေးစပ်သူတိုင်း ပိုင်ပိုင်ကျင့်သုံးလားရမည်ဖြစ်သည်။
ယင်းသို့ကျင့်သုံးရန်မှာ-
(၁) လိုအပ်သောစကားလုံးအတွက် ကာရန်ရအောင် ရှာနိုင်စွမ်းဟိရမည်။
(၂) ရဟိလာသောကာရန်ကို လိုအပ်သောအဓိပ္ပါယ်သို့ အံဝင်အောင်အသုံးပြုနိုင်စွမ်းဟိရမည်။
ရခိုင်သဘာဝတေးကဗျာများဖွဲ့စည်းစပ်ဟပ်နိန်ပုံ ပုံသဏ္ဍာန်ကိုသိသာရန်အချက်များ
ကျွန်ုပ်လေ့လာသိဟိသလောက် ရခိုင်သဘာဝတေးကဗျာများတွင်-
(၁) ရခိုင်ဒေသန္တရသုံး စကားသံကာရန်ကိုအသုံးပြုများခြင်း၊ စကားပြောပုံစံမျိုးသီကုံး ခြင်းများပါဝင်ခြင်း။
(၂) ကာရန်အချိန်၊အဆက်၊ ကာရန် သွယ်စပ်ပုံ၊
ထပ်ပုံနည်းအများအပြားချဲ့ထွင်ပါဝင် သုံးထားခြင်းကြောင့် ကာရန်ယူရန်လွယ်၍
ကာရန်ယူပုံလွတ်လပ်ခြင်း။
(၃) သီဆိုကောင်းရန် အစပ်အဟပ်မျိုးဖြစ်ခြင်း။
(၄) သီဆိုကောင်းရန်အတွက် အသံနိန်အသံထားမျိုးစပ်ဆိုပါဝင်စီခြင်း။
(၅) အသံအနိန်အထား တမျိုးတည်းထွက်လျှက် နားညိန်းဖွယ်စီမှုမဖြစ်စီရဘဲ
(အသံ)အမျိုးမျိုးထွက်ပေါ်လာအောင် သံနိန်သံထားမျိုးဖြင့်စပ်ဆိုထားခြင်း။
(၆) စပ်နည်းစပ်ပုံများမှာ ရခိုင်သခြင်းစပ်ပုံဟန်၊ ရခိုင်သံချပ်စပ်ပုံဟန်၊
တုံး (ဒုံး)ခြင်းများစပ်ဟန်များ ဆင်တူသောစပ်ဟန်
အမျိုးမျိုးရောနှောဖွဲ့စည်းပါဝင်ခြင်း။
(၇) နည်းစနစ်ရလျှင် လွယ်ကူသောစပ်နည်း မျိုးဖြစ်စီခြင်း။
အခန်း (၂)
သာခြင်းကဗျာစပ်ရန် ကာရန်များ
သာခြင်း၊ ကဗျာစပ်၊ လင်္ကာစပ်ဆိုရာ၌၊ အစပ်၊ အဆက်အသုံးပြုသောကာရန်များကိုလည်း သိရန်လိုအပ်သည်။ ရှိဆရာရို့က-“ကာရန်ဆဲ့တစ်၊ သတ်ဆစ်ဆယ်ပါး၊ သုံးဆယ့်ငါးနှင့်၊ တခြားဆယ့်ခြောက်၊ အကျည်းထောက်၍၊ ခြောက်ဆယ်လေးသွယ်၊ ကာရန်ကျယ်၏” ဟုစပ်ဆိုခြင်းပြုထားကြ၏။ ယင်းအဆိုအရ ခွဲပြသိသာနိုင်၏။
ကာရန်အမည်နှင့် ရေတွက်ပုံအကျည်း
(က) ကာရန်ဆဲ့တစ်ကား-အ,ကာရန်၊ ဣ၊ ဥ၊ ဧ၊ အဲ၊ သြ၊ အိပ်၊ အောက်၊ အိုက်,ကာရန်ရို့ဖြစ်ကြသည်။
(ခ) သတ်ဆစ်ဆယ်ပါးကား-က,သတ်၊င၊ စ၊ ည၊ တ၊ န၊ ပ၊ မ၊ ယ၊ ဝ,သတ်ကာရန်ရို့ဖြစ်ကြသည်။
(ဂ) သုံးဆယ့်ငါးပါးနှင့်ဟူသည်ကား- အ,ကာရန္တာဒိ၊ ဣ၊ ဥ၊ ဧ၊ အဲ၊ သြ၊ အက်၊ အင်၊ အစ်၊ အည်၊ အဉ်၊ အတ်၊ အန်၊ အပ်၊ အမ်၊ ဝ,သတ်၊ အိုကာရန္တာဒိရို့ဖြစ်ကြသည်။ (အဂုအခါ (ဝ်) ဝ,သတ်ကိုအသုံးမပြုကတ်ဗျာယ်။)
၎င်းလေးမျိုးအနက် နောက်ဆုံးအကျဉ်းကောက်ကာရန်(၁၆)ပါးကိုအကျယ်ရေတွက်လိုက်လျှင် (၆၄)သွယ် ကာရန်ဖြစ်လာသည်။ အေထက်အကျယ်ဆုံးကာရန်ဟူ၍ကား မဟိပါဗျာယ်။
(က) (ခ)အက္ခရာနှစ်မျိုးကိုပါပေါင်း၍ရေတွက်လျှင်လည်းအကျယ်ရပါသည်။
(ဃ) အကျည်းကောက်ကာရန်(၁၆)ပါး၏ (၆၄)သွယ်ကာရန်ကျယ်ရေတွက်နည်း
ကာရန်အမည်------------------အကျယ်ကာရန်များ--------------------------လုံးရေပေါင်း
၁။ ။ အ,ကာရန္တာဒိ---------------အ. အာ. အား---------------------------------၃
၂။ ။ ဣ,ကာရန္တာဒိ---------------ဣ. ဤ. အီး----------------------------------၃
၃။ ။ ဥ,ကာရန္တာဒိ----------------ဥ. ဦ. ဦး--------------------------------------၃
၎။ ။ အေ,ကာရန္တာဒိ-------------အေ. အေ့. အေး-------------------------------၃
၅။ ။ အဲ,ကာရန္တာဒိ---------------အဲ. အဲ့. အဲး-----------------------------------၃
၆။ ။ သြ,ကာရန္တာဒိ---------------အော. အော့. အော်---------------------------၃
၇။ ။ အက်,ကာရန္တာဒိ------------အက်. အောက်. အိုက်-------------------------၃
၈။ ။ အင်,ကာရန္တာဒိ-------------အင်. အင့်. အင်း.အောင့်. အောင်.
----------------------------------အောင်း . အိုင်. အိုင့်. အိုင်း-------------------၃
၉။ ။ အစ်,ကာရန္တာဒိ--------------အစ်------------------------------------------၁
၁၀။ ။ အည့်,ကာရန္တာဒိ-----------အည်. အည့်. အည်း (ဖွင့်၍ရွတ်ရသည်)------၃
၁၁။ ။ အဉ်,ကာရန္တာဒိ------------အဉ်. အဥ့်. အဉ်း (ပိတ်၍ရွတ်ရသည်)---------၃
၁၂။ ။ အတ်,ကာရန္တာဒိ-----------၁။ (အံ+အန်) ၂။ (အံ့+အန့်) ၃။ အန်း
----------------------------------၄။ အိန် ၅။ အိန့် ၆။ အိန်း ၇။ အုံ+အုန်)
-----------------------------------၈။ (အုံ့+အုန့်) ၉။ (အုံး+အုန်း)--------------၉
၁၃။ ။ အပ်,ကာရန္တာဒိ------------အပ်. အိပ်. အုပ်------------------------------၃
၁၄။ ။ အမ်,ကာရန္တာဒိ------------အမ်. အမ့်. အမ်း၊ အိမ်. အိမ့်. အိမ်း
----------------------------------အုမ်. အုမ့်. အုမ်း----------------------------၆
၁၅။ ။ အို+အိုင်-------------------(အို+အိုင်) (အို+အိုင့်) (အိုး+အိုင်း)----------၃
အကျယ်အားဖြင့်လုံးရေပေါင်း (၆၄)
အသံမတြာ
အသံ ၄ မျိုး
၁။ ။ တက်သံ
၂။ ။ သက်သံ
၃။ ။ နှိမ့်သံ
၎။ ။ တိုင်သံ
၁။ တက်သံမှာ-ဝိသဇ္ဇနီ-ရှိဆီးဝစ္စပေါက်နှစ်လုံး၊ အောက်မြစ် မပါသောအသံဖြစ်သည်။
၂။ သက်သံမှာ- အောက်မြစ်ပါသော အသံဖြစ်သည်။
၃။ နိမ့်သံမှာ- ဝိသဇ္ဇနီ-ရှိ်ဆီး-ဝစ္စပေါက်ပါသော အသံဖြစ်သည်။
၎။ တိုင်သံမှာ- သံတိုအသတ်ဖြစ်သော “က်၊ စ်၊ တ်၊ ပ်” ပါသည့်အသံဖြစ်သည်။
တိုင်သံကို “ဥဒကစီက” ဟူ၍တွင်သည်။ ဤအသံမှာ ပကတိမူလအသံဖြစ်သည်။ နှိမ့်၍မြှင့်၍လည်းမရသော သံရပ်သံဖြတ်လည်းဖြစ်သည်။ တက်သံနှင့် နှိမ့်သံနှစ်ရပ်ရို့၏အကြားသံဖြင့် ရွတ်ဆိုရလီသည်။ ထိုကြောင် သံမှန်၊ သံလပ်စသည် ဖြင့်ခေါ်ဝေါ်ကြသီး၏။
ယင်းနှင့်ကဗျာစပ်ဆိုရာ၌ ငြိမ့်ညောင်းစွာသီဆိုနိုင်ရန် အသံအတိုအရှည်ကို အလှည့်အလှည် သုံးစီခြင်း၊ တစ်ပါဒထဲ၌ အသံတမျိုးတည်းမစပ်ဘဲ ဆွဲချည်တလှည့်၊ ချချီတဟန်၊ အတက်အဆင်း၊ လှိုင်းတွန့်ညီညာ သာယာစွာသီဆိုနိုင်စီရန်စပ်ဆိုကြကြောင်း သိစီအပ်ပါသည်။
အသံလေးမျိုးပြဇယား
လုံးရေ-၁။ သက်သံ(တို)----၂။ တက်သံ(ရှည်)-------၃။ နိမ့်သံ(ရှည်လွန်း)----၄။ တိုင်သံ
၁။------- အ-----------------အာ---------------------အား---------------------အက်
၂။--------အိ-----------------အီ----------------------အီး----------------------အောက်
၃။--------အု-----------------အူ----------------------အူး----------------------အိုက်
မှတ်ချက်။ “အက်,အောက်,အိုက်” ရို့သည် “က” သတ်။
၎။-------အေ့(ဧ့)------------အေ(ဧ)------------------အေး(ဧး)-----------------အစ်
၅။-------အဲ့(အယ့်)----------အဲ(အယ်)----------------အဲး-----------------------အစ်
၆။-------အော့(သြော့)-------အော်(သြ)---------------အေား(သြး)--------------အစ်
မှတ်ချက်။ “အစ်” သည် “စ”သတ်။
၇။--------အည့် -------------အည် -------------------အည်း
၈။--------အဥ့်---------------အဉ်---------------------အဉ်း
၉။--------အင့်---------------အင် -------------------- အင်း ---------------------အတ်
၁၀။-------အောင့်------------အောင်------------------အောင်း-------------------အိတ်
၁၁။-------အိုင့်---------------အိုင်---------------------အိုင်း----------------------အုတ်
မှတ်ချက်။ “အတ်,အိတ်,အုတ်” ရို့သည် “တ” သတ်။
၁၂။-------အန့် ---------------အန်---------------------အန်း
၁၃။-------အိန့်----------------အိန်---------------------အိန်း
၁၄။-------အုန့်----------------အုန်---------------------အုန်း---------------------အပ်
၁၅။-------အမ့်----------------အမ်---------------------အမ်း
၁၆။-------အိမ့်----------------အိမ်---------------------အိမ်း---------------------အိပ်
၁၇။-------အုမ့်----------------အုမ်---------------------အုမ်း---------------------အုပ်
၁၈။-------အို့------------------အို----------------------အိုး
(အာ့,အိ့,အူ့)
မှတ်ချက်။ “အပ်,အိပ်,အုပ်” ရို့သည် “ပ” သတ်။
အခန်း (၃)
ရခိုင်သာခြင်းစပ်ဟန်များ (၁)
တစ်ပါဒခေါ် တပိုဒ်ကို အက္ခရာလေးလုံးစီ သတ်မှတ်ထားသည်။ ပါဠိသဒ္ဒါကျမ်းရို့၌ကား ထိုသို့သတ်မှတ်မှုမဟိချေ။ အက္ခရာအပေါင်းကို “ပဒ” ဟူ၍သာ ဆိုလီသည်။ “ပဒ”အပေါင်းကို ဝါကျ (စကားခွန်း) ဟူ၍ဆိုသည်။ ထိုကြောင့် လေးလုံးတပါဒမှာ ထိုဖွဲစပ်နိန်သော စာပိုဒ်ကိုလိုက်၍ သတ်မှတ်ခြင်းသာဖြစ်သည်။
ယင်းသို့လေးလုံးတပါဒကို တပုဒ်ကျစီကုံး၍ ပါဒပေါင်း များစွာဖွဲ့စပ် ဆက်စပ်ထားခြင်းကို စာပိုဒ်ဟုခေါ်တွင်လီသည်။ အကြောင်းအရာတခုလုံးကို ယင်းသို့တပိုဒ်သီးသီးဖြင့် သီကုံးလျှင် “ဧကပိုဒ်” ဟုခေါ်သည်။ ပိုဒ် ပိုဒ်ပြု၍စီကုံးလျှင် “ပိုဒ်”စုံမည်လီသည်။ ယင်းသို့စပ်ရာ၌ ဖော်ပြပါသုံးပါ၏ကာရန်တစုံယူပုံမှာ အေက်ပါအတိုင်းဖြစ်လီသည်။
(က) အကြွင်းထားပေ၊ စကားနေသော်၊ ကြားလေသသူ (၄-၃၂)
(ခ) ဗောဓိမဏ္ဍိုင်၊ ခန်းဝါပိုင်ကေ၊ ချက်ရိုင်ပြည့်စုံ (၄-၃-၂)
(ဂ) တီတီနက္ခတ်၊ ကြံဆုံးဖြတ်၍၊ ပါဒ်ဗဇနာ (၄-၃-၁)
ဤသို့ဥပမာဖော်ပြချက်ကို စာလုံးမည်းဖြင့်ပြထားသည့်အတိုင်း (ပေ-နေ-လေ) စတုတ္ထအက္ခရာနှင့် တတိယအက္ခရာကို၎င်း၊ တတိယအက္ခရာနှင့် စတုတ္ထအက္ခရာကို၎င်း ကာရန် (နေ-ပေ-လေ) ဟူသော “အေ” ကာရန်ဆက်စပ်ထားလီသည်။ အတိုကောက်အားဖြင့် (၄-၃-၂) ဟုမှတ်နိုင်သည်။
သို့သော်ထိုစပ်နည်း (က)တွင် (ကြား-ကား) ကားနှင့်ထားသည် ပါဒအတွင်၌ကာရန်ယူနိုင် ဆက်စပ်နိုင်၊ ထပ်နိုင်သီး၏။ ဤသို့ထပ်နိုင်မှုမျိုးပါသည်ကို “ဝမ်းတွင်းကာရန်” ဟူ၍လည်းခေါ်တွင်လီသည်။ (ခ)စပ်နည်း၌ကား ထိုသို့ဝမ်းတွင်းကာရန်မပါပေ။
ရခိုင်သာခြင်းစပ်ဟန် (၂)
ထို့်ကြောင့် (ခ)နည်းထက် (က)နည်းမှာ ကာရန်နှစ်မျိုးစပ်ဆိုမှုဟိသည်အတွက် ထူးသလိုဖြစ်နိန်သည်။ သို့သော်လည်း အမှန်မှာ သုံးပါဒကာရန်တစ်စုံစပ်နည်းသာ ဖြစ်လီသည်။
(ဂ)စပ်နည်းကား (က္ခတ်၊ ဖြတ်၊ ပါဒ်) ကို “အက်” ကာရန်ဖြင့်ဆက်စပ်ထားသည်။ (၄-၃-၁) စပ်နည်းဟူ၍ အတိုကောက်မှတ်သားထိုက်ပေသည်။
ဤအတိုင်း (၁) –(၄-၃-၂) စပ်နည်း။ (၂) – (၄-၃-၁)စပ်နည်းကျစွာ ကာရန်များ (ကာရန် ၆၄- မျိုးဟိသည်) ဖြင့် စပ်ဆိုလားနိုင်လီသည်။
ကဗျာဖွဲ့နည်းကျမ်းရို့၌ (က) စပ်နည်းကို “မန်းကျဉ်းရွက်ထပ်” ၊ “သုံးချက်ညီနဘီ”၊ “သက်သီနှက်သုံးချက်ညီ” စပ်နည်းဟူ၍ အမျိုးမျိုးပီကြသည်။ (ခ) စပ်နည်းကို “သုံးချက်ညီ”၊ “လွှာချင်းသံ သုံးချက်ညီ” စပ်နည်းဟူ၍ဆိုထားလီသည်။ (ဂ) စပ်နည်းကို “သုံးချက်ညီ ရိုးရိုး” စပ်နည်းဟူ၍ပင် အမည်မှည့်ခေါ်ထားသည်ကို တွိ့နိုင်ပေ၏။
ဤ (က) နှင့် (ခ) နှစ်နည်းမှ ဖြာထွက်၍ (၁) ၄-၃-၂ စပ်ဆိုနည်းကိုခွဲလိုက်လျှင် နှစ်ပါဒကာရန်တစုံစပ်နည်း နှစ်မျိုးထွက်လာလီသည်။ ၄-၃ စပ်နည်း ၃-၂ စပ်နည်း
ဟူ၍ဖြစ်လာသည်။
တဖန် (၂) ၄-၃-၁ စပ်နည်းကိုခွဲလိုက်လျှင် ၄-၃ နှစ်ခုကိုတူရာပေါင်းပြီး၊ ၄-၃၊ ၃-၂၊ ၃-၁ စပ်နည်းဟူ၍ သုံးမျိုးဖြစ်လာသည်။
ထို့ပြင် အောက်ပါကဲ့သို့စပ်နိုင်သည့် (၄-၁) စပ်နည်း (၄-၂) စပ်နည်းမျိုးလည်းရနိုင်သီး၏။
ဥပမာ။
(ဃ) အနာမဲ့ကြောင်း၊ ကောင်းလှူစီချင် (၄-၁)
(င) ဝါဆိုမာသ၊ သုံးလလုံးလုံး (၄-၂)
ဤ(ဃ)နည်းကို “ထိပ်ချင်းတိုက်”၊ “ဦးတိုက်”၊ “တေ့ဆက်”စပ်နည်းဟု အမည်ပီးထားကြသည်။ (င) နည်းကို “ရထားပြီး”၊ “ဘီးလူရယ်”စပ်နည်းဟူ၍ ဆိုထားကြလီသည်။
ယင်းနှင့်ပေါင်းလျှက် နှစ်ပါဒကာရန်တစ်စုံစီယူစပ်နည်းကို (၅) မျိုးရဟိနိုင်လီသည်။ ကဗျာရို့၌ ဤငါးနည်းထက်ပို့၍ မရယာဟုဆိုထားကြလီသည်။
သို့သော်လည်း ရခိုင်စာဆို သာခြင်း၊ ကဗျာ၊ ပျို့စပ်နည်းရို့၌ (၃-၃) စပ်နည်းကိုတွိ့ရသီး၏။
ဥပမာ။
“တုမဟိကေ၊ ကရဝိဖောင်ပျံ၊ ငှက်အသံသို့” ဟူ၍ လှီလှော်သံဖွဲ့ကိုတွိ့ရလီသည်။
“ဇရုံကြီးနန့်၊ သုံးခွက်ပီးမည်၊ တန်တန် (တေးကဗျာ) ”
ထိုကြောင့် ဤနည်းပါဆိုပါက (၆)နည်းရချေမည်။ အားလုံးကိုခြုံ၍ ရခိုင်လိုလေးလုံးပါဒညီ ကာရန်စပ်ဆိုရာ၌ သုံးပါဒကာရန်တစ်စုံယူစပ်နည်း၌ နှစ်မျိုး၊ နှစ်ပါဒ ကာရန်တစ်စုံယူစပ်နည်း၌ (၆)မျိုးအားဖြင့် စုစုပေါင်း (၈) နည်းထိစပ်နိုင်ကြောင်း ထင်ရှားလီသည်။
(က) ပုံကိုဖတ်ရှုပါ
(က) နှစ်ပါဒကာရန်တစုံစီယူ၍စပ်ပုံနည်းပြ
ရခိုင်သာခြင်းစပ်ဟန် (၃)
ရခိုင်သာခြင်းစပ်ဟန် စပ်နည်းထူးခြားချက်
ရခိုင်သာခြင်းစပ်နည်းသည်လည်း ဖော်ပြပါ (၄) လုံးတစ်ပါဒစီ ကာရန်ယူစပ်နည်းနှင့် နှီးနှောလျှက်ဟိသည်။ ထိုကြောင့် ဖော်ပြခပြီးသော စပ်နည်း (ဂ) နည်းပုံစံကိုပင် စပ်ဆိုကြသည်ကို တွိ့နိုင်၏။ ထိုတွင် (၃) ပါဒကာရန်တစ်စုံစီယူနည်းနှစ်မျိုးကိုလည်း လက်မရွှတ်တမ်းစပ်ဆိုကြရာ အနည်းအပါးကို သာဓကပြလို၏။
(ခ) ပုံကိုရှုပါ
(ခ) သုံးပါဒကာရန်တစ်စုံစီယူ၍စပ်ပုံနည်းပြ
သုံးပါဒကာရန်တစ်စုံစီယူစပ်ဟန်များ
(က) ၄-၃-၂ စပ်နည်း
၁။ ဂဏှာဇာလီ၊ ညာမဒီနှင့်၊ သာကီမဟာ (ဝေဿန္တရာသာခြင်းမှ)
၂။ ပညာထွန်းပြောင်၊ မောင်သာအောင်လေ၊ ကြံဆောင်ရုံးစု (ဒမ္မိကသာခြင်းမှ)
၃။ အထူးမမြင်၊ တရပ်ခွင်က၊ တပင်သရက် (လွမ်းမပြေသာခြင်းမှ)
(ခ) ၄-၃-၁ စပ်နည်း
၁။ ဘက်မပေါ်နိုင်၊ စကြာပိုင်၍၊ ပြိုင်သူရှုံးလို့ (ဥဒိန္နသာခြင်းမှ)
၂။ ဝေသန်မဒီ၊ ဆွေသာကီတို့၊ ချီကာလှမ်းကေ (ဝေဿန္တရာသာခြင်းမှ)
၃။ ဒွါရာဝတီ၊ တိုင်းဌာနီသို့၊ ချီလာကြ၍ (ကဉ္ဖနဒေဝီသာခြင်းမှ)
ထူးခြားသော ကြားညှပ်ကာရန်ယူနည်း
ယင်းသို့စပ်နည်းအပြင် အသံချရပ်၍မရနိုင်သလို စပ်ဆိုခြင်းမျိုးရို့၌လည်း ဟိပါသီး၏။ ထိုသို့စပ်ရာ၌ ကာရန်ယူထူးခြားချက်ဟိလီသည်။
(၁) သုံးပါဒတစ်စုံ။ (၂) လေးပါဒတစ်စုံ။ (၃) ငါးပါဒတစ်စုံ ထိလည်းစပ်ဆိုခကြသည်။ ထိုသို့စပ်ဆိုချက်များမှာ ရွတ်ဆိုမှု၏ အသံတန့်ရပ်၊ ဖြတ်နားရာကိုလိုက်၍ စပ်ဆိုခြင်းပင်ဖြစ်၏။ ယခုစပ်နည်းသုံးမျိုး၏ စပ်ဟန်ကာရန်သွယ်နိန်ပုံနည်းကို တစ်ခုစီဖော်ပြရမည်ပင်ဖြစ်၏။
ယခုဖော်ပြလတ္တံ့သောသုံးနည်းစလုံးသည် အခံကာရန်နောက် အလယ်ကြားညှပ်ပါဒပိုများပါဟိ၏။ အခံနှင့် အအုပ်ကြားတွင် ချိန်ခွင်လျှာကဲ့သို့ ဖြစ်နိန်၏။ ချိန်ခွင်လျှာ တစ်ခု၊ နှစ်ခု၊ သုံးခု ထိပါနိန်သည်ဟုဆိုနိုင်၏။ ၎င်းအပြင် ခွ တထောက်၊ နှစ်ထောက်၊ သုံးထောက်ထိဟိနိန်၏။
ပြန်ကာဟပ်လျှက်၎င်း၊ ဇရက်ခုန်ဟန်၎င်း၊ ခြင်္သီးလည်ပြန်ဟန်၎င်း၊ စပ်ဆိုခြင်းလည်းဖြစ်၏။ ကြိုက်တေပိုင်အမည်ပီးကြကုန်။) ထိုကြောင့် မည်သို့အမည်ပီးကြရအံ့နည်း။ တစ်ခွင်လျှာ၊ နှစ်ခွင်လျှာ၊ သုံးခွင်လျှာ ဟူ၍အမည်ပီကြရမည်လော။ သို့မဟုတ် မျှော့တကိုက်စသည်ဖြင့်၎င်း၊ ခွါတစ်ထောက်စသည်ဖြင့်၎င်း၊ တပြန်ကွိ့ကာဟပ်စသည်ဖြင့်၎င်း၊ သမင်လည်တဆစ်ကွိ့စသည်ဖြင့်၎င်း ပီးရအံ့လော။ ကြိုက်တေပိုင် ပီးနိုင်ကြပေသည်။
ရခိုင်သာခြင်းစပ်ဟန် (၄)
ရခိုင်အဖွဲ့အနွဲ့ရို့တွင် လျှိုးလိုက် (သျှိုးလိုက်) ရတုဖွဲ့ပုံဖွဲ့နည်းဖြစ်ကြောင်း “သိန်ကန်မိန်တွင်ချီ” သျှိုးလိုက်ရတုကိုလေ့လာကြည့်က သိနိုင်သည်။
ထူးခြားသော ရခိုင်သာခြင်းစပ်နည်း (၃) မျိုး
စပ်နည်း (၁)
အလယ်တစ်ပိုဒ်ညှပ်သော သုံးပါဒတစ်စုံလိုင်(လည်)ပြန်စပ်နည်း
၁။ ရွက်ဟောင်းညှာကြွီ၊ (ရွက်သစ်နုလို့)၊ ညွန့်ဖူးစီကေ၊ (ဓမ္မဝိဇယသာခြင်းမှ)
၂။ သီတာတရိုး၊ (ကျွတ်ကျွတ်ဆူကေ)၊ ယက်ဖြူမိုးလို့ (သတ္တာနုသာခြင်းမှ)
၃။ လွှဲငင်ကြိတ်ကြိတ်၊ (ညဥ့်ဗဟိုမှာ)၊ သားကိုသိပ်လို့ (ဂုတ္တိလသာခြင်းမှ)
၎။ ဆန်အိတ်ကိုထုတ်၊ (ဘိုးသူတော်လေ)၊ ခုခါလုပ်ကေ (လွမ်းမပြေသာခြင်းမှ)
၅။ မောင်တော်ဘုရား၊ (နှမပျိုကို)၊ လိုပါလောတည်း (လွမ်းမပြေသာခြင်းမှ)
စပ်နည်း (၂)
အလယ်ပိုဒ်ညှပ်သော လေးပါဒတစ်စုံလိုင်(လည်)ပြန်စပ်နည်း
၁။ လွှဲင်ကြိတ်ကြိတ်၊ (မငိုစီလို၊ သီဆိုခြင်းလေ)၊ သားကိုသိပ်လို့ (ပဋာစာရီသာခြင်းမှ)
၂။ နေလတနှုံး၊ (ဘက်မပေါနိုင်၊ စကြာပိုင်၍)၊ ပြိုင်သူရှုံးလို့ (ဥဒိန္နသာခြင်းမှ)
၃။ အမှန်ငါဆိုက်၊ (တကြင်ကြင်လေ၊ နှုတ်တင်ဆက်ကေ)၊ မခက်ဖြစ်လို့ (လွမ်းမပြေသာခြင်းမှ)
၎။ မကြင်လိုက်ရ၊ (မေသုဝဏ်မှာ၊ ရှေးကံဆိုးကေ)၊ ကျိုးမလှလို့ (လွမ်းမပြေသာခြင်းမှ)
၅။ စန္တေရုပ်ပွါး၊ (ဓာသရိကို၊ စေတီသက်ကေ)၊ မြတ်ကိုယ်စား၌ (လွမ်းမပြေသာခြင်းမှ)
၆။ ဣဒ္ဓိတေဇာ၊(ရောင်ခြောက်သွယ်ကေ၊ စွယ်တော်ဖြိုးဝေ)၊လည်ရိုးတော်၏ (လွမ်းမပြေသာခြင်းမှ)
မှတ်ချက်။ ။ ကြားညှပ်ကဗျာကိုလည်း ကာရန်ချင်းစပ်ရန်လိုသည်။ (ဝါ) ဆက်စပ်လီသည်။
စပ်နည်း (၃)
အလယ်သုံးပိုဒ်ညှပ်သော ငါးပါဒတစ်စုံလိုင်(လည်)ပြန်စပ်နည်း
၁။ ပင်ရင်းပင်အောက်၊ (ဝေသန်မဒီ၊ ဆွေသာကီတို့၊ ချီကာလှမ်းကေ)၊ လမ်းတစ်လျှောက်တွင် (ဝေဿန္တရာသာခြင်းမှ)
၂။ မှီကာဝါကပ်၊ (သုတ္တံအဘိဓမ္မာ၊ ဝိနယာဟု၊ သုံးဖြာလာသည်)၊ ပိဋကတ်နှင့် (မယားလုသာခြင်းမှ)
၃။ တိတ်ပါငါ့သား၊ (ခဲဝါမြည်သံ၊ တညံညံကို၊ သက်နှံနားမှာ)၊ မကြားလီလား (ဂုတ္တိလသာခြင်းမှ)
၎။ အာကာစိုးကွပ်၊ (ဆင်ယာည်မြင်းယာည်၊ ရထားယာည်ကို၊ စိုးပိုင်သသည်)၊ လောကနတ်လေ (မယားလုသာခြင်းမှ)
၅။ တောင်ညာစံသီး၊ (မဒုမ္မဏီ၊ စုံအညီလေ၊ ဂုဏ်သိမ့်မြင့်ကေ)၊ မင်းသမီးကို (မယားလုသာခြင်းမှ)
ကာရန်လွပ်စပ်သည်များလေ့လာတွိ့ဟိချက်
ဖော်ပြပါထူးခြားသော (၁) (၂) (၃) စပ်နည်းမှာ ရခိုင်သာခြင်းစပ်နည်းပင်ကိုယ်မူဟန် လည်းဖြစ်သည်။ ရခိုင်မူပိုင်တီထွင်ဆန်းသစ်ချက်ဆိုကလည်း မမှားချေ။
၁။ တောသံလည်းကျူး၊(ဝါယောမေလေ)၊ တောင်လီဖြူးလို့ (ဓမ္မဝိဇယသာခြင်းမှ)
၂။ ကြင်သူယေမရောက်၊ (နှမဖြူလေ)၊ ညှိုးပိန်ခြောက်လို့ (ရာသီဖွဲ့သာခြင်းမှ)
၃။ အပူမမျှ၊ (ငါ့သည်းအူမှာ)၊ ကြုံပြန်ရလို့ (ကော်ကာနုသာခြင်းမှ)
၎။ ဘုန်းကံကြီးငြား၊ (မောင်လုလင်ကေ)၊ ရှင်မင်းသားလည်း (ကဉ္ဖနဒေဝီသာခြင်းမှ)
၅။ ပျော်စရာတကြောင်း၊ (မေရို့မှာလေ)၊ ဖော်အပေါင်းနှင့် (သာစွလေသာခြင်းမှ)
ယခုဖော်ပြပြီးသော ရခိုင်သာခြင်းစပ်နည်းမျိုး၌-
၁။ လေးလုံးနှစ်ပါဒ နှစ်စုံစပ်နည်း---------------------------၆ မျိုး
၂။ သုံးချက်ညီစပ်နည်း------------------------------------၂ မျိုး
၃။ အလယ်တပိုဒ်ညှပ်စပ်နည်း------------------------------၁ မျိုး
၎။ အလယ်နှစ်ပိုဒ်ညှပ်စပ်ညန်း-----------------------------၁ မျိုး
၅။ အလယ်သုံးပိုဒ်ညှပ်စပ်နည်း----------------------------၁ မျိုး
(လိုင်(လည်)ပြန်စပ်နည်း ၃- မျိုးပေါင်းသော် စပ်နည်း ၁၁ နည်းရသည်။
မှတ်ချက်။ ။ အလွှဲမယှောင်သာ ကာရန်လွတ်စပ်နည်းပါဆိုလျှင် ထိုထက်ပိုလွန်သော စပ်နည်းများရနိုင်ပါသည်။
အခန်း (၄)
ကာရန်ဆက်စပ်နိုင်သည်များ
အသံမစပ်သောကာရန် (၆၄)သွယ်ဟိကြောင်း ဖော်ပြခပြီလီယာ။ ထို့အပြင် ဖော်ပြပါစပ်နည်းရို့၌ အသံကာရန်အပြင်၊ အနီးစပ်အသံကာရန်များဖြင့်လည်း စပ်ဆိုထားကြောင်းတွိ့နိုင်ပေသည်။
ဥပမာ။ စပ်နည်း (၂) ၌-
“ဆိုက်” နှင့် “ဖြစ်” ကို၎င်း၊ “ဇာ” နှင့် “တော်” ကို၎င်း၊
စပ်နည်း (၁) ၌-
“တော်” နှင့် “ခါ”ကို၎င်း၊ “ရား” နှင့် “လော” ကို၎င်း၊ အသံကာရန်အဖြစ်ယူထားလီသည်။
ထို့အပြင် စပ်နည်း (၁)၌-
“နု” နှင့် “ဖူး”ကို၎င်း၊ အနီးစပ်သံ သို့မဟုတ် သံပြောင်းသံခွဲအဖြစ်သုံးထားသည်။
ဤသို့လျှင် စပ်နိုင်သော ကာရန်များမှာ အောက်၌ဖော်ပြထားသည့်အတိုင်း လေ့လာနိုင်သည်။
“အူ” နှင့် “အု” ကာရန်စပ်ပုံ
ဆုထူးယူကေ၊ ကောင်းမှုတို့မေ (ဇိသျှင်ခိုးကေ ကဗျာမှ)
“အု” နှင့် “အူး” ကာရန်စပ်ပုံ
ဧယာည်ယာည်လေ၊ လွှဲငင်ပြုပျာ၊ ကျူးလိုက်မေလေ (ပဒုမ္မဝတီသာခြင်းမှ)
လေးမျက်နှာကို၊ မေမျှော်ရှုက၊ ဝမ်းနူးဝမ်းပါး (ဓမ္မဝိဇယသာခြင်းမှ)
“အော” နှင့် “အား” ကာရန်စပ်နည်း
အနိစ္စသဘော၊ မှန်ပေငြား၏၊ မနောဓမ္မသင်္ခါရသည် (တေမိလင်္ကာမှ)
ထိုထိုတောက၊ ကြောင်ဖားမြီးတို (ပဋာစာရီ-မှ)
ဆင်မြင်းကျွဲနွား၊ တသောသောကေ၊ တောသားသတ္တဝါ (ဓမ္မဝိဇယ-မှ)
“အော်” နှင့် “အာ” (အာ-နှင့် အော်)ကာရန်စပ်ပုံ
ခန္ဓာပင်ပန်း၊ လွမ်းဆွတ်ခါဖြင့်၊ စိတ်တော်နွမ်းလို့ (လွမ်းမပြေ-မှ)
ကထိန်လည်းကပ်၊ မေရို့မှာလေ၊ ပျော်ပါးကတ်မေ (သာစွလေ-မှ)
သတင်းမွေးကေ၊ မင်းလေးတော်ဟု၊ ဂဏှါဇာလီ၊ ညာမဒီနှင့်၊ သာကီမဟာ၊ ရွှေကိုယ်တော်တို့၊ မွှေးစွာနံ့လောင်း (ဝေဿန္တရာ-မှ)
ဇရက်ကျီးကန်း၊ ပျံသန်းကြိုးကြာ၊ ကျောက်နီမော်တွင် (ကင်းဆရာ)
“အူ” နှင့် “အုံ၊ အုမ်” ကာရန်စပ်ပုံ
သိလိုငြားမူ၊ ဘုမ္မိဇာလ (ရာဇဝင်လင်္ကာမှ)
နေလေကာမူ၊ ဟေယတုံတစ်ခါ (ရာဇဝင်လင်္ကာမှ)
ကိုယ့်ငွေ့တော်ယူ၊ ထည့်တုံပြီးငြား (င/လက်ရုံးလျှောက်ထုံးမှ)
“အား” နှင့် “အော်” ကာရန်စပ်ပုံ
တနန်းလုံးသား၊ ပျိုတော်များတို့၊ ဟောကြော်ကာဖြင့် (ဥဒိန္န-မှ)
“အော” နှင့် “အိုး” ကာရန်စပ်ပုံ
ကွမ်းသီးပိုးထိုး၊ ရီမှာမျော/မျိုး (တေးကဗျာမှ)
“အော်” နှင့် “အို” ကာရန်စပ်ပုံ
နွားမယေဂြိုတို၊ ပင်လယ်နားမှာ၊ သားကိုမျှော် (ကျေးလက်ကဗျာမှ)
သာသနာတော်၊ ထွန်းလင်းပေါ်ကေ၊ မဂ်ဖိုလ်လှမ်းလို့ (ရီလားသာခြင်းမှ)
“အဲ” နှင့် “အေး”ကာရန်စပ်ပုံ
အဖြူအမဲ၊ ပူအအေးကို၊ ခွဲခွဲခြားခြား၊ မေးစကားမှာ (မယားလု-မှ)
ရတနာလေ၊ သပြာကြေးကို၊ တပဲမကျန် (မယားလု-မှ)
“အေ-အဲ-(အေ့-အဲ့)” နှင့် “အယ်-အည်-အည့်” ကာရန်စပ်ပုံ
မွေးတရသေ့၊ ခေါ်စဖွယ်မှာ၊ နာမည်ဆွဲကား၊ မှည့်လိုက်သည်မှ (မယားလု-မှ)
“အဲး” နှင့် “အဲ့” ကာရန်စပ်ပုံ
ကာရန်နွဲးကေ၊ ဖွဲ့ကာလေဆိုရေ (ရီလားသာခြင်းမှ)
“အည်း” နှင့် “အည်” ကာရန်စပ်ပုံ
စိတ်ကရောက်ရေး၊ တသက်တွင်လေ၊ စားလင်မျောက်သည်၊ တစ်ယောက်တည်းနှင့် (မယားလု-မှ)
“အေ-အယ်” နှင့် “အည်” ကာရန်စပ်ပုံ
အေးမြရောင်ခြည်၊ မပြောင်းဝေဘဲ၊ မှောင်ကွယ်မှိုင်းမှိုင်း (ဥဒိန္န-မှ)
“အုံး-အုန်း” နှင့် “အုန့်-အူ-အူး” ကာရန်စပ်ပုံ
နဂိုရ်ပုန့်ပုန့်၊ ချိုပြုန့်ပြုန့်နှင့်၊ မုဒုလက္ခဏာ၊ အသားမှာလေ၊ ဂွမ်းဝါမုန့်သို့၊ နူးညံ့စွာနှင့် (မယားလု-မှ)
သဒ္ဓါရွှင်ပြုံး၊ သတင်းသုံး၍၊ ကြည်နူးစေတနာ (တေမိယလင်္ကာမှ)
သောသောအုံးအုံး၊ တရုံးရုံးနှင့်၊ ပျော်နူးသာယာ (တေမိယလင်္ကာမှ)
မာသဆန်းထူး၊ တန်းဆောင်မုန့်ကား၊ အသုံးအဆောင် (တိတ္ထုံပရမကျမ်းမှ)
“အစ်” နှင့် “အိုက်” ကာရန်စပ်ပုံ
ဤရှားတုံးကို၊ စဉ်းကာခုတ်ပစ်၊ မီးပြင်းတိုက်၍ (ရာဇဝင်လင်္ကာမှ)
မြင်မသန်းကေ၊ စွမ်းမညစ်ပဲ၊ မဂ်၌တည်းခို (ရာမသာခြင်းမှ)
မျိုးစေ့လည်းရ၊ ဥယျာဉ်၌လျှင်၊ စိုက်ပျိုးစကို (မယားလု-မှ)
“အိုင်” နှင့် “အဉ်” ကာရန်စပ်ပုံ
နှမပင်တိုင်၊ သံယောဇဉ်ကို၊ ခွဲနိုင်အခက် (လွမ်းမပြေ-မှ)
“အောင့်” နှင့် “အောင်း” ကာရန်စပ်ပုံ
မယားသားကြောင့်၊ တဖြားနှောင်းဟု (လွမ်းမပြေ-မှ)
မှတ်ချက်။ ။
ရခိုင်သာခြင်း၊ ကဗျာစပ်ဆိုရာ၌ ရခိုငအသံနှင့် နီးစပ်တူညီသော အသံနီးစပ်ချင်းတို့ကိုစပ်ဆိုနိုင်သီးကြောင်း၊ အသံထွက်ကိုလိုက်၍လည်းစပ်ဆိုနိုင်ကြောင်း ထင်ရှားနိုင်ပါသည်။
“ပ” သံကာရန်များတွင် (အံ+အန်+အမ်) ရို့ (အုံ+အုန်+အုမ်) ရို့ (၍+ရွေ့) ရို့ (တ်-နှင့် ပ်) ရို့စပ်ဆိုနိုင်ပါသည်။
ထို့ပြင် အသံထွက်အလိုက် ကာရန်ယူ၍လည်း စပ်လေ့ဟိသည်များကို အနည်းအပါးတွိ့ရပါသည်။
အခန်း (၅)
ရခိုင်သဘာဝတေးကဗျာစပ်ဟန်အမူနာများ
လုံးဝကာရန်ထပ်သည်လည်းရနိုင်သည်။ မထပ်သည်လည်းဟိသည်။ တစိပ်တဒေသ ထပ်သည်လည်းဟိသည်။ မထပ်သည်လည်းဟိသည်။ အက္ခရာလုံးရေ လေးလုံးတပါဒ ညီသည်များ၊ မညီသည်များ၊ လေးလုံးတပါဒထက်ပိုသည်၊ လျော့သည်များလည်းဟိကြောင်း တွိ့မည်ဖြစ်သည်။
လေးလုံးနှစ်ပါဒတစ်စုံယူ၍ စပ်ပုံများ၊ လေးလုံးညီသုံးပါဒတစ်စုံယူ၍ စပ်ပုံများ၊ လေးလုံးလေးပါဒတစ်စုံယူ၍စပ်ပုံများသော် တူညီကြပေ၏။ လုံးရေမညီဘဲ သုံးပါဒတစ်စုံ၊ သုံးပါဒတစ်စုံ၊ လေးပါဒတစ်စုံ စပ်နည်းမျိုးတိကိုကား ဖော်ပြပါအတိုင်း သိသာနိုင်ပေ၏။
ထိုတွင် နှစ်ပါဒကာရန်တစ်စုံစီစပ်နည်း၌ ဆိုလျှင် ရခိုင်သာခြင်းစပ်နည်း၌ ဖော်ပြခသည့်အတိုင်း ---“၃-၁၊ ၃-၂၊ ၃-၃၊ ၄-၁၊ ၄-၂၊ ၄-၃” စပ်နည်း (၆)မျိုးလုံးပင်တွိ့နိုင်ပေ၏။
နှစ်ပါဒတစ်စုံစပ်နည်း (၁) နည်း၌ အခံအအုပ် အက္ခရာလုံးရေမညီဘဲ တကွဲတပြား စပ်သည်များလည်း တွိ့ဟိနိုင်ပေသည်။ ထိုတွင် အသံလေးလုံး၊ အအုပ်၌သုံးလုံး၊ လေးလုံး၊ အခံ၌ ငါးလုံး၊ အအုပ်၌ သုံးလုံး၊ လေးလုံးစပ်နည်းတိမှာ ရခိုင်သံချပ်စပ်နည်း၊ တုံးခြင်းစပ်နည်းများနှင့် ဆင်တူပေ၏။
ယင်းသို့ နှစ်ပါဒတစ်စုံစီယူ၍စပ်ပုံစပ်နည်းများကို ရခိုင်သဘာဝတေးကဗျာရို့မှရှာဖွီ ရဟိသလောက် ခန့်ခွဲ၍ သာဓကနှင့်တကွ တွဲစပ်ကာတင်ပြထားပေ၏။ ထိုတွင် အမိန်း၊ အဖြေ၊ အတင်အချ၊ အပြန်အလှန် စပ်နည်းစပ်ပုံများလည်း တွိ့နိုင်ပေသည်။
ထိုသုံးပါဒတစုံယူ၍စပ်နည်း၌---
၁။ ။သုံးပါဒလုံးကာရန်ချိတ်ဆက်သော သုံးချက်ညီစပ်နည်း။
၂။ ။အလယ်တပိုဒ်ညှပ်သော လိုင်ပြန်စပ်နည်း။
၃။ ။ပထမပါဒနှင့် ဒုတိယပါဒထပ်၍ တတိယပါဒကာရန်ရွတ်စပ်နည်း။
၎။ ။အစ ပထမပါဒသာကာရန်ရွတ်၍၊ အလယ်ဒုတိယပါဒနှင့် အဆုံးတတိယပါဒကာရန်ထပ်သော စပ်နည်း။
၅။ ။အစ၊ အလယ်၊ အဆုံးဖြစ်သော သုံးပါဒလုံး ကာရန်မထပ်သော ကာရန်ရွတ်စပ်နည်း။
ဤသို့ (၅) မျိုးရနိုင်သည်။
ထို(၅)မျိုးရို့တွင်ကား (၅)နံပါတ်စပ်နည်းသည် မလွဲမယှောင်သာသောစပ်နည်းမျိုးဖြစ်ပေရာသည်။ (၃) နှင့် (၄) နံပါတ်စပ်နည်းတိကဲ့သို့ အနည်းအပါးကာရန်ရွတ်၍ စပ်ဆိုခြင်းမျိုးကား မြန်မာလေးဆစ်စပ်နည်း၌လည်း တွိ့နိုင်ပေ၏။ ထို(၅) မျိုးရို့တွင် ပါဒညီလုံးရေအက္ခရာမဟိကတ်။ အက္ခရာလုံးရေတပါဒနှင့် နှစ်ပါဒမတူညီကတ်ချေ။
(က)
နှစ်ပါဒတစ်စုံစပ်နည်းများ
(၁) လေးလုံးညီ နှစ်ပါဒကာရန်တစုံစီယူ၍စပ်နည်းများ
၁။ ။ယိုင်းဖြူစင်ကေ၊ ယင်းပုခွက်ကို (၃-၁ --စပ်နည်း)
၂။ ။ပြဿဒ်ပျင်ပျာ၊ စွန်းတင်ကြက်လို့ (၃-၂- -------)
၃။ ။အညီမေရို့၊ ဖူးကတ်တေလေ (၃-၃------------)
၎။ ။အတွင်းကန်မှာ၊ ကြာနီထောင်သောင်း (၄-၁------)
၅။ ။ကြက်ယှာဒဏ်စွန်၊ တံခွန်လိပ်လက် (၄-၂--------)
၆။ ။ဖိုးခေါင်လည်းကျူး၊ မေလည်းခူးရေ (၄-၃-------)
(၂) ကာရန်ရွတ် သံချပ်-ဒုံးခြင်းများစပ်နည်းဟန်ကဲ့သို့စပ်နည်း
၁။ ။ အုန်းသီးခွန်ထူ၊ ညှင်ရီပပါး။
၂။ ။အပုမေဆင်၊ ဆင်ကာပုလဲ။
၃။ ။ကြင်သောင်သောင်နန့်၊ လ-ကောင်း ပ-ယောင်။
၎။ ။ဒေတလင်းကို၊ ညက်အောင်လယ်ခ။
၅။ ။တောင်လီသွက်သွက်၊ မြောက်လီသွက်သွက်။
၆။ ။ရွှီသီးတပတ်၊ ငွီသီးတပတ်။
၇။ ။မြတ်စီစွန်းစီ၊ လားကတ်ခီမေ။
၈။ ။သင်္ကြန်ရက်မှာ၊ ပို့ခလိုက်လေ။
၉။ ။အစံမေကို၊ ယိုင်းယင်ဆိုးကေ။
၁၀။ ။အရှေ့ပန်းထိန်၊ အနောက်ပန်းဘဲ။
၁၁။ ။ခါးမှာမပါ၊ လက်မှာကြန်ဆစ်။
(၃) အက္ခရာလုံးရေမညီသော နှစ်ပါဒတစုံစီစပ်နည်းများ
-----ပထမပါဒ----------------------------------------ဒုတိယပါဒ
၁။တောင်တက်--------------------------------------ဝါးရစီ (၂-၃)
မြစ်ဆင်း---------------------------------------------ငါးရစီ (၂-၃)
၂။ တောင့်ကို----------------------------------------အလိုလိုက်ကေ (၂-၄)
၃။ အနှစ်ကို------------------------------------------ယူယူ (၃-၂)
အကာကို---------------------------------------------စားစား(၃-၂)
အစူလွဲ------------------------------------------------ယိုင်း-ယိုင်း (၃-၂)
၎။ စပါးလှန်း------------------------------------------ဇကန်းဖို့ (၃-၃)
ဝက်သားကင်-----------------------------------------မောင်သျှင်ဖို့ (၃-၃)
အမေလေ---------------------------------------------ရောက်မလေ (၃-၃)
ကြက်ဖတွန်-------------------------------------------တန်းထက်က (၃-၃)
ချင်းချင်းနီ----------------------------------------------လိုင်မှာစွပ် (၃-၃)
ကောက်စရီ--------------------------------------------သီအောင်သတ် (၃-၃)
၅။ သော်ဒရီ--------------------------------------------အယင်ပြီးလီ (၃-၄)
ဂုမပျော်------------------------------------------------ဇာခါပျော်ဖို့ (၃-၄)
မိကိုယ်ကို----------------------------------------------မိကိုပီးလေ (၃-၄)
တောင်ကိုတက်----------------------------------------ဝါးရစီ (၃-၄)
စူးခက်ရံ------------------------------------------------ဖက်ရံတောမှာ (၃-၄)
၆။ နင့်လင်ဇာကို---------------------------------------လား-လား (၄-၂)
အစရာလေ---------------------------------------------ရီငံ (၄-၂)
အဖျားရာလေ-------------------------------------------ရီကောင်း (၄-၂)
ထွေငါးကိုလည်း----------------------------------------ကင်-ကင် (၄-၂)
ဒေငါးကိုလည်း------------------------------------------ချက်-ချက် (၄-၂)
နတ်တောင်ဖလာ---------------------------------------ဆီး-ဆီး (၄-၂)
သျှင်တော်လိုက်လို့--------------------------------------ဗြီး-ဗြီး (၄-၂)
အဘုချေလွှဲ---------------------------------------------ယိုင်း-ယိုင်း (၄-၂)
ကြည့်ခီကတ်မေ----------------------------------------လာတ်-လာတ် (၄-၂)
တချက်နှင်လိုက်----------------------------------------ဒူ-ဒူ (၄-၂)
၇။ တိမ်ကိုခွဲကေ----------------------------------------မဝဲကေ့ (၄-၃)
ပုတ်ချောင်ကြားမှာ-------------------------------------ဝှက်ပျာထား (၄-၃)
နာလိုရေလား------------------------------------------ခြေမသျှ/ချေ (၄-၃)
ပိုးပစိုင်းသံ----------------------------------------------ညံသသွား (၄-၃)
ဂေါက်ရီမိငါး--------------------------------------------ကြောင်စားရေ (၄-၃)
အစူးလည်းထွင်----------------------------------------နီလည်းဝင် (၄-၃)
မိလည်းကိုယ်တိုင်--------------------------------------မဆက်နိုင် (၄-၃)
ကတုတ်ချောင်က---------------------------------------ရီယိုရေ (၄-၃)
အမိသတ်ကေ-------------------------------------------ငါငိုရေ (၄-၃)
ဘားဘာရောက်ကေ------------------------------------တိုင်ပြောမေ (၄-၃)
တောက်တဲးမြည်ကေ------------------------------------ညောင်ခေါင်းက (၄-၃)
ရွှီခေါင်းအောက်------------------------------------------ကံ့ကော်ပင် (၄-၃)
ကံ့ကော်ပင်အောက်-------------------------------------ပိန္နဲတော (၄-၃)
၈။ ချမ်းသာမြို့မှာ----------------------------------------စရိုက်ကေကျရေ (၄-၅)
တောင်ပုတ်ကေမှာ -------------------------------------ကျားသျှေကေကျော်လမ်း (၄-၅)
မင်းသားစံညို-------------------------------------------ဆယ်ရေခုနစ်ယောက် (၄-၅)
လက်ပံပင်မှာ--------------------------------------------ဇရက်ကေရီစွတ် (၄-၅)
၉။ မိုးသီးပေါက်ကျရေ-----------------------------------ကိုယ်နာရေ (၅-၃)
မက္ကလာယူခ---------------------------------------------ပါရဲဘ (၅-၃)
အင်္ဂရားပွင့်ဖြူ--------------------------------------------ပွင့်တော်မူ (၅-၃)
ဝရာဇ်တောင်စာတီ---------------------------------------လုံးပတ်ညီ (၅-၃)
ဒိုးတလင်းလက်စွပ်---------------------------------------ဝတ်ရမေ (၅-၃)
လက်ဝဲကြည့်ကေလဲ-------------------------------------ငါစော်ပျာ (၅-၃)
တခွက်ပီးလို့လည်း---------------------------------------မသက်သာ (၅-၃)
နှစ်ခွက်ပီးလို့လည်း---------------------------------------မသက်သာ (၅-၃)
လက်စွပ်ချေခဗျာ-----------------------------------------စိန်ယောင်းယာ (၅-၃)
မယာထီးအသျှင်------------------------------------------ဆုတောင်းယင့် (၅-၃)
၁၀။ အထက်မှာစွန်ခြံ-------------------------------------အောက်မှာကျောက်တိုက် (၅-၄)
စရပ်ကေမြိုင်မြိုင်-----------------------------------------နီရိုင်မထိုး (၅-၄)
ဝက်မယေလောင်လင်------------------------------------နာကြင်လိမေ (၅-၄)
လက်ကျိုးမကူရာ-----------------------------------------လှီလှော်မတတ် (၅-၄)
ခေါင်းမှာချပ်တရာ-----------------------------------------နားမှာညှစိမ်း (၅-၄)
ပန်းဇင်းသျှေဖုန်းဆိုး---------------------------------------ငါ့င/ရဲကို (၅-၄)
၁၁။ အသူကစပ်ဖော်--------------------------------------ဓားရှည်ခုနစ်စင်း (၅-၅)
ငါ့ရို့ကစပ်ဖော်---------------------------------------------ဓားရှည်ခုနစ်စင်း (၅-၅)
ငှက်ခါးကေခင်ပုတ်----------------------------------------ထီး(ဒီး)ဒုတ်ကေလင်းပြာ (၅-၅)
၁၂။အပျုမသျှေတစု----------------------------------------တိုင်ပင်ပြု (၆-၃)
ပရွက်ဆိတ်ကေတကောင်---------------------------------ခါးပန်းယှောက် (၆-၃)
ပဇွန်ဆိတ်ကေရင်တင်-------------------------------------ကိုသာမြင် (၆-၃)
အရင်းပိုင်ကိုယူမေ------------------------------------------ကြီးခမေ (၆-၃)
ဆီးမီးခွက်ချေပြောင်ပြောင်---------------------------------လှဝေမောင် (၆-၃)
ဗုပေါက်သျှေသုံးလုံး----------------------------------------ပုဝါဖုံး (၆-၃)
၁၃။ ပတ္တလားယေပြိန်ပြောက်-----------------------------မိုးကြိုးယောင်လေ (၆-၄)
(၄) နှစ်မျိုးရောစပ်နည်းများ
------၃/၂--------------------------------------------------------၃/၂------(၅-၅)
၁။ ဒါးမကို-ယူလီ-------------------------------------------------ဒါးဖိုကို-ပစ်ခ
အရိပ်ကေ-မြိုင်မြိုင်-----------------------------------------------နဖီယေ-ကောက်ခြင်း
သရက်ကေ-ချိုချို-------------------------------------------------သဝင်ကေ-မြစ်မြစ်
တောင်လီက-လာလာ--------------------------------------------မြောက်လီက-လာလာ
အပွင့်ယေ-ဖြူပြာ-------------------------------------------------အညှာကေ-ကောက်ခြင်း
အနှစ်ကို-ယူယူ---------------------------------------------------အကာကို-ပစ်ပစ်
ဇကန်းလည်း-အာအာ---------------------------------------------ခဲဝါလည်း-သောင်းသောင်း
ခွီးသမီး-အိမ်ဖြူ----------------------------------------------------နီပူက-ရဲရဲ
သခွားချေ-ပွင့်မုံ----------------------------------------------------ဖရုံချေ-ပွင့်သစ်
------၃/၂----------------------------------------------------------၂/၃-
၂။ အသူလွှဲ-ယိုင်းယိုင်း---------------------------------------------အဘုသျှေလွှဲ-ယိုင်းယိုင်း
အောက်ကလည်း-ပျဉ်ခင်း-----------------------------------------အထက်ကလည်း-ပျဉ်စီ
------၃/၃----------------------------------------------------------၂/၃-
၃။ စာစိတ်ကေ-စာစိတ်ကေ----------------------------------------ပန်းကောက်-ကတ်ဖိမေ
နင်သီသီ-ငါသီသီ---------------------------------------------------ပန်းပင်-ရကေကျီ
------၄/၂----------------------------------------------------------၄/၂-
၎။ အဝကလည်း-လောင်းလောင်း--------------------------------အဖျားကလည်း-လောင်းလောင်း
အဝရာလည်း-ရီငန်------------------------------------------------အဖျားရာလည်း-ရီငန်
ထွေငါးကိုလည်း-သင်သင်-----------------------------------------ဒေငါးကိုလည်း-ချက်ချက်
အာကာရာသီး-ဆွတ်ဆွတ်----------------------------------------စာမေမည်သူ-မွတ်မွတ်
နတ်တောင်ဖလာ-ဆီးဆီး-----------------------------------------သျှင်တော်လိုက်ပို-ဗြီးဗြီး
------၄/၂----------------------------------------------------------၄/၃-
၅။အသူ့ထမင်း-ထောင်ထောင်---------------------------------ရွာတော်လုံးမှာ-ပပန်းပြောင်
နင့်လင်ဇာကို-စားစား-------------------------------------------နပျိုသီးကို-ဇာမှာထား
ပုတ်ချောင်ကြားမှာ-ထားထား-----------------------------------နင့်လင်ရောက်ကေ-ဇာကိုစား
အမေလက်ကောက်-သွင်သွင်-----------------------------------ဇကန်းတိုင်မှာ-ဆွဲပျငင်
အိုးပုတ်ကသျှေ-ဗြုစင်-------------------------------------------ဂြိုးကြာဥကို-လက်ဝဲတင်
(၅) အမိန်းအဖြေ၊ အပြန်အလှန်၊အတင်အချစပ်နည်းမျိုးများ
၁။
မိန်း။ အဘာဝါ
ဖြေ။ အဘာဆုံခွတ်လားခယင့်။
မိန်း။ ဆုံဝါ
ဖြေ။ ဆုံစပါးထောင်းလီယင့်။
၂။
မိန်း။ ဇာပါလတ်တေရောင်
ဖြေ။ ငတင်းစပ်။
မိန်း။ စပ်တေက, ဇာရောင်
ဖြေ။ စပ်တေက,ငရုပ်သီး။
၃။
မိန်း။ အဖိုး အဖိုး ဇာတူးရေ
ဖြေ။ ရွှေ၊ငွေ တူးရေ
မိန်း။ ရွှေနန့် ငွေနန့်ဖ,ကတ်မေ
ဖြေ။ မ-ဖ
၎။
မိန်း။ အဝေ အဝေ မင်းအဘာဝါ
ဖြေ။ အဘာဈီးပြုလားခရေ
၅။
မိန်း။ ပေါက်ပင် ပေါက်ပင် ရွှီပေါက်ပင်
ပေါက်ပင်ကိုင်းလိုင်း ခါးစိုင်းစိုင်းမှာ
ရွှီဗျိုင်းဇာဖြစ်နားပါရေ။
ဖြေ။ ငါးပေါ်လို့ နားပါရေ
မိန်း။ ငါးဇာဖြစ် ပေါ်ပါရေ
ဖြေ။ ကျွဲမြုံလို့ ပေါ်ပါရေ။
၆။
ကညာပျို။ တောင်လီကလာလာ၊ မြောက်လီကသွတ်သွတ်၊ အဖိုးသျှင်မှာ၊ ခယောက်ပြတ်လို့။
အဖိုးအို။ ခွီးသမီးအိမ်ဖြူ၊ နီပူကရဲရဲ၊ နင့်ထပိန်မှာ၊ အနားပြဲရေ။
တပည့်။ မဉ္ဇရီခက်လံ၊ ခက်ဖျားခံမှာ၊ နှုံ့လတ်တေ၊ ရွှီနို့သျှင်၊ မိခင်နို့ကို၊ မွတ်လတ်တေ၊ ဆရာတော်၊ သျှင်ပင်ကျောင်းက၊ ရွှတ်ပါလား။
ဆရာတော်။ တတိုင်းတပြည်၊ ပိုင်ရေမက်သား၊ ဒအောင်ကျော်၊ နောင်တော်ရွှတ်ကေ၊ ငါရွတ်ယင့်လေ။ ငါရွတ်ယင့်။
အခန်း (ခ)
သုံးပါဒတစ်စုံစပ်နည်များ
(၁) သုံးပါဒလုံးကာရန်ချိန်ဆက်သော သုံးချက်ညီစပ်နည်းများ
--ပထမပါဒ--------------------------ဒုတိယပါဒ----------------------------တတိယပါဒ---၃------------------------------------၃--------------------------------------၃သရက်ပင်---------------------------သဇင်ပန်း-----------------------------လှမ်းဆွတ်---၃------------------------------------၄----------------------------------------၃ပိုးရွှီတောင်---------------------------ဖိုးခေါင်းလည်းကျူး-------------------မေလည်းရူး---၃-------------------------------------၄---------------------------------------၄ညီမငယ်------------------------------မောင်ငယ်တစ်ခု---------------------တိုင်ပင်ပြုရေကျီးသန္တာ-----------------------------ပျံကာဝဲကေ---------------------------ရမ်းဗြဲ့ကျွန်းကဝရာဇ်တောင်-------------------------ညောင်ခေါင်းဝက---------------------မိုးကိုတ,လို့---၃--------------------------------------၅---------------------------------------၃လက်မှာဝတ်--------------------------လက်စွပ်ချေတခြေ-------------------ပျောက်ခရေ---၄--------------------------------------၃----------------------------------------၃အနောက်ဖလောင်း-------------------ပင်းဝါချောင်း--------------------------ရီကောင်းစီ----၄--------------------------------------၃----------------------------------------၄ဝမ်းခဲဝမ်းနာ---------------------------မထောင်းတာ-------------------------တခါလာလတ်ကုလားပုဇွန်----------------------------ဆားငငန်------------------------------ကြာဇံမစားလက်ကိုခေါင်းတင်----------------------ဖွဲမီးကင်-------------------------------ရှင်ရှင်လည်းကျွီး---၄----------------------------------------၄------------------------------------------၃ငှက်ယောင်ကျီးယောင်------------------အတောင်မပေါက်---------------------ပျိုင်မရောက်ယိုးဒယားက-----------------------------ကြက်မဝယ်ခ--------------------------ဈီးတန်ကစံညှင်းပလီ-------------------------------ပလီစံကျော်---------------------------မှုတ်လို့ခေါ်အုန်းပင်ထက်က-------------------------ဘုန်းမင်းငှက်ချေ----------------------မြည်လတ်တေအသူ့သျှေခါ------------------------------ပင်လယ်နားမှာ-----------------------ကစပ်ဖော်တုံးကြီးအောက်က-----------------------လိုက်ပြောက်သငေ-------------------ကိုက်လတ်တေ----၄------------------------------------------၄----------------------------------------၄အိမ်ကိုလည်းရောက်-------------------မိုးလည်းသောကကေ-----------------ကောက်ကရီကောက်နှင်းမြိုင်မြိုင်ကေ------------------------တောင်ကျိုင်ကြားက------------------ကျွဲကျောင်းလားရေဖခင်ရင်သွီး-----------------------------အမိမွီးကေ----------------------------သမီးလှယေရှိတခွင်ကို------------------------------မီးလျှင်တိုက်မေ-----------------------လာလီရေလေ----၄-----------------------------------------၄----------------------------------------၅တပြာပြာကေ---------------------------လင်းပြာစိုးကေ------------------------ကြာရိုးတံဘက်လေ-----၄-----------------------------------------၅---------------------------------------၃ဘီးဘိုးအိုင်အင်း-------------------------သပေါ့စာပင်ရင်း----------------------ဓားတစင်း----၅------------------------------------------၃---------------------------------------၂ပတ္တိလိချောင်းဖျား-----------------------မျှားတန်းချ----------------------------ပစ်ချဒါရှိဖစောင်းကန်း-------------------------နပူလှန်း------------------------------ဒါန်းစောင်-----၅----------------------------------------၃-------------------------------------၄တဖက်ကေလိမ္မာ-------------------------ခွီးပညာ------------------------------လာရာလာလတ်ဒေါင်းပြောက်ကေနှစ်ကောင်-------------အိုးမှာလောင်------------------------ကုန်အောင်မစားထပိန်ခုနစ်ထောင်------------------------မီးနန့်လောင်-------------------------ခြုပ်စောင်မတပ်----၅----------------------------------------၄--------------------------------------၅လင်းကွက်ချေစိန်ဒေါင်-------------------နားဒေါင်းပြောင်ကေ-----------------ကုန်အောင်နဂါးရစ်----၆----------------------------------------၃--------------------------------------၄ပဝါပြောက်ချေလိုင်ချိုင်-------------------ပန်းကုံးကိုင်--------------------------ကယိုင်ကပါး----၆-----------------------------------------၄--------------------------------------၃မက္ကလာလည်းတထည်-------------------သျှော်လည်းတထုံး-------------------နောက်ကဖုံး----၆------------------------------------------၄-------------------------------------၄သားလှယယေမောင်သျှေ----------------ပုခွက်ယေမှာ--------------------------အိပ်ပါလင့်လေ
(၂) အလည်တပိုဒ်ညှပ်သော သုံပါဒတစ်စုံလိုင်ပြန်စပ်နည်းများ
ပထမပါဒ--------------------------ဒုတိယပါဒ----------------------------တတိယပါဒ---၂-----------------------------------၄--------------------------------------၂ပျား-ပျား---------------------------(ဇာမှာတည်ရေ)----------------------ပျား-ပျား---၄------------------------------------၃--------------------------------------၃မေသျှင်ပြောပြော------------------(ဘုန်းတော်ကန်)---------------------ရီခပ်လားသဲကျွန်းခေါ်ကာ-------------------(အဘုမေ)---------------------------မော်ဖျားမှာ---၄------------------------------------၃-------------------------------------၄များစွာစုပေါင်း---------------------(ကုန်သည်ဟူ)-----------------------လူအပေါင်းတို့----၄------------------------------------၄-------------------------------------၂ပင်လယ်နားမှာ---------------------(ရီကစပ်ဖို့)--------------------------လာ-လာ---၄-------------------------------------၄------------------------------------၃သခွါးငကြောင်---------------------(တညှာတည်းမှာ)-------------------ကိုးလုံးပြောင်မေထွီးလင်မှာ----------------------(နီးမထိုးကေ)------------------------ဗကိုးမှာတစင်းယူလီ------------------------(ညောင်ပင်ကြီးကို)------------------ခွတ်ရစီခွီးကိုလည်းဆီး---------------------(ရွှီကျောက်ဖျာမှာ)-------------------အစာပီးသခွါးသုံးပင်------------------------(တောင်မြင်တိုင်းမှာ)----------------စိုက်တိုင်းရှင်မောင်ကြီးမောင်ကြီး---------------(ထန်းပင်ထက်ကို)------------------တက်ပျာပြီး---၄-------------------------------------၄------------------------------------၄ကြာလံပုဆိုး------------------------(အဖျားစွန်မှာ)----------------------ငန်းခြည်ထိုးလို့ပန်းခံယူငင်-------------------------(လှပိုးဝါမှာ)------------------------ခေါင်းထက်တင်လို့လှမသန္တာ---------------------------(ငွီဖလားနန့်)----------------------ကွမ်းယာလို့ပါကြာညိုအည်းမ---------------------(စပါးခွန်ကို)------------------------တောင်းဖို့ကျရေ---၄------------------------------------၄-------------------------------------၅နှမသန္တာ----------------------------(ရွှီဖလားနန့်)------------------------ကွမ်းယာလို့ပါလာဒဏ်မူဆတ်ဆတ်-------------------(ချိုင်ရေလောင်းမှာ)-----------------နှစ်ပိုင်းပြတ်လို့---၄--------------------------------------၄------------------------------------၆တကျောင်းနှစ်ကျောင်း-----------(မေရို့နီကေ)--------------------တောင်ထက်ကသျှေကျောင်းနန့်---၅----------------------------------၃--------------------------------------၃ဈီးတလင်းလက်စွပ်--------------(လှသန္တာ)----------------------------စီပျာဝတ်အသူပေပန်ဖို့--------------------(ပင်းဝါသူ)----------------------------ရန်မျိုးဖို့---၅---------------------------------၄--------------------------------------၄အရွက်ကေသိပ် (မှင်းကျိုးပင်မှာ)-----------------------ခြိုးအိပ်တေအညှာကေကောင်းခြင်း----------(ယာတောင်ထက်မှာ)---------------ဝါဂွမ်းခင်းလေ---၅----------------------------------၄-------------------------------------၅အဘာကြီးဝါဝါ---------------(တောင်ရင်ကျွန်းက)------------------မြင်းစီးလို့လာယာအဘာကြီးဝါဝါ---------------(တောင်ညာလမ်းက)-----------------မြင်းစီးလို့လာယာ----၆---------------------------------၄-----------------------------------၃မက္ကလာယေရိုင်ရိုင်----------(ကြိမ်သားဒုတ်ကို)-------------------နနောင်းကိုင်အမေလက်ကောက်သွင်သွင်-(ဇကန်းတိုင်မှာ)---------------------ဆွဲပျာငင်အိုးဗုတ်ကေသျှေဗြုတ်စင်----(ကြိုးကြာဥကို)-----------------------လက်ဝဲတင်အသူထမင်းထောင်ထောင်---(ရွာတော်လုံးမှာ)--------------------ပပန်းပြောင်---၆---------------------------------၄---------------------------------၄ခကြိုးပြောက်ချေနီနီ---------(လက်တန်းဖျားမှာ)------------------ပိတ်အကျီနန့်---၇-----------------------------------၄---------------------------------၃အဝေအဝေငတုတ်ကေ------(မင်းစပါးကို)------------------------ကျွဲစားရေ---၇----------------------------------၄---------------------------------၄အဝေအဝေမြတ်သာခိုင်-----(မင်းစပါးကို)------------------------ကျွဲစားရေဝေ
(၃)အစအလယ်ညီ၍ အဆုံးမညီသောသုံးပါတစ်စုံစပ်နည်းများ
ပထမပါဒ--------------------------ဒုတိယပါဒ------------------တတိယပါဒ---၃-----------------------------------၃---------------------------၃ဗူးပွင့်ရံ-----------------------------ကြာတံဘက်---------------(ရွက်ခဘိ)ဇေတဝန်--------------------------မြတ်မွန်ကျောင်း------------(ပန်းတင်ယင့်)---၃----------------------------------၄-----------------------------၃ငါးဇ္ဗူ-------------------------------ငါးခူးစူးကေ-----------------(အီးလိမ့်မေ)မက္ကလာ---------------------------ကွန်ချာထိုးကေ-------------(အကွင်းပြတ်)အိုးဗုတ်ကေ-----------------------ချက်တေထမင်း-------------(တစိပ်ခွက်)အသံကောင်း---------------------ခြီခေါင်းဝယ်ခ----------------(ဈီးတန်းက)လူပေါင်းစုံ------------------------ရန်ကုန်မြို့က----------------(ခေါ်ပါခီ)---၃--------------------------------၄-----------------------------၅နှမဖြူ----------------------------မိုးသူခေါင်းမှာ----------------(ထိပ်ပန်းယေဆင်လို့)---၃--------------------------------၄------------------------------၄သင်္ကြန်ခါ-------------------------ခမျာရို့ကို-------------------(စွပ်စောင့်ထည့်မေ)ပြူပင်တိုင်------------------------ပြိုင်သင်္ဘောမှာ--------------(ရွက်ညီနန့်နန့်)---၄----------------------------------၃-----------------------------၂တပြင်နှစ်ပြင်---------------------ငါးသျှဥ့်ပြင်-------------------(ကူး-ကူး)----၄---------------------------------၃-----------------------------၃အလွမ်းမပြေ-----------------မြကြာဝေ-----------------------(မြကြာမ)အသူ့ဆံထုံး------------------ပုလဲကုံး-------------------------(ကျီးနားရေ)---၄----------------------------၄---------------------------------၂လလှုပ်ယယင်---------------မောင်သျှင်တပါး----------------(ကူ-ကူ)ဇရုံကြီးနန့်-------------------ဘုန်ကြီးတရား------------------(နာ-နာ)---၄-----------------------------၄-------------------------------၃ကောင်းကကောင်ယင့်------အခြွီရင့်မှာ----------------------(ပိုးထိုးရေ)နှင်းသံဖြဖြောက်------------ပပေါက်ဖောက်သို့--------------(ကြားရရေ)မြတ်မဉ္ဇူလေ---------------လိုဏ်ဂူဝမှာ---------------------(ကျွတ်ဆုတောင်း)---၄----------------------------၄---------------------------------၄အပွင့်ကောင်းလည်း-------ဗောင်းနန့်ထိပ်တင်-------------(လွန်လိုကြပြီ)ပွင့်ထုံပွင့်ထုံ---------------ပွင့်ထုံလိပ်လက်----------------(မထိုးလီကေ့)တောင်ဘယံမှာ----------သာငြိမ့်ညောင်းပျာ--------------(ကြားရရေလေ)ခြိုရွှီဝါလည်း---------------မောင်ကျော်ခုတ်မှာ------------(ဗဗောင်းကျလို့)---၅---------------------------၃------------------------------၃ကုလားမတန်းထား--------ရစိုးသား-----------------------(ကူးရရေ)---၅---------------------------၄-------------------------------၃လောင်းသမဗြဲအောင်------ယာတောင်ထက်က-----------(မိုးကြိုးရေ)---၅---------------------------၄-------------------------------၄နဂါးမသမီး-----------------မဲမကြီးကို---------------------(စစ်သတ်လားရေ)သစ်ကလိန်သီးယေ--------မျောက်သျှခြံရင်း--------------(တိမ်ပျက်ပျက်နန့်)လမုံးသီးတရာ-------------သီတာနားမှာ------------------(မိုးကိုခေါ်ကေ)
(၄) အလယ်၊ အဆုံးညီ၍အစလွတ်သောသုံးပါဒတစုံစပ်နည်းများ
ပထမပါဒ------------------ဒုတိယပါဒ--------------------တတိယပါဒ---၃-------------------------၃-------------------------------၃(ချစ်တေသူ)--------------အသံပီး-----------------------အဝီးက--၃--------------------------၄------------------------------၃(တောင်လီခံ)-------------တောင်တန်းပျင်းက-----------မီးလင်းလင်း---၃--------------------------၄----------------------------၄(သခင်ကျော်)------------ပင်လယ်နားမှာ----------------မျှိုင်ထိုးလားရေ(သင်္ဘောဆိပ်)-----------တန်းထားလည်းပြို------------ရွှေအိုးလည်းရ--၄---------------------------၃-----------------------------၃(အုန်းပင်ရင်းက)---------အုန်းနန့်လာ-------------------ဆင်နန့်လာ--၄---------------------------၃------------------------------၄(ကြိမ်သာဒုတ်ကို)--------နနောင်းကိုင်----------------ကယိုင်ကပါး(ဝခွက်လုံးစီ)-------------ဘေးကိုကိုင်-----------------ကယိုင်ကပါး--၄-------------------------၃-------------------------------၅(ပုဇွန်ဆိတ်ကေ)---------ခြီနှစ်ချောင်း-----------------မှင်းကျိုးသီးနန့်ထောင်း---၄--------------------------၄------------------------------၃(သလူထဲမှာ)------------မိုးသီးကျယောင်--------------ကြယ်ခေါင်ခေါင်(ဖလောင်းတည်ကေ)---ကာသတ်မြို့မှာ---------------နီဖို့ကောင်း---၄---------------------------၄-----------------------------၄(မြင့်သေလာကေ)-------ရိုးတောင်ကြီးမှာ--------------စစ်မီးစစ်ဆင်(မင်းကြီးမင်းညို)--------အရှိပြည်နန့်------------------အနောက်ပြည်မှာ(ကန်ဘောင်ထက်က)--အုန်းပင်တပင်----------------ပြိန်းပင်တပင်(သဲပုံပိုင်ကေ)-----------ဓညာမြို့က-------------------တွက်ကတ်ဖို့လေ(ကောက်ညှင်းဆန်ကို)--ဖြူအောင်ဖွတ်ကေ-----------ဖွတ်စားကတ်မေ(ယိုးတုံ့ယိုးတုံ)-----------သမ္ဗရာသီး--------------------ငှက်ကြီးဗောင်ရှည်---၄-------------------------၅-----------------------------၃(ဗျိုင်းဖြူမေကွက်)-------အနောက်ကိုတက်လီ---------ငါးကောက်ခီ(အပြင်ဖက်က)----------နှဲပလီကျာကျာ---------------မှုတ်လို့လာ---၅-------------------------၃-----------------------------၃(ကျောက်စရစ်ကေ)------ကူးမည်ဆို-------------------ထိုမတ်သား
(၅) သုံးပါဒတစုံ ကာရန်မညီသော စပ်နည်းများ
ပထမပါဒ-----------------ဒုတိယပါဒ------------------တတိယပါဒ---၃-------------------------၃---------------------------၃ဆရာသျှင်---------------ထေရ်ကျော်ကျောင်း-------လားကတ်မေ---၃-------------------------၃---------------------------၄ငါ့ဖို့ဆို--------------------ပုဆိုးပိုင်း-------------------ဝယ်ပျာပီးကေ---၃--------------------------၄---------------------------၂လှမိုးသူ------------------လင်ထောင်းရေလေ---------ဂျိမ်း-ဂျိမ်း---၃---------------------------၄-------------------------၃ဆရာတော်--------------သျှင်ပင်ကျောင်းက-----------ရွှတ်ပါလားအုန်းပင်သျှင်------------အုန်းခက်အုန်းလက်-----------ကြွီပျာကျဆရာတော်--------------ယို့ရေလက်ဖွီး-----------------ကိုထိုးရေစားမည်ဆို---------------ဇမ္ဗူဒီပါ-----------------------ဟိယင့်လား--၄-------------------------၄-------------------------------၃ထွေဖက်ကမ်းကို---------ကူးနိုင်သူ-----------------ရွှီမတ်သား---၄-------------------------၄-----------------------------၂အာဂသမီး----------------ဒိုင်းနက်မသျှေ------------ခေါ်-ခေါ်ဇရုံကြီးနန့်----------------သုံးခွက်ပီးမည်------------ကန်-ကန်အိမ်လုံးပြင်---------------အောင်မေဆံထုံး----------ကြင်း-ကြင်း--၄---------------------------၄--------------------------၄ဖဲထပိန်လေ--------------ရီမှာချကေ-----------------မောင်းမောင်းပွင်ံရေပတ္တနာလေ--------------ရောင်ဖြူကျွန်းမှာ----------ဆီးခတ်လားရေ--၄----------------------------၅-------------------------၃အမင်ပါးက--------------နှဲပလီကျာကျာ--------------မှုတ်လတ်တေ---၅---------------------------၄--------------------------၃အရီးသျှင်ထမင်း---------မွန်းတည့်လတ်ခါ-----------မွတ်လိမ့်မေ---၅---------------------------၄--------------------------၄အခင်ကြီးလာရေ--------ခေါင်းပေါင်းစွန်မှာ---------ရွှီပွင့်ပန်လို့
(ဂ)
လေးပါဒတစုံစပ်နည်းများ
(၁) အလယ်နှစ်ပုဒ်ညှပ် (အက္ခရာလုံးရေမညီ) လိုင်ပြန်စပ်နည်းများ
ပထမပါဒ-----------ဒုတိယပါဒ------------တိယပါဒ----------------စတုတ္တပါဒကယိုင်ကပါး-------(နှင်းမြိုင်မြိုင်ကေ၊ ---တောင်ကျိုင်ကြားမှာ)---ကျွဲကျောင်းလားရေမိဘအာဏာ-------(သုံးတန်ချိုင်၊--------ပျုင်တံခါးကို)------------လှစ်မရလေမျက်ဝီခမောင်း-----(အဖြာဖြာကေ၊-------လက်ယာဘက်မှာ)-----ကျီးတခေါင်းကျီးသျှေနွှဲနှောင်း---(မြတ်ဆရာကေ၊-----သျှင်ပင်ကျောင်းမှာ)----ဘုရားလောင်းကယိုင်ကပါး-------(ပတ္တနာ၊-------------ရောင်ဖြူကျွန်းမှာ)-------ငှက်ခါတ်လားရေစည်ပင်လတ်လို့----(အချိန်တန်၊---------နီလားရပ်မှာ)------------မြို့တမြို့ကန်ကဖြစ်ယင့်----(ရီမထွက်၊------------အောက်ကနဂါး)---------ဆီးလီယင့်လူကြီးအပေါင်း----(မြတ်မဉ္ဇူလေ၊--------လိုဏ်ဂူဝမှာ)-----------ကျွတ်ဆုတောင်းလို့နို့စို့မရ-------------(စုတ်စဖြာ၊-------------ဒွါရာလမ်းမှာ)----------ကြွီလို့ကျစောင်းတန်းဖလာ--(အဝန်းအညီ၊----------မြီတလင်းမှာ)----------မလားသာညခါလာလတ်-----(နီပြောင်ပြောင်၊--------ကန်ဘောင်ရင်းမှာ)----ကတိသတ်မေ
မနောနတ်မင်း-----(တောင်လီခံ၊-----------တောင်တန်းပျင်းက)---မီးလင်းလင်းခြိုးသားရှာခီ-------(ခြိုးရွှီတောင်၊-----------ကန်ဘောင်နားမှာ)----ယောင်ပါလီကားရီကားရား----(လူတကာပိုင်၊----------အားခွန်းထောင်)-------လုပ်မစားလေနီသာကြဲကြဲ-------(သျှင်မင်းပြည်မှာ၊----ပျော်ဘွယ်ကောင်းလေ)---တသဲးသဲးလေ
(၂) လေးပါဒလုံးမညီသော စပ်နည်းများ
ပထမပါဒ----------ဒုတိယပါဒ------------တတိယပါဒ--------------စတုတ္ထပါဒဇကန်းမလည်း-----အသားမည်းလို့------မလာပါလို့----------------ဆိုပါခီဇရက်မလည်း------အခြီသီလို့-----------မလာပါလို့-----------------ဆိုပါခီဝေ့ဘူမလည်း------ဝေ့ပျောက်နီလို့------မလာပါလို့-----------------ဆိုပါခီဗျိုင်းခကလည်း----အသားဖြူဖြူ---------ဆင်ဖြူစီးလို့--------------လာလတ်မေလို့ဆိုပါခီ
---------------------------------0------------------------------------ရခိုင်သဘာဝတေးကဗျာစပ်နည်း ဒေမှာပင်ပြီးပါယာ။
http://minhtee.blogspot.com/feeds/posts/default
You Are Here: Home - စာကြည့်တိုက် , ရခိုင်သဘာဝတေးကဗျာစပ်နည်း , သမိုင်း , အမျိုးသားရီး , ဆောင်းပါး - ရခိုင်သဘာဝတေးကဗျာစပ်နည်း