“ငါ ရို့ ရွှေဂစ်(စ်)ကို ငါရို့ သုံးခွင့် ရရှိရမည်၊ အဂုချက်ချင် ၂၄ နာရီမီးပီးပါ” အေနိန် ၂၀၁၁ ခုနှစ်၊ ဒီဇင်ဘာ (၅)ရက်နိ ရခိုင်ကမ်းလွန်ဒေက ထွက်ဟိရေ ရွှေသဘာဝဓာတ်ငွေ့ကို ရခိုင်ပြည်တ၀န်ကို ၂၄ နာရီ လျှပ်စစ်မီးရဟိရေး ပိုစတာ ကပ်၊ ဖြန့် ၊ ကြဲ လှုပ်ရှားမှုတိကို ၂၄ နာရီ လှုပ်ရှားမှု အင်အားစု ရခိုင်ပြည် (24 Hours Acton Groups-Rakhine State) က ဦးဆောင်ပြီးကေ ရခိုင်ပြည်နယ် တောင်ကုတ်နန့် သံတွဲမြို့ရို့ မှာ လုပ်ဆောင်လားရေလို့ သိရပါရေ။ ရခိုင်ကမ်းလွန်က တရုတ်နိုင်ငံထိ ကိလိုမီတာ ၂၈၀၀ ရှည်လျှားရေ တရုတ်-မြန်မာ ဓာတ်ငွေ့ပိုက်လိုင်းကြီးကို အများမကြာခင် ၂၀၁၃ ခုနှစ်လောက်မှာ ပြီးစီးဖို့လို့ သိရပါရေ။
ပြီးစော်နန့် တပြိုင်နက် ရခိုင်ကမ်းလွန် A1/A3 လုပ်ကွက်တိက ထွက်တေ သဘာဝဓာတ်ငွေ့တိကို ဓာတ်ငွေ့ထွက်ဟိရေ ရခိုင်ပြည်နယ် ဖွံဖြိုးတိုးတက်ရေး ကဏ္ဍမှာ တဖဲချေလည်း မသုံးစွဲဘဲ တစ်နှစ်ဆိုကေ သဘာဝဓာတ်ငွေက ပမာဏ ၁၂ ဘီလီယံ ကုဗမီတာခန့်ကို တရုတ်နိုင်ငံကို နှစ်ပေါင်း ၃၀ ဆယ်လောက်ကြာအောင် တင်ပို့ ရောင်းချလားဖို့ ဖြိုက်ပါရေ။ စွမ်းအင်ဝန်ကြီး ဦးသန်းဌေး ကလည်း ယင်းသဘာဝဓတ်ငွေ့ကို ရခိုင်ပြည်နယ်မှာ သုံးစွဲဖို့ မဟုတ်လို့ စက်တင်ဘာလ (၂၇) ရက်နိက လွတ်တော်ထဲမှာ အတိအကျ ထုတ်ဖော်ပြောလားပါရေ။ ကျနော်ရို့ ရခိုင်ပြည်က ထွက်တေ သဘာဝဓာတ်ငွေ့ကို ဖွဲ့ဖြိုးတိုးတက်မှုအနှေးကွေးဆုံးနန့် မွဲပြာကျ ဆုံးဖြိုက်နီရေ ရခိုင်ပြည်နယ်အတွင်းမှာ တဖဲချေလည်း အသုံးစွဲနိုင်ရေလို့ ပြောကြားလားရေ စွမ်းအင်ဝန်ကြီး ပြောလိုက်တေ စကားရေ ရခိုင်ပြည်သူလူထုရို့ အခြေခံရပိုင်ခွင့်ကို တိုက်ရိုက် မျက်ကွယ်ပြု စော်ကားလိုက်စော်ဖြိုက်ပါရေ။ အဂုဆိုကေ ရခိုင်ပြည်နယ်မှာ မီး ၂၄ နာရီ ရဟိအောင် ကိုယ်ရို့ ရပိုင်ခွင့်ကို ငြိမ်းချမ်းစွာ တောင်းဆိုရေ လူတိကိုလည်း ဖမ်းဆီး၊ စစ်ဆေး၊ ခြိမ်းခြောက်မှုနန့် ပိုင်ဆိုင်စော်တိကိုလည်း သိမ်ယူရေ၊ စောင့်ကြည့်စော်တိကိုလည်း ခံနီရပါရေ။ ဇာပိုင်ပင်ဆိုဆို ဖိနှိပ်ချုပ်ချယ်မှု ခြိမ်းခြောက်မှု၊ ဖမ်းဆီချုပ်နှောင်းမှု အမျိုးမျိုးတိကို ရင်ဆိုင်နီရကေလည်း ၂၄ နာရီ အင်အားစု-ရခိုင်ပြည်(24-Hours Action Groups-Rakhine State)က ရခိုင်ရွှေဂစ်(စ်)ကို ရခိုင်ပြည်အ၀န် ကျေးလက်မြို့ပြ ၂၄ နာရီလျှပ်စစ်မီးရဟိရေးကို နည်းလမ်းမျိုးစုံနန့် အချိနန့် တပြေညီ ဆက်လက်တိုက်ပွဲဝင်လားဖို့လို့လည်း သိရပါရေ၊
၂၄ နာရီ လှုပ်ရှားမှု အင်အားစု(ရခိုင်ပြည်)
24 Hours Action Groups-Rakhine State
ဆက်သွယ်ဖို့ဆိုကေ- 24.basic.rights@gmail.com
http://www.laywaddyarakan.com/